Ontologi
Ontologi marupoan salah satu kajian filsafat nan paliang kuno dan barasa dari Yunani. Studi tasabuik mambahas kabaradaan sesuatu nan basifaik konkret. Tokoh Yunani nan punyo pandangan nan basifaik ontologis dikana takahThales, Plato, dan Aristoteles . Pado masonyo, banyak urang alun mambedaan antaro panampakan jo kanyataan. Thales terkenal sabagai filsuf nan pernah sampai pado kasimpulan bahwa aia merupoan substansi tadalam nan maruoan asa mulo sagalo sesuatu. Namun nan labiah paralu iolah pandiriannyo bahwa mungkin sakali sagalo sesuatu itu barasa dari ciek substansi belaka (sahinggo sesuatu itu indak dapek dianggok ado tagak surang).
Hakikat kanyataan atau realitas memang dapek didakekan jo ontologi jo duo macam suduik pandang:
- kuantitatif, iyolah jo mampatanyoan apokah kanyataan itu tunggal atau jamak?
- Kualitatif, iyolah jo mampatanyoan apokah kanyataan (realitas) tasabuik kualitas tatantu, sarupo misalnyo daun nan warnanyo kahijauan, bungo mawar nan baunyo harum.
Sacaro sederhana ontologi dapek dirumusan sabagai ilmu nan mampalajari realitas atau kanyataan konkret sacaro kritis.
Babarapo aliran dalam bidang ontologi, yakni Monisme, Dualisme, Materialisme, Idelalisme, Agnostisisme
Monisme: aliran nan mampacayoi bahwa hakikaik dari sagalo sesuatu nan ado adolah ciek sajo, baik nan asa itu barupo materi maupun ruhani nan manjadi sumber dominan dari nan lainnyo. Para filosof pra-Socrates sarupo Thales, Demokritos, jo Anaximander tamasuak dalam kalompok Monisme, salain pulo Plato dan Aristoteles. Samantaro filosof Modern misalnyo I. Kant dan Hegel adolah panaruih kalompok Monisme, tarutamo pado pandangan Idealismenyo.
Ontologi marupoan salah satu diantaro lapangan-lapangan panyalidikan filsafaik nan paliang kuno. Patamo kali diperkenalan dek filosof Yunani banamo Thales ateh pernungannyo tahadok aia nan tadapek dimano sajo, dan sampai pado kasimpulan bahwa “aia marupoan substansi tadalam nan marupoan asa mulo dari sagalo sesuatu”. nan pantiang bagi awak bukanlah mangenai kasimpulannyo tasabuik malainan pandiriannyo bahwa mungkin sagalo sesuatu barasa dari ciek substansi sajo.
Dualisme: kalompok ko mayakini sumber asa sagalo sesuatu tadiri dari duo hakikaik, iyolah materi(jasaik) dan jasmani(spiritual). Kaduo macam hakikaik itu masiang-masiang bebas dan tagak surang, samo-samo abadi dan azali. Perhubungan antaro kaduonyo itulah nan manciptaan kahidupan dalam alam ko. Contoh nan paliang jaleh tantang adonyo karajo samo kaduo hakikaik iko iolah dalam diri manusia.
Descartes adolah contoh filosof Dualis jo istilah dunia kasadaran (ruhani) dan dunia ruang (kebendaan). Aristoteles mananaman kaduo hakikaik itu sabagai materi dan forma (bantuak nan barupo rohani sajo). Umumnyo manusia jo mudah manarimo prinsip dualisme iko, karano kanyataan lahia dapek capek ditangkok panca indera awak, sadangkan kanyatoan batin dapek segera diakui adanya jo akal dan perasaan hidup.
Materialisme: aliran iko manganggap bahwa nan ado hanyalah materi dan bahwa sagalo sesuatu nan lainnyo nan kita sebut jiwa atau roh tidaklah marupoan suatu kenyataan nan berdiri sendiri. Manuruik paham materialisme bahwa jiwa atau roh itu hanyalah marupoan proses gerakan kebendaan jo salah satu caro tatantu.
Materialisme takadang disamoan urang jo naturalisme. Namun sabananyo tadapek pabedaan antaro kaduonyo. Naturalisme marupoan aliran filsafaik nan maanggok bahwa alam sajo nan ado, nan lainnyo di lua alam indak ado. (Tuhan nan di lua alam indak ado). Sadangkan nan dimukasuik alam (natural) disinan iolah sagalo-galonyo maliputi benda jo roh. Sabaliaknyo materialisme maanggok roh adolah kajadian dari benda, jadi indak samo nilainyo jo benda.
Filsafat Yunani nan patamo kali muncua pulo badasarkan materialisme, disabuik filsafaik alam (natuur filosofie). Urang tu manyalidiki asa mulo kajadian alam ko pado unsur-unsur kabendaan nan patamo. Thales (625-545 s.M) maanggok bahwa unsua asa itu aa. Anaximandros (610-545 s.M) maanggok bahwa unsua asa itu apeiron yakni suatu unsua nan indak tabateh. Anaximenes (585-528 s.M) maanggok bahwa unsua asa itu udaro. Dan tokoh nan terkenal dari aliran iko adolah Demokritos (460-360 s.M) maanggok bahwa hakikaik alam ko marupoan atom-atom nan banyak jumlahnyo indak dapek dihituang dan sangaik lah haluih. Atom-atom itulah nan manjadi asa kajadian paristiwa alam. Pado Demokritos ikolah tampak pandapaik materialisme klasik nan labiah tageh.
Idealisme: idealisme marupoan lawan dari materialisme nan dinamoan pulo spiritualisme. Aliran maanggok bahwa hakikaik kanyatoan nan baraneka warna itu sadolahnyo barasa dari roh (sukma) atau nan sajinih jo itu. Intinyo sesuatu nan indak babantuak dan nan indak manempati ruang. Manuruik aliran iko materi atau zat itu hanyolah suatu jinih dari pado panjelmaan roh. Alasan nan tapantiang dari aliran iko adolah “manusia maanggok roh labiah baharago, labiah tinggi nilainyo dari materi bagi kahidupan manusia. Roh dianggok sabagai hakikaik nan sabananyo, sahinggo materi hanyolah badannyo, bayangan atau panjelmaan sajo.
Agnostisisme: pado intinyo Agnostisisme adolah paham nan maingkari bahwa manusia mampu mangetahui hakikaik nan ado baik nan barupo materi ataupun nan ruhani. Aliran iko manulak pulo pengetahuan manusia tantang hal nan transenden. Contoh paham Agnostisisme adolah para filosof Eksistensialisme, sarupo Jean Paul Sartre nan saurang Ateis. Sartre manyatoan indak ado hakikat ado (being) manusia, tetapi nan ado adolah keberadaan (on being)-nya.
Istilah istilah tapantiang nan takaik jo ontologi adolah:
- nan-ado (being)
- kanyatoan/realitas (reality)
- eksistensi (existence)
- esensi (essence)
- substansi (substance)
- parubahan (change)
- tunggal (one)
- jamak (many)
Ontologi iko panteh dipalajari dek urang nan nio mamahami sacaro manyaluruah tantang dunia iko dan baguo dek studi ilmu-ilmu empiris (misalnyo antropologi, sosiologi, ilmu kedokteran, ilmu budayo, fisika, ilmu teknik dan sabagainyo).