Nyonya Meneer
Lauw Ping Nio, labiah tamusaua dipanggia Nyonya Meneer, adolah salah surang palopor jo pangusao industri jamu nan tanamo di Indonesia.[1]
Maso awa
[suntiang | suntiang sumber]Meneer dibari namo Lauw Ping Nio kutiko lahia, dan marupoan katurunan Cino-Indonesia asa Sidoarjo, Jawa Timur. Kutiko manganduangnyo dulu, mandenyo panah mangidam makan tapuang bareh (Jawa: menir), nan ditulih 'Meneer' karano pangaruah ijoan Balando.
Pado umua 16 taun, Meneer manikah jo Ong Bian Wan, laki-laki asa Surabaya, Jawa Timur.[1] Satalah manikah, kaluargo tu pindah ka Semarang, Jawa Tengah. Dari panikahan jo Bian Wan, lahia limo anaknyo, iyolah Nonie Saerang (Ong Djian Nio), Hans Ramana (Ong Han How), Lucie Saerang (Ong Bwee Nio), jo Marie Kalalo.[1] Sasudah Ong Bian Wan maningga, Meneer manikah lai jo Nio Tek An, dan anaknyo Hans Pangemanan.
Usao jamu
[suntiang | suntiang sumber]Mandenyo Meneer pandai maraciak babagai macam jamu tradisional Jawa, nan kaahlian tu baturunan ka anaknyo. Meneer mulai mambuek babagai macam jamu badasar kapado catatan ramuan dari mandenyo, nan diminumnyo surang atau diagiahnyo ka sanak sudaro jo sia sajo nan baminaik.[1] Lamo-lamo, pamintaan ateh jamu-jamu buatan Nyonya Meneer samangkin banyak, dek karano rami urang nan manyukoi jamu-jamu asia racikannyo tu.[1]
Pado taun 1919, inyo pun mandirian sabuah pabrik ketek untuak mambuek jamu, untuak mamanuahi pamintaan nan taruih maningkek tu.[1] Pado maso awa badirinyo, pabrik tasabuik masih mamakai batu lado untuak manumbuak jo maracik jamu asia produksinyo.[1] Dek samangkin tasebanya konsumen jo didorong pamintaan nan taruih sajo maningkek, mangko Nonie anak tatuonyo pado taun 1940 mambukak kantua parusaoan di Jakarta pulo.
Kini ko, parusaoan jamu PT Nyonya Meneer barado di bawah pimpinan Charles Saerang, surang cucu dari Nyonya Meneer.[2] Parusaoan lah samangkin mampalaweh pamasaran jamu-jamu produksinyo, antaro lain inggo ka Taiwan, Malaysia, Brunei, Australia, Balando, dan Amerika Sarikat.[3]
Wafaik
[suntiang | suntiang sumber]Nyonya Meneer wafaik pado taun 1978, dalam umua 83 taun.[2]
Rujuakan
[suntiang | suntiang sumber]- ↑ a b c d e f g Beers, Susan-Jane (2013). Jamu: The Ancient Indonesian Art of Herbal Healing. Tuttle Publishing. ISBN 1462910173, 9781462910175. https://books.google.co.id/books?id=po_QAgAAQBAJ&pg=PT133&dq=Nyonya+Meneer&hl=en&sa=X&ved=0ahUKEwia16ummv_OAhUJqI8KHZm4CTsQuwUIQDAF#v=onepage&q=Nyonya%20Meneer&f=false.
- ↑ a b Saksono (05 Januari 2013). "Berjuang Melawan Jamu Kimia: Charles Saerang, Presiden Direktur PT Nyonya Meneer". Harian Ekonomi Neraca. Diakses tanggal 8 September 2016.
- ↑ (Indonesia) Sinar Harapan: Nyonya Meneer Ekspansi ke Taiwan[pranala nonaktif permanen]