Oesman Sapta Odang

Oesman Sapta Odang

Biografi
Lahia	18 Agustus 1950 (73 tahun (id) terjemahkan) Sukadana (id)
Anggota Dewan Perwakilan Rakyat Daerah Indonesia (id)   1r Oktober 2014 – 30 September 2019 Daerah pemilihan (id) : Dapil Kalimantan Barat untuk DPD (id) Terpilih dalam (id) : Pemilihan Dewan Perwakilan Daerah 2014 (id)
Data pribadi
Kalompok etnis	Urang Minangkabau
Agamo	Islam
Kagiatan
Karajo	Politikus
Partai politik	Partai Hati Nurani Rakyat (id)
Kaluarga
Anak	Raja Sapta Oktohari (id)
Panghargaan  Tatler 500 Indonesia (en)

Oesman Sapta Odang (lahia di Sukadana, Kalimantan Barat, 18 Agustus 1950; umua 73 taun) adolah saurang politikus Indonesia dari Partai Hati Nurani Rakyat (Hanura), nan manjabat sabagai pimpinan Dewan Perwakilan Daerah jo wakil pimpinan Majelis Permusyawaratan Rakyat pado taun 2014 sampai 2019. Inyo juo manjabat pado pariode nan kaduo pado taun 2002 sampai 2004.

Inyo barasa dari kota Sukadana di Kalimantan Barat, nan bakarier sabagai saurang pabisnis sabalun tajun ka dunia politik. Inyo mandirian Partai Persatuan Daerah, kamudian inyo bagabuang ka Hanura. Di partai iko inyo manjabat sabagai ketua sajak bulan Desember 2016.

Kahidupan pribadi

Oesman, acok dijuluaki OSO, dilayiekan di kota Sukadana di provinsi Kalimantan Barat pado 18 Agustus 1950 dari urang gaek parantau. Ayahnyo, Odang, barasa dari Palopo, samantaro mandehnyo, Asnah Hamid, adolah katurunan Minang nan barasa dari Solok. Sajak ketek, inyo bakarajo di pakabunan karet jo sabagai tukang manggaleh rokok. Inyo indak manampuah pandidikan formal,malainkan hanyo manamekan SMAnyo malalui paket khusus ("Paket C") taun 2006 pado umua 56 tahun.

Inyo mandapek gala honoris causa dari Universitas Rutherford pado taun 1999. Inyo bakarajo sabagai pambalap oto pado taun 1980-an, nan maikuti kompetisi nasional jo internasional.

Kaluarga

Oesman manikahi Serviaty Oesman. Pasangan iko punyo limo anak, yaitu Raja Sapta Sermando, Raja Sapte Oktohari, Raja Sapto Aji, Raja Saptu Aji, jo Putri Selaras Oesman.

Pado taun 2015, anaknyo nan paliang gaek, Raja Septa Sermando, maningga pado umua 41 taun karano sarangan jantuang.

Karier

Inyo mamulai karier bisnisnyo jo manggaleh komoditas partanian sarupo karambia jo jahe dari Kalimantan Barat ka Jakarta. Di umua 22 taun, inyo baraliah ka industri konstruksi. Sasudah bisnisnyo batambah gadang, inyo marambah ka sektor lain, mambantuak Oso Group. Pado taun 2012, inyo maundurkan diri dari jabatan CEO grup iko.

Pado taun 2002, inyo malaporkan kakayaannyo kapado Komisi Pemberantasan Korupsi sabanyak Rp 54,6 miliar (US$6 juta). GlobeAsia manempatkan inyo pado daftar 150 urang Indonesia nan paliang kayo, manempatkan inyo pado urutan ka-103 jo parkiraan kakayaan 350 juta dolar AS. Manuruik laporan rasmi ka pamarentah Indonesia, kakayoannyo mancapai Rp 335,6 miliar pado bulan April 2015.

Politik

Inyo manjadi anggota Majelis Permusyawaratan Rakyat (MPR) untuak pariode 1999-2004, nan dilantiak sabagai wakil ketua pado tanggal 11 Agustus 2002. Inyo marupokan bagian dari faksi utusan daerah. Sasudah itu, inyo mandirian Partai Persatuan Daerah pado tanggal 18 November 2002, nan partamo kali ikuik dalam pamilihan umum 2004, namun hanyo mandapek 0,58 persen suaro sahinggo gagal mandapek kursi di Dewan Perwakilan Rakyat (DPR). Partai iko mancapai hasil nan sarupo pado pamilihan umum 2009, nan kamudian bagabuang basamo salapan partai politik ketek lainnyo untuak mambantuak Partai Persatuan Nasional. Inyo mancubo untuak mancalonkan diri sabagai calon gubernur Kalimantan Barat pado pamilihan gubernur 2007, tapi mamparoleh suaro paliang saketek dibandiangan jo tigo calon lainnyo, satalah Cornelis jo Usman Ja'far.

Sasudah pamilihan umum 2014, inyo mancalon sabagai anggota Dewan Perwakilan Daerah (DPD) parwakilan Kalimantan Barat, nan mandapekan 188.528 suaro. Inyo tapiliah sabagai wakil pamimpin MPR pado tanggal 8 Oktober 2014 untuak periode 2014-2019. Pado tanggal 22 Desember 2016, inyo tapiliah sabagai katua partai Hanura untuak pariode 2016-2020, manggantian Wiranto.