Oto listrik

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Oto listrik REVAi/G-Wiz i sadang maisi baterai di tampek pengisian listrik di pinggir jalan kota London.
Nobuhiro Tajima basiap di Pikes Peak International Hill Climb jo oto sport listrik.
Oto sport listrik OSCar eO pada Dakar 2012.

Oto listrik iolah oto nan digariakan dek motor listrik, manggunoan energi listrik nan disimpan dalam baterai atau tampek panyimpanan energi lainnyo. Oto lisrik sangaik populer di akhir abad ke-19 jo awal abad ke-20, tapi kamudian maredup karano teknologi masin pambakaran dalam nan samakin maju jo harago kandaraan babahan baka bensin nan samakin murah. Krisis energi pado tahun 1970-an jo 1980-an pernah mambangkikan saketek minaik pado oto-oto listik ko, tapi pado tahun 2000-an lah para produsen kandaraan baru manaruah parhatian nan serius pado kandaraan listrik. Dek mangko bak itu dikaranokan harago minyak nan mambumbuang tinggi pado tahun 2000-an sarato banyak masyarakat dunia nan alah sadar akan buruaknyo dampak emisi gas rumah kaco[1][2]. Sampai bulan Novmber 2011[3], model-model listrik nan tasadio dan dijua di pasa-pasa babarapo negri iolah Tesla Roadster, REVAi, Renault Fluence Z.E., Buddy, Mitsubishi i MiEV, Tazzari Zero, Nissan Leaf, Smart ED, Wheego Whip Life, Mia listrik, dan BYD e6. Nissan Leaf, di jua labiah dari 20.000 unit di saluruah dunia (sampai November 2011), dan Mitsubishi i-MiEV, dijua global labiah dari 17.000 unit (sampai Oktober 2011), iolah kaduo oto listrik paliang laku di dunia.

Oto listrik mamiliki babarapo kalabiahan nan potensial jikok dibandiangan jo oto bamesin pembakaran dalam biaso. Nan paliang utamo iolah oto listrik indak manghasilkan emisi kendaraan bermotor.[4][5] Salain tu, oto jenis iko dapek manguranggi emisi gas rumah kaco karano indak mambutuhkan bahan baka fosil sabagai pangerak utamonyo. Pado akhirnyo, katagantuangan minyak dari lua nagari pun bakurang, karano bagi babarapo nagari maju sarupo Amerika Serikat jo banyak nagari Eropa,[1][6] kanaikan harago minyak dapek manakan ekonomi mereka. Bagi nagari bakembang, harago minyak nan tinggi samakin mambaraikan naraca pambayiaan nagari, sahinggo maambek patumbuahan ekonomi nagari.[7][8]


Maskipun oto listrik punyo babarapo kauntuangan potensial sarupo nan disabuikan di ateh, tapi pangunoannyo sacaro maluas mamiliki banyak paambek dan kakuranggan. Sampai di tahun 2011, harago oto listrik masih jauah labiah maha dibandiangan jo oto bamasin bensin biaso nan kandaraan listrik hibrida karano harago batrai ion litium nan maha.[9] Maskipun dek tu, kini ko harago batrai mulai turun karano mulai diproduksi dalam jumlah gadang.[10] Faktor lainyo nan maambek tumbuahnyo panggunoan oto listrik iolah masih saketeknyo stasiun pangisian batrai untuak oto listrik, ditambah katakuikan pagendara jo habisnyo isi batrai oto sabalum sampai ka tujuan. Babarapo pamarentah di babarapo nagari di dunia alah manabikan babarapo insentif jo aturan untuak mananggulangi masalah ko, nan tujuannyo untuak maningkatkan panjualan oto listrik, untuak mambiayai pagembangan teknologi oto listrik sahinggo harago batrai jo komponen oto bisa samikin efisien. Pamarentah Amerika Serikat alah mambarikan dana hibah sagadang US$2,4 miliar untuak pangembangan oto listrik jo batrai.[11] Pamarintah Cino mangumumkan bahwa inyo akan manyadiokan dana gadang US$15 miliar untuak mamulai industri oto listrik di nagarinyo. babarapo pamarentah lokal jo nasional di banyak nagari alah manabikan kredik pajak, subsidi, dan banyak insentif lainnyo untuak mangurangi harago oto listrik jo oto plug-in.[12][13]



Di nagari Indonesia ko, pado tanggal 1 April 2012 pamarentah kucuaan 100 miliar rupiah untuak riset oto listrik.[14] Lanjuik tanggal 10 juni 2013 pamarentah tegaskan kandaraan listrik bebas pajak. Dan kamudian pado tanggal 12 Juni 2013 Zbee dari Swedia resmi mambukak pabrik kandaraan listrik dengan namo PT Lundin Industry, nan talatak di Kota Banyuwangi, Jawa Timur, dengan target produksi minimal 100.000 unit per tahun.

