Museum kelahiran Bung Hatta

Museum Kelahiran Bung Hatta adolah museum nan ado di Sumatera Barat. Museum ko talatak di Jalan Soekarno-Hatta No.37 Bukittinggi. Museum kelahiran Bung Hatta ko adolah rumah tampek Bung Hatta lahia. Rumah ko di tagak’an taun 1860-an karano sacaro fungsinyo alah tuo hinggo runtuh taun 1960-an. Tapi ditagak’an baliak 15 Januari 1995 nan dirasmikan wakatu pengenangan hari lahia beliau jo paringatan 50 taun Indonesia Merdeka tanggal 12 Agustus 1995.

Bahan untuak pambuek rumah ko mahabian 266 meter persegi sak dai batuang nan di datangkan dari Batusangkar, 525 meter persegi tadir pariang dari Payakumbuh, 75 meter persegi kayu banio tampuruang dari Muaro Labuah, kayu ruyuang, 1.600 sak simin Indaruang366 meter persegi pasia pasang, 138 meter persegi batu kali dai Padang Tarok, sarato 25.000 buah batubata dai Payakumbuh jo material pandukuang lainnyo.

Di dalam rumah ko baisi tampek tidua kui kuningan dai Inggris, tampek tidua kero hitam, tampek tidua ukia tampek lalok Bung Hatta sarato kursi, meja jo kumpulan foto samo lukiasan nan asanyo dari kaluargo beliau. Rumah ko di bantuak mamanjang, ado tigo batang jambak di bagian muko rumah, batang murbai di muko kapuk di bagian balakang rumah, jo pohon sawo di muko istal. Tanaman pandukuang lainnyo barupo tetehan, bungo kuniang, adam jo hawa, pinang rajo, kaladi aie jo tanaman hias lainnyo. Sacaro umum rumah ko manggambarkan suasana maso dulu tantang teknologi pambangunan rumah sarato situasi jo kehidupan masyarakaik maso lampau khususnyo kehidupan kaluargo Bung Hatta.

Biasonyo wakatu untuak bakunjuang dibukak dari Senin sampai Minggu nan mulainyo jam 08.00 pagi. Untuak uang masuaknyo hanyo sarupo sumbangan nan diagian sacaro sukarela.