Padang Laweh, Sungai Pua, Agam

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Padang Laweh
Nagari
Nagara  Indonesia
Provinsi Sumatera Barat
Kabupaten Agam
Kecamatan Sungai Pua
Kodepos 26181
Laweh - km²
Panduduak 3,043 urang (2010)

Padang Laweh marupoan salah satu nagari nan ado diKecamatan Sungai Pua, Kabupaten Agam, Sumatera Barat. Indonesia. Barado di kaki Gunuang Singgalang jo lueh wilayah kurang labiah 690 ha.Gerbang Nagari Padang Laweh talatak di Jalan linteh Sumatera nan manghubungkan Kota Bukittinggi jo Kota Padang Panjang. Bajarak 2 km dari Ibu Kota Kacamatan jo wakatu tampuah ka Ibukota Kacamatan sakitar 15 minik, sadangkan jarak ka Ibu kota Kabupaten sakitar 88 km jo wakatu tampuah 3 jam sadangkan jarak ka Ibukota Propinsi (Kota Padang) sakitar 89 km jo wakatu tampuah 2 jam.[1]

Nagari Padang laweh tadiri dari 4 Jorong :

  1. Jorong Kubu
  2. Jorong Batu Gadang
  3. Jorong Tampat
  4. Jorong Talao

Sijarah Nagari Padang Laweh[suntiang | suntiang sumber]

Nagari Padang Laweh pado awalnyo  adolah bagian dari Kanagarian Batu Palano. Pado Taun 1946 Nagari Padang Laweh mamisahkan diri jo Batu Palano jo Wali Nagari partamo Rahmad A. Malano. Samanjak itu Kanagarian Padang Laweh alah diakui kabaradoannyo dek Pamarintah jo kaputusan Gubernur

[2]

Bateh Wilayah Nagari Padang Laweh[suntiang | suntiang sumber]

Bateh-bateh nagari sabagai barikuik:

  1. Sabalah Utara jo Nagari Batagak
  2. Sabalah Salatan jo Nagari Pandai Sikek, Kabupatan Tanah Datar.
  3. Sabalah Barat jo Gunuang Singgalang ( Balingka IV Koto ).
  4. Sabalah Timur jo Nagari Batu Palano.

Kondisi Alam Nagari Padang Laweh[suntiang | suntiang sumber]

Badasarkan topografi Nagari Padang Laweh mampunyoi topografi jo kamiringan, katinggian jo morfologi daratan, wilayah pagunuangan, daratan tinggi. Nagari Padang Laweh talatak pado katinggian 985 – 1505 m diateh parmukoan lauik, bariklim tropis jo suhu rato-rato 16 °C - 25 °C jo kalembaban udaro bakisar antaro 80 -  90%.

Curah hujan nan cukuik tinggi yaitu 12.521 mm/tahun tanpa bulan kariang. Curah hujan tatinggi tajadi pado Bulan November sakitar 1.647 mm jo curah hujan tarandah tajadi sekitar bulan Juli 74 mm. Kondisi Curah hujan ko bapangaruh tahadap kagiatan panduduak.

Jenis tanah nan ado di Kanagarian Padang Laweh adolah jenis Tanah Andosol atau tanah gambua nan sangaik cocok untuak partanian jo parkabunan[3]

Kasenian Daerah[suntiang | suntiang sumber]

MasyarakaikPadang Laweh juo takenal jo kasenian daerah nan masih dijago, sarupo Randai jo Tari kasenian daerah minangkabau. Salah satu tarian kasenian nan barasal dari Nagari Padang Laweh adolah Tari Alang Suntiang Pangulu

Pautan lua[suntiang | suntiang sumber]

Bendera Indonesia Katarangan jumlah panduduak daerah tingkek ampek di Indonesia ko diambiak dari hasil sensus populasi nasional Indonesia pado tahun 2010 dek BPS.


  1. "Salingka Adaik Jo Nagari" (dalam bahaso id). http://salingkanagari.blogspot.com/. Diakses pado 12 Desember 2019. 
  2. Ardinata, Roffi. "Sejarah Nagari Padang Laweh". http://salingkanagari.blogspot.com/2013/04/nagari-padang-laweh-kec-sei-pua-kab.html. Diakses pado 12 Desember 2019. 
  3. "Salingka Adaik Jo Nagari" (dalam bahaso id). http://salingkanagari.blogspot.com/. Diakses pado 12 Desember 2019.