Sijarah[suntiang | suntiang sumber]

Oto listrik Jerman, 1904, pak sopirnyo di ateh

Oto listrik populer bana di patangahan abaik ka-19 jo awal abaik ka-20, katiko tu listrik ko masih dipilah sabagai pangarik utamo kendaraan. Hal iko disababkan karano oto listrik manawakan kanyamanan jo pangoperasian nan murah jo indak sarupo jo oto nan lain. Pakambanggan teknologi pambakaran dalam nan samakin maju, tautamo di starter listriknyo, lambek laun mangurangi popularitas oto listrik. Hal iko ditambah jo kamampuan oto bensin nan dapek manampuah jarak nan labiah jauah, pangisian bensin nan jauah labiah capek, jo infrastruktur pangisian bensin nan samakin banyak, ditambah jo sistem produksi massal nan dipakai dek Ford Motor Company, mambuek harago oto bensin turun dareh sampai satangah harago oto listrik. Oto listrik pun manjadi samakin indak populer, dan sacaro total mahilangnyo dari pasaran, tarutamo di pasa gamuak sarupo Amerika Serikat, pado tahun 1930-an. Bagaimanapun juo, pado tahun-tahun tuh, samakin banyak urang nan sadar akan dampak lingkungan nan ditimbulkan dek oto bensin, ditambah harago bensin nan maha nan naiak taruih, mambuek oto listrik diminati dek urang baliak. Oto listrik jauah labiah ramah lingkuangan daripado oto bensin, biayao marawaiknyo labiah murah, ditambah teknologi batrai nan samakin maju. Kakurangannyo adolah harago oto listrik sangaiklah maha. Oto listrik kini ko mulai dapek popularitasnyo baliak di babarapo nagari di dunia satelah sakian lamo mahilang dari paradaban.

1890-an sampai 1900-an: Awal sijarah[suntiang | suntiang sumber]

Sabalum masonyo masin pambakaran dalam, oto listrik alah mamegang banyak rekor kecepatan jo jarak. Di antaro sado rekor iko, salah ciek nan paliang tasohor iolah pamecahan rekor kakancangan 100 km/jam (62 mph) dek Camille Jenatzy pado tanggal 29 April 1899. Inyo mangunoan kandaraannyo nan babantuak roket Jamais Contente, dengan kakancanggan maksimal 105,88 km/jam (65,79 mph). Sabalum tahun 1920-an, oto listrik basaiang rapek jo oto babahan baka bensin.

Thomas Edison jo ciek oto listrik tahun 1913 (sumber dari National Museum of American History)
Tribelhorn 1908

Dimulai pado tahun 1896 untuak manyalasaian masalah infrastruktur pangisian nan kurang, sabuah jaso palayanan pangantian batrai dimulai dek parusahaan Hartford Electric Light Company untuak truk listrik. Pamilik kandaraan mambali kandaraannyo dari General Electric Company (GVC) tanpa batrai jo mambali batrai di Hartford Electric jo sistem batrai nan dapek diganti-ganti. Pamilik kandaraan akan dikanaian piti servis bulanan jo piti pajalanan per milnyo untuak biaya parawatan truknyo. jaso palayanan ko tasadia pado tahun 1910 sampai 1924 jo manampuah total sakitaran 6 juta mil. Pado tahun 1917, sabuah parusahaan di Chicago manjalanan servis palayanan sarupo iko untuak oto Milburn Light Electric nan mambali kandaraanyo tanpa batrai.


Pado tahun 1897, oto listrik mulai dipakai sabagai kandaraan komersial di Amerika Serikat sabagai armada taksi listrik New York City, taksi iko dibuek dek Electric Carriege jo Wagon Company Philadelphia. Oto-oto listrik ko di Amerika Serikat diproduksi dek Anthony Electric, Baker, Columbia, Anderson, Fritchle, Studebaker, Riker, Milburn, jo babarapo perusahaan lainnyo di awal abaik ke-20

Maskipun mampunyoi kakancangan nan randah, tapi oto listrik mampunyoi kalabiahan dibandiangkan kompetitornyo di awal 1900-an. Oto listrik indak mambuek getaran, oto listrik juo indak mangaluaan gas buang nan babaun, jo indak barisiak jikok dibandiangan jo oto bensin. Selain tu, oto listrik indak paralu mamindahan gigi, dimano pado oto bensin hal ikolah nan jadi pahambek gadang dalam manggunokannyo. Oto listrik pado maso katiko tu digunoan juo dek urang-urang kayo sabagai oto kota, sahinggo katerbatasan jarak indaklah hambekan gadang. Kalabihan lainnyo, oto listrik indak mambutuhkan usaho kareh untuak mahiduikkannyo, indak sarupo jo oto bensin nan paralu jo tuas tangan untuak manyalokan oto. Oto listrik pado maso tu dianggap sebagai oto nan cocok untuak pangemudi wanita karano kamudahannyo dalam maoperasikannyo.

