Nasi kunik

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Nasi Kunik

Nasi kunik iyolah makanan olahan jo bahan dasar bareh sipuluik. Ampia di satiok acara adaik masyarakaik Minanagkabau mahidangan nasi kunik. Nasi kunik mampunyoi raso nan bakapuluik sahinggo dapek dibantuak manyarupoi karucuik, sarupo tumpeng pado masyarakaik Jawa. Nasi kunik adolah makanan khas dari Minangkabau, Sumatera Barat. Nasi kunik tabuek dari bareh nan dicampua jo bareh sipuluik nan dimasak jo aia kunik, ditambah santan sarupo rampah-rampah lainnyo. Nasi kunik samo jo nasi kuniang di daerah lain, tapi panyajiannyo babeda. Nasi kunik dek urang Minangkabau dibuek dalam acara baralek, tiok daerahnyo pun babeda, ado nan manyajikannyo untuak pangantin jo Senggang Ayam, bahkan ado juo nan mambagikan Nasi Kunik itu kapado tamu undangan baralek. Sadangkan Nasi Kuniang pado masyarakaik Jawa dibuekan tumpeng untuak acara baralek jo syukuran.

            Dalam acara baralek, katiko tamu akan pulang, wakatu itu Nasi Kunik dibarikan dek nan punyo acara kapado tamu undangannyo, nasi Kunik itu dibungkuih. Nasi Kunik iko hanyo dibarikan dek tuan rumah (ibu pangantin) atau pihak padusi lainnyo dari nan punyo acara kapado tamu padusinyo, indak kpado tamu laki-lali.

            Caro mambuek Nasi Kunik, yoitu bahannyo: 500 gr sipuluik, 2 uleh bawang putiah, sakarek kunik, duo butia kamiri, 600 ml aia untuak marabuih bareh, sahalai daun pandan, ½ sendok teh garam, sacukuiknyo. Caro mambueknyo: Partamo basuah jo lindangkan bareh, baru giliangkan bawah putiah, kunik, jo kamiri. Sudah itu tambahan bareh jo aia, galagakan hinggo marasok. Latakan daun pandan dalam kukuihan. Kamudian tambahkan campuean bareh sudah itu kukuih hinggo masak. Latakan nasi nan alah dimasak pado tampeknyo. Galagakan santan jo garam. Sudah itu kukuih baliak sahinggo kariang jo masak samparono.[Jurnal Ilmu Sosial dan Humaniora 1]

Referensi[suntiang | suntiang sumber]


Kutipan rusak: Tag <ref> ado untuak grup banamo "Jurnal Ilmu Sosial dan Humaniora", tapi indak ado <references group="Jurnal Ilmu Sosial dan Humaniora"/>