Pajanjian Lisboa (2007)

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Pajanjian Lisboa (juo disabuik Pajanjian Reformasi) adolah sabuah pajanjian nan disahkan pado tanggal 13 Desember 2007 di Lisboa, Portugal dek para kapalo pamarintahan negara anggota Uni Eropa. Pajanjian iko marupokan pambaruan taadok Pajanjian Uni Eropa dan Pajanjian Pandirian Komunitas Eropa (Pajanjian Roma). Satalah ratifikasi dek badan parundangan negara-negara anggota, pajanjian iko akan balaku mulai Januari 2009.

Pambaharuan nan tadapek dalam Pajanjian Lisboa marupokan pambaharuan nan dicadangkan dalam Konstitusi Eropa nan ditolak dalam sabuah referendum di Parancih dan Balando pado 2005. Satalah balaku, pemilu Parlemen Eropa akan diadokan.

Datiak-datiak pantiang[suntiang | suntiang sumber]

Pado awal 2007, Jerman manjadi Presiden Uni Eropa dan mamulai langkah untuak mancapai suatu pajanjian baru nan manggantikan Konstitusi Eropa nan ditulak duo tahun dahulu. Deklarasi Berlin nan disatujui dek satiok negara anggota pado bulan Maret manyatokan kainginan mereka marangkai suatu pajanjian baru sabalum pemilu Parlemen Eropa pado awal 2009.

Kanduangan[suntiang | suntiang sumber]

Babarapo ciri utamo Pajanjian Eropa iyolah sabuah Piagam Hak Asasi Uni Eropa, kantua Kabijakan Lua Negeri nan disatukan, paluasan bidang tugas Parlemen Eropa, proses pangambilan suaro nan labiah badasarkan mayoritas, adonyo sabuah jabatan Presiden Dewan Eropa serta entitas undang-undang nan satu.

Namo dan unsua konstitusi[suntiang | suntiang sumber]

"Pajanjian Pandirian Komunitas Eropa" (Perjanjian Roma) akan diubah namonyo manjadi "Pajanjian Fungsi Uni Eropa". Pajanjian-pajanjian Uni Eropa indak akan disatukan dalam satu dokumen.

Dewan Eropa (European Council, bukan Majelis Eropa) serta Bank Sentral Eropa manjadi institusi organ resmi UE; Dewan Uni Eropa ka dikana sabagai "Dewan Para Menteri", Mahkamah Masyarakat Eropa akan dinamokan Mahkamah Eropa, dan Komite Eropa ka digunokan dalam konstitusi dan bukannyo "Komite Masyarakaik Eropa".

Piagam Hak Asasi[suntiang | suntiang sumber]

Piagam Hak Asasi Uni Eropa mangandaungi 54 pasal nan manjamin hak politik, sosial dan ekonomi rakyat. Piagam iko manjamin paraturan dan tindakan UE indak batulak balakang jo Konvensi Hak Asasi Manusia Eropa. Dalam Konstitusi Eropa nan ditulak, pakaro-pakaro piagam dimasuakkan ka dalam dokumen konstitusi dan wajib ditaati dek satiok negara anggota. Britania Raya, nan mampunyai sistem hukum adaik sarato indak mampunyoi konstitusi batulih manantang usua iko. Jerman pun maanjuakan supayo piagam iko ditarangkan dalam satu pakaro dan wajib ditaati. Pasal 6 dalam Pajanjian Reformasi maningkaikkan Piagam Hak Asasi ka taraf nan samo saparti pajanjian UE nan lain.

Katantuan istimewa[suntiang | suntiang sumber]

Britania Raya dan Polandia[suntiang | suntiang sumber]

Pasal 1 dan 2 dalam Pajanjian Reformasi mangacualikan Britania Raya dan Polandia untuak pambalakuan Piagam Hak Asasi Uni Eropa dek Mahkamah Paradilan Eropa. Perdana Menteri Polandia, Donald Tusk manyatokan bahwa Polandia mungkin akan manandatangoni piagam itu suatu hari nanti.

Britania Raya dan Irlandia[suntiang | suntiang sumber]

Britania Raya dan Irlandia manarik diri dari kaputusan mayoritas layak manganai urusan kabijakan dan kahakiman. Kaputuihan iko akan dikaji kambali dek Irlandia 3 tahun satalah pambalakuan pajanjian iko. Kaduo negara buliah mamiliah untuak malibaikan diri dalam kaputusan mayoritas layak manuruik kasus tatantu.

Rujuakan[suntiang | suntiang sumber]