Museum Situs Bung karno
Museum Situs Bung Karno di Ende, Flores, talatak di Jalan Perwira, Kecamatan Ende Selatan, Kota Ende, Nusa Tenggara Timur. Museum iko manampati rumah tampek Bung Karno diasingkan dek pamarintah kolonial Belanda dari tahun 1934 hinggo 1938. Di rumah iko Bung Karno tingga basamo istrinyo, Inggit Garnasih, anak angkeknyo, Ratna Djuami, jo ibu mertuonyo, Amsi. Rumah iko alah diresmian sabagai museum pado tahun 1954 dan manjadi salah satu destinasi wisata sijarah nan tanamo di flores.[1]
Sijarah[suntiang | suntiang sumber]
Bangunan museum iko awanyo marupoan rumah panduduak nan dimiliki dek Haji Abdullah Ambuwaru nan dibangun pado tahun 1927.[2] Pado 14 Januari 1934, Soekarno, nan katiko wakatu itu adolah saurang tokoh pagerakan nasionalis, diasiangkan hinggo 18 Oktober 1938 dek pamarintah kolonial Balando ka Ende, Flores, karano aktivitas politiknyo nan dianggap mangancam kakuasaan kolonial. Salamo pangasiangan iko, Soekarno tingga di rumah punyo Haji Abdullah Ambuwaru tasabuik sarato mambawo kaluarganyo.[3]
Pado tahun 1951, katiko manjabaik sabagai Presiden Republik Indonesia, Soekarno mangunjuangi baliak rumah pangasingannyo di Ende dan manyatokan kainginannyo supayo rumah tasabuik dijadian museum. Kainginannyo iko tawujuik pado kunjuangannyo nan kaduo pado 16 Mei 1954, katiko Soekarno sacaro resmi maresmian rumah tasabuik sabagai museum.[1]
Museum Situs Bung Karno alah mangalami babarapo kali pamugaran untuak malestarikan jo maningkekan dayo tariknyo sabagai situs basijarah. Salah satu upayo pamugaran nan signifikan dilakuan pado tahun 2010 nan diprakarsai dek Wakil Presiden Boediono. Revitalisasi tasabuik malibekan perbaikan ampek situs utamo: rumah tampek tingga Bung Karno salamo pangasiangan, taman parenungan jo patuang Bung Karno, lokasi patunjuakan drama nan ditulihnyo, sarato makam mertua Bung Karno.[4] Proses pamugaran dilaksanakan pado tahun 2012 hinggo 2013 dibawah pangawasan Wakil Presiden Boediono dan salasai tapek wakatu untuak paringatan 100 tahun Bung Karno.[5]
Sasudah dipuga, museum iko mampunyoi kondisi nan labiah baiak