Padang Magek, Rambatan, Tanah Datar
| Padang Magek | |
|---|---|
| Nagara |  Indonesia |
| Provinsi | Sumatera Barat |
| Kabupaten | Tanah Datar |
| Kecamatan | Rambatan |
| Laweh | - |
| Panduduak | 4,996 urang (2010) |
Padang Magek adolah salah satu nagari nan tamasuak ka dalam wilayah kecamatan Rambatan, Kabupaten Tanah Datar, Provinsi Sumatera Barat, Indonesia. Nagari ko talatak di dakek Batusangkar, ibu koto dari kabupaten Tanah Datar.
Pakaian Adaik Padusi Khas Padang Magek
[suntiang | suntiang sumber]Pakaian adaik nan khas bagi Bundo Kanduang atau padusi Minangkabau dikenal sabagai Baju Milik. Kaunikannyo indak hanyo pado desainnyo, tapi juo pado nilai-nilai filosofis nan takanduang di dalamnyo.
Namo baju milik punyo makna nan dalam. Satiok padusi di Padang Magek wajib mampunyoi pakaian iko sabagai jati diri jo kabanggaannyo manjadi anak nagari. Pakaian iko marupokan simbol identitas nan mancaminkan akar budayo jo tradisi masyarakaik satampek.
Set langkok Pakaian Milik tadiri dari: tengkuluak (panutuik kapalo), baju basiba hitam jo kodek, salempang, ikek pinggang bajambua suto, sarato dilengkapi jo tas ketek tradisional nan disabuik kambuik bajaik.
Hiasan Kapalo: Tengkuluak Sapik Udang
[suntiang | suntiang sumber]Tutuik kapalo adolah bagian nan paliang mencolok dan filosofis. Namonyo "tengukuluak sapik udang". Tutuik kapalo ko tadiri dari duo kain—sahalai kain saruang jo talakuang—nan indak hanyo rancak dicaliak, tapi dapek juo untuak sumbayang. Falsafah iko sajalan jo falsafah Minangkabau: adaik basandi syarak, syarak basandi kitabullah; adaik mamakai, syarak mengato.
Tutuik kapalo ko mampunyoi bantuak simbolis. Bagian kanan manyarupoi tanduak, sadangkan bagian kiri babantuak bungo kacubuang, nan malambangkan himbauan kapado masyarakaik tantang alek elok jo alek buruak- pasan moral untuak salalu bijak dalam manghadapi kahidupan .
