Nur Sutan Iskandar

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Nur Sutan Iskandar adolah sastrawan Minang nan lahia di Manijau, pado tanggal 3 November 1893. Namo aslinyo adolah Muhammad Nur, karano di Minangkabau ado istilah "ketek banamo gadang bagala" sasudah baliau manikah, niniak mamak maagiah gala Sutan Iskandar.[1]

Beliau marantau ka Batavia pado tahun 1919, nan kini lah dikenal urang jo Jakarta. Beliau ditarimo untuak korektor mambaco naskah-naskah karangan urang nan ka dicetak di Balai Pustaka. Karano kagigihannyo, beliau diangkek manjadi pamimpin redaksi, dan kapalo pangarang di penerbit itu pado tahun 1925.[1]

Nur Sutan Iskandar adolah sastrawan nan sangaik produktif dalam manulis, sajak tahun 1923, beliau alah manarbitkan buku nan indak kurang dari 17 buku roman nan diterbitkan di Balai Pustaka. judul-judul buku nan beliau terbitkan andolah "Apa Dayaku Karena Aku Perempuan" tahun 1923, "Cinta Yang Membawa Maut" tahun 1926, dan "salah Pilih" tahun 1928, dll.[1]

Nur Sutan Iskandar maningga di Jakarta, pado tanggal 28 November 1975 dalam umua 82 tahun.[1]

Rujuakan[suntiang | suntiang sumber]

  1. a b c d Basar, Nazif (2017). In memoriam 100 seniman, wartawan & budayawan Sumatera Barat.. Horison.