Lompat ke isi

Nadiem Makarim

Wikipedia Minangkabau - Lubuak aka tapian ilimu
(Dialiahkan dari Nadiem Anwar Makarim)
Nadiem Anwar Makarim
Lahia4 Juli 1984 (umua 40)
Bendera Singapura Singapura
KabangsaanBendera Indonesia Indonesia
Alma materHarvard Business School, Amerika Serikat
Brown University, Amerika Serikat
KarojoPangusaho
Dikana dekPanaruko Go-Jek
Urang tuoNono Anwar Makarim (ayah) dan Atika Algadri (mandeh)
KaluargoAnwar Makarim jo Hamid Algadri (datuak)
Zacky Anwar Makarim (pak etek)

Nadiem Anwar Makarim, B.A., M.B.A.[1] (lahia di Singapura, 4 Juli 1984; umua 40 taun)[2] adolah surang pangusaho Indonesia nan kini manjabaik sabagai Menteri Pandidikan jo Kabudayaan Indonesia pado Kabinet Indonesia Maju pamarintahan Presiden Joko Widodo-K.H Mar'uf Amin, nan balewa gala pado 23 Oktober 2019. Baliau marupokan panaruko Go-Jek, sabuah parusahaan transportasi jo panyadio jasa babasis daring nan baoperasi di Indonesia jo sajumlah nagara Asia Tenggara saarupo Singapura, Vietnam jo Thailand.[3]

Lata balakang

[suntiang | suntiang sumber]

Nadiem Anwar Makarim adolah putra dari pasangan Nono Anwar Makarim jo Atika Algadri. Ayahnyo adolah surang aktivis jo pangacara tanamo nan bakaturunan Minang-Arab. Sadangkan mandehnyo marupokan panulih lapeh, puti dari Hamid Algadri, salah surang panaruko kamardekaan Indonesia.[4]

Pandidikan

[suntiang | suntiang sumber]

Nadiem manjalani proses pandidikan dasa inggo SLTA bapindah-pindah dari Jakarta ka Singapura. Sasudah manyalasaian pandidikan SMA-nyo di Singapura, pado taun 2002 baliau maambiak jurusan Hubungan Internasional di Brown University, Amerika Serikat. Nadiem panah pulo sato patukaran pelajar di London School of Economics. Sasudah mandapek gala sarjana pado taun 2006, tigo taun kudian liau maambiak pasca-sarjana jo maraiah gala Master of Business Administration di Harvard Business School.[5]

Karier

[suntiang | suntiang sumber]
Nadiem Makarim di World Economic Forum

Pado taun 2006, Nadiem mamulai kariernyo sabagai konsultan manajemen di McKinsey & Company. Sasudah tamaik dari pasca-sarjana, baliau turuik manjadi pangusaho jo mandirian Zalora Indonesia. Di parusahaan tasabuik liau manjabaik sabagai Managing Editor. Sasudah kalua dari Zalora, liau kudian manjabaik sabagai Chief Innovation Officer (CIO) Kartuku, sabalun akhianyo kalua untuak fokus mandirian parusahaan GO-JEK pado taun 2011.[6] Kini Go-Jek marupokan parusahaan taruko paliang gadang di Indonesia. Pado bulan Agustus 2016, parusahaan ko mandapek pandanaan sagadang USD 550 juta atau sakitar Rp 7,2 triliun dari konsorsium nan tadiri ateh KKR, Sequoia Capital, Capital Group, Rakuten Ventures, NSI Ventures, Northstar Group, DST Global, Farallon Capital Management, Warburg Pincus, dan Formation Group.[7]

Gojek (2010-2019)

[suntiang | suntiang sumber]

Nadiem mandirian Gojek pado 2010 dan kini Gojek alah manjadi salah satu dari 19 decacorn di dunia, jo valuasi Gojek mancapai USD 10 miliar.[8] Gojek partamo kali tagak sabagai call centre, manawarkan hanyo pangiriman barang jo layanan ride-hailing jo sapeda motor. Kini, Gojek alah batransformasi manjadi super app, manyadiokan labiah dari 20 layanan, mulai dari transportasi, pangantaran makanan, kabutuahan sahari-hari, pijat, barasiah-barasiah rumah, logistik inggo jaso pambayaran digital nan tanamo jo GoPay.[9] Karier bisnis Nadiem Makarim di Gojek mambaoknyo masuak dalam daftar 150 urang paliang kayo di Indonesia versi Majalah Globe Asia.[10] Nadiem Makarim dipakirokan mampunyoi nilai kakayoan mancapai US$100 juta.[10]

Kabinet Indonesia Maju (2019-kini)

[suntiang | suntiang sumber]

Pado 22 Oktober 2019, Nadiem maumuman sacaro resmi manyatokan baso dirinyo maundurkan diri sabagai CEO Gojek sasudah pagi arinyo diimbau dek Presiden Joko Widodo ka istano nagara. Pado 23 Oktober 2019, Presiden Joko Widodo maumuman kabinet menterinyo jo Nadiem sabagai Mantari Pandidikan jo Kabudayoan.[11]

Penghargaan

[suntiang | suntiang sumber]
  • Pado taun 2016, Nadiem manarimo penghargaan The Straits Times Asian of the Year, dan marupokan urang Indonesia partamo nan manarimo penghargaan tasabuik sajak partamo kali didirikan pado taun 2012. Penghargaan Asian of the Year diaagiah kapado individu atau kalompok nan sacaro signifikan bakontribusi pado paningkekan suki urang di nagaranyo atau Asia pado umumnyo. Babarapo panarimo sabalunnyo tamasuak pandiri Singapura, Lee Kuan Yew, Pardano Mantari India Narendra Modi, Pardano Mantari Japang Abe Shinzo, Presiden Republik Rakyaik Cino Xi Jinping jo Presiden Myanmar Thein Sein. Penghargaan tasabuik datang dek parusahaan bafokus pado paningkekan suki sektor informal. Pado wakatu nan samo, ko dapek mambantu manyadiokan lapangan karajo untuak panduduak Indonesia jo maubah pasa sarato model bisnis tradisional.
  • Nadiem masuak dalam daftar Bloomberg 50 versi 2018. Bloomberg manilai indak ado aplikasi lain nan alah maubah iduik di Indonesia sacaro capek jo mandalam cando Gojek. Aplikasi Gojek diluncuakan pado 2015 bafokus pado pamasanan ojek, dan kudian bakambang manjadi aplikasi untuak mambayia tagihan, mamasan makanan, inggo mambarasiahan rumah[12] "The Bloomberg 50" barisi sosok-sosok tanamo dalam bidang bisnis, hiburan, kauangan, politik, ingga ilimu pangatauan jo teknologi. Usaho Nadiem nan kini mangambangkan Gojek ka Filipina, Singapura, Thailand jo Vietnam mambuek Bloomberg manyandiangkan namonyo jo presiden Mexico Andres Manuel Lopez Obrador, panaruko Spotify Daniel Ek, pop star Taylor Swift dan grup idol Kpop BTS[13].
  • Pado Mei 2019, Nadiem manjadi tokoh termuda se-Asia nan manarimo penghargaan Nikkei Asia Prize ke-24 untuk Inovasi Ekonomi dan Bisnis. Penghargaan diaagiah kapado individu atau organisasi nan bakontribusi untuak pangambangan kawasan Asia dan manciptakan maso kamuko nan labiah baiak untuak masyarakaik Asia. Nadiem manggandakan hadiah nan ditarimo manjadi Rp 860 juta untuak donasi pandidikan anak mitra pangamudi Gojek. Penghargaan ko bakaitan jo kontribusi Gojek dalam mandorong patumbuahan ekonomi, mamudahkan kasaharian pangguno inggo maningkekan pandapatan mitranyo[14]. Gojek berkontribusi 55 Triliun pado parekonomian Indonesia, jo pangasilan rato-rato mitra Go-Ride dan Go-Car naiak 45% jo 42% sasudah bagabuang jo Gojek, dan volume transaksi UMKM Kuliner naiak 3.5 kali lipek samanjak manjadi mitra GoFood.[15]
  • Pado taun 2017, Gojek masuk dalam Fortune’s Top 50 Companies That Changed The World, dan mendapatkan peringkat 17[16]. Pado taun 2019, Gojek baliak manjadi satu-satunyo parusahaan Asia Tenggara nan masuak ka daftar Fortune’s 50, dan naiak ka paringkek 11 dari 52 parusahaan kelas dunia.[17]

Organisasi Internasional

[suntiang | suntiang sumber]

Basamo jo Melinda Gates sarato Mantari Kauangan Republik Indonesia, Sri Mulyani, Nadiem manjabaik sabagai salah satu komisaris Pathways for Prosperity for Technology and Inclusive Development nan fokus mambantu nagara-nagara bakambang untuak manyasuaian diri jo baragam inovasi baru dunia digital nan maubah budayo karajo.

Rujuakan

[suntiang | suntiang sumber]
  1. ↑ Pendidikan Nadiem Makarim
  2. ↑ Artikel:"Nadiem Makarim, Juragan Ojek Profesional" di www.swa.co.id
  3. ↑ Qontak.com. "Sumber Database Terdepan di Asia yang Akurat dengan Profil Lengkap - Qontak.com". Qontak.com (dalam bahasa Indonesia). Diarsipkan dari versi asli tanggal 2017-02-19. Diakses tanggal 2017-02-18. 
  4. ↑ "In Memoriam: Hamid Algadri Perintis Kemerdekaan". Diarsipkan dari versi asli tanggal 2017-02-11. Diakses tanggal 2019-10-26. 
  5. ↑ https://voffice.co.id/jakarta-virtual-office/business-tips/biografi-nadiem-makarim-founder-gojek-salah-satu-unicorn-di-indonesia/
  6. ↑ https://www.biografiku.com/biografi-nadiem-makarim-pendiri-go-jek/
  7. ↑ Masuk Modal Besar, Go-Jek Kini Lebih Bernilai Daripada Garuda Indonesia
  8. ↑ "Bloomberg - Are you a robot?". www.bloomberg.com. Diakses tanggal 2019-10-18. 
  9. ↑ "Biografi Nadiem Makarim - Founder Gojek salah satu Unicorn di Indonesia". vOffice (dalam bahasa Inggris). 2018-11-19. Diakses tanggal 2019-10-18. 
  10. ↑ a b Wirayani, Prima. "Bos Djarum Sampai Nadiem Makarim Masuk List Orang Terkaya RI". news (dalam bahasa Indonesia). Diakses tanggal 2019-10-21. 
  11. ↑ "Ditawari Jadi Menteri, Nadiem Makarim Mundur dari Gojek". teknologi (dalam bahasa Inggris). Diakses tanggal 2019-10-23. 
  12. ↑ "Bloomberg - Are you a robot?". www.bloomberg.com. Diakses tanggal 2019-10-18. 
  13. ↑ digital, pikiran rakyat. "Masuk Daftar Bloomberg 50, Begini Jejak Nadiem Makarim". Pikiran Rakyat (dalam bahasa Indonesia). Diakses tanggal 2019-10-18. 
  14. ↑ "Termuda se-Asia, Nadiem Makarim Raih Penghargaan Nikkei Asia Prize - Katadata News". katadata.co.id (dalam bahasa Indonesia). 2019-05-29. Diakses tanggal 2019-10-18. 
  15. ↑ LDUI, LDUI (2019). "LDUI". Kontribusi Gojek. Diarsipkan dari versi asli tanggal 2019-10-18. Diakses tanggal 18 Oktober 2019. 
  16. ↑ GmbH, finanzen net. "GO-JEK Makes it Into Fortune's Change The World List, The Only Company from Southeast Asia on the List | Markets Insider". markets.businessinsider.com. Diakses tanggal 2019-10-18. 
  17. ↑ Post, The Jakarta. "Gojek once again in Fortune's top-20 list of companies changing the world". The Jakarta Post (dalam bahasa Inggris). Diakses tanggal 2019-10-18. 
Diambiak dari "https://min.wikipedia.org/w/index.php?title=Nadiem_Makarim&oldid=2464517"