Nas Achnas

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Nas Achnas (lahie di Padang Panjang, Sumatera Barat, 1926 – maningga di Jakarta, 5 Agustus 2005, pado umua 79 taun) adolah saurang panulih carito dan sutradara film Singapura Jo Malaysia. Salain tu inyo pulo dikana sabagai palukih dan pambuek komik.

Kahidupan[suntiang | suntiang sumber]

Pada maso Agresi Militer Balando di Sumatera, Achnas pai marantau ka Malaysia. Disinan inyo mamperkenalkan sani mambuek komik dan mambarikan palatihan garatih teknik-teknik manggamba komik.[1]

Pado taun 1949, inyo pai ka Jakarta dan bakarajo pado parusahaan film Ratu Asia Film Company. Di parusahaan ko inyo batugaih sabagai panulih carito. Sataun kamudian inyo marantau ka Singapura dan bagabuang jo Nusantara Film. Malalui parusahaan iko inyo manyutradarai film partamonyo nan bajudula Palangi. Salain diparankan dek Ismail Kasim, Nona Asiah, dan Eloni Hayat, film iko pulo manggunokan lata musik karya Zubir Said.[2]

Taun 1959 Nas marilih film Rahsia Hatiku di Malaysia. Film iko diparankan dek Sharifah Hanim, Maznah Ahmad, dan Mariati Abdul Rahman.[3] Salain manjadi sutradara, Nas juo manulih babarapo judua film, yakni Panglima Besi (1964), Pontianak Gua Musang (1964), dan Boneka Permata (1975). Pado taun 1961, inyo manulih buku nan bajudua 55 Paribahasa Modern. Buku iko barisi kumpulan paribahaso-paribahaso masarakaik Malayu.

Kaluargo[suntiang | suntiang sumber]

Nas manikah jo Ida Lochfiah, saurang gadih Mandailing. Dari parnikahannyo tu inyo dikaruniai Ampek urang putri, Geni, Nan, Leni, jo Ken. Putri katigonyo Nan Achnas, mangikuti jajaknyo manjadi saurang sutradara film.[4]

Filmografi[suntiang | suntiang sumber]

  • Pelangi (1950)
  • Pachar Puteh (1952)
  • Dian (1952)
  • Angin Berpesan (1954)
  • Kuala Deli (1955)
  • Rahsia Hatiku (1959)
  • Asmara Kirana (1971)
  • Dosa Remaja (1973)
  • Bunga Mas (1973)
  • Jantina (1974)
  • Mastura (1974)
  • Loceng Maut (1976)

Rujuakan[suntiang | suntiang sumber]

  1. Ian Gordon, Mark Jancovich, Matthew P. McAllister; Film and Comic Books, 2007
  2. Rohana Zubir, Zubir Said: The Composer of Majulah Singapura, 2012
  3. cinemamalaysia.com.my Sinopsis Rahsia Hatiku
  4. tamanismailmarzuki.com Profil Nan T. Achnas