Henney Kilowatt, oto listrik yang dibuek tahun 1961 nan babasis ka Renault Dauphine

Pado tahun 1911, New York Times manyatokan bahwasanyo oto listrik adolah kendaraan "ideal" karano labiah barasiah, labiah haniang, jo labiah himaik daripado oto bensin

1990-an sampai kini: Kambalinyo minaik urang banyak[suntiang | suntiang sumber]

Krisis energi pado tahun 1970-an jo 1980-an mambuek minaik masyarakaik untuk oto listrik ko kambali baliak. Pado awal 1990-an, California Air Resources Board (CARB) mulai manakan urang pabrik otomotif untuak mulai lah mambuek oto nan efisin dalam bahan bakar, rendah emisi, untuak tujuan agar mambuek kendaraan emisi nol sarupo kendaraan listrik. Sabagai responnyo, babarapo pabrik mancubo mambuek oto listrik surang-surang, sarupo Chrysler TEVan, truk pikap Ford Ranger EV, Pikap S10 EV, hatchback Honda EV Plus, miniwagon Altra EV, dan Toyota RAV4. Oto-oto ko kasudahannyo baredar di pasa Amerika Serikat.

Nissan Leaf partamo nan diantahan dek produsen ka konsumen di A.S di jalanan San Fransisco

Resesi ekonomi global pado akhir tahun 2000-an mambuek banyak produsen otomotif dunia manjauah dari oto-oto SUV nan gadang jo boros, baaliah ka oto-oto ketek, hibrid, jo oto listrik. Parusahaan otomotif asal California, Tesla Motos, mamulai pangembanggan Tesla Roadster pado tahun 2004, jo akhirnyo diluncuakan ka urang banyak pado tahun 2008. Sampai bulan januari 2011, Tesla alah berhasil manjual 1.500 unit Roadster di 31 nagari. Mitsubishi i MiEV diluncuakan untuak panguno armada di japang bulan juli 2009, dan mulai dijuo ka urang surang-surang pado bulan April 2010. Oto ko mulai dijual di Hong Kong bulan mei 2010, dan Australia mulai Juli 2010.

Panjualan Nissan Leaf di japang jo Amerika Serikat dimulai pado bulan Desember 2010, maskipun awalnyo hanyo tasadio di babarapo kawasan sajo jo jumlahnyo tabatas. Sampai bulan September 2011, oto-oto listrik nan dijua di pasa iolah REVAi, Buddy, Citroën C1 ev'ie, Transit Connect Electric, Mercedes-Benz Vito E-Cell, Smart ED, dan Wheego Whip LiFe.

Pabandiangan jo kendaraan bamasin pambakaran dalam[suntiang | suntiang sumber]

Saat iko, target tapantiang dari kandaraan listrik iolah mangatasi masalah di bidang pagembangan, produksi, jo operasinyo nan tinggi bilo dibandiangan jo oto bamasin pambakaran dalam sajenis.

Harga[suntiang | suntiang sumber]

panjualan Mitsubishi I MiEV ka urang banyak dimulai di japang

Oto listrik pado umumnyo labiah maha daripado oto bamasin pambakaran dalam. Alasan utamo iolah mahalnyo harago batrai. Pambali oto di AS jo Inggris indak niyo mangaluakan pitihnyo labiah banyak untuak oto listrik ko. Hal iko juo nan manyebabkan tasandaiknyo transisi dari oto bensin ka oto listrik. Survei nan dibuek dek Nielsen untuak Financial Times manunjuakan bahwasanyo 65% urang Amerika dan 76% urang Ingris indah niyo mangaluaan pitih labiah banyak dari nan dikaluakan untuak oto bensin. Sabuah laporan dek J.D. Power and Associates mangklaim bahwa 50% pambali oto di Amerika indak niyo mambali kendaraan hijau jikok haragonyo 5.000 dolar labiah maha dari kendaraan bensin sarupo tu, maskipun inyo khawatir pulo ka lingkuangan. [15]

Parusahaan oto listrik Tesla Motors mangunoan teknologi batrai komputer jinjiang sabagai batrai untuak oto listrik inyo [16]. Batrai ko 3 sampai 4 kali labiah murah dibandiangan jo batrai oto listrik biaso nan dipakai parusahaan oto lainnyo. Baterai konvensional mahabisan 700-800 dolar AS per kilowatt jam, sadangkan batrai nan mangunokan sel dari komputer jinjiang hanyo 200 dolar AS sajo.

Biaya marawaik[suntiang | suntiang sumber]

Tesla Roadster nan dijua di AS jo Eropa mamiliki jarak tampuah kiro-kiro 245 mil sakali pangisian batrainyo.

Gadangnyo biaya marawaik oto listrik sabagian gadang adolah piti marawaik jo manganti batrainyo. Sabuah oto listrik hanyo mamiliki 5 suku cadang bagerak di motor listriknyo, bandiangkan jo oto bensin nan mampunyoi ratusan suku cadang bergerak. Batrai oto listrik haragonyo sangaik maha tapi dek baitu biaya marawaiknyo sangaiklah ketek, apolai pakai batrai Lithium nan kini ko banyak digunoan.

Untuak mahituang baraa biaya per kilometer dari oto listrik mako dek tu pantiang untuak manetapkan barapo nilai pakai batrai. Untuak tu menetapkannyo marupokan hal nan sulik karano fakta nan manunjuakan bahwa kapasitas batrai akan bakurang saketek demi saketek satiok kali pangisian ulang. Umur batrai dikatoan habis apobilo si nan punyo oto maraso bahwa kamampuan batrainyo alah indak dapek diandalkan lai. Maskipun sacaro pamakaian alah "habis", tapi baterai bekas pakai iko masih mamiliki nilai guno karano masih dapek dipakai untuak tujuan .lainnyo atau mungkin didaur ulang baliak.

Referensi[suntiang | suntiang sumber]

  1. a b Sperling, Daniel. (2009). Two billion cars : driving toward sustainability. Oxford: Oxford University Press. ISBN 978-0-19-970409-5. OCLC 302414399. https://www.worldcat.org/oclc/302414399. 
  2. Sandalow, David, (2009). Plug-in electric vehicles : what role for Washington?. Washington, D.C.: Brookings Institution Press. ISBN 978-0-8157-0348-8. OCLC 500909615. https://www.worldcat.org/oclc/500909615. 
  3. Damon Lavrinc (2011-11-30). "Nissan sells 20.000 Leafs worldwide. 10.000 in U.S. by end of the year". Autobloggreen.
  4. "Should Pollution Factor into Electric Car Rollout Plans?". Earthech. com. 2010-03-17.
  5. "Clean Air Initiative: Global". www.cleanairnet.org. Diakses tanggal 2020-10-24. 
  6. Mitchell, William J. (William John), 1944-2010.; Burns, Lawrence D. (2010). Reinventing the automobile : personal urban mobility for the 21st century. Cambridge, Mass.: Massachusetts Institute of Technology. ISBN 0-262-28855-9. OCLC 827009799. https://www.worldcat.org/oclc/827009799. 
  7. "High oil prices disastrous for developing countries" (dalam bahasa Inggris). Diakses tanggal 2020-10-24. 
  8. "Impact of High Oil Prices on African Economies" (PDF). African Development Bank. 2009-07-29.
  9. (dalam bahaso en) Read "Transitions to Alternative Transportation Technologies—Plug-in Hybrid Electric Vehicles" at NAP.edu. https://www.nap.edu/read/12826/chapter/2. 
  10. "Yahoo". green.autoblog.com. Diakses tanggal 2020-10-24. 
  11. "Obama pushes electric cars, battery power this week". USATODAY.COM. Diakses tanggal 2020-10-24. 
  12. "Growing Number of EU Countries Levying CO2 Taxes on Cars and Incentivizing Plug-ins". Green Car Congress. Diakses tanggal 2020-10-24. 
  13. "Internal Revenue Bulletin: 2009-48 | Internal Revenue Service". www.irs.gov (dalam bahasa Inggris). Diakses tanggal 2020-10-24. 
  14. Darmawan, Dedi (2013-01-27). "Rp100 Miliar untuk Riset Mobil Listrik". radarcirebon.com (dalam bahasa Indonesia). Diakses tanggal 2020-10-24. 
  15. "Future Global Market Demand for Hybrid and Battery Electric Vehicles May Be Over-Hyped; Wild Card is China". 2010-10-27. 
  16. Paul Stenquist (2012-06-25). "Tesla Model S Offers a Lesson in Electric-Vehicle Economics". The New York Times. Diakses tanggal 2012-06-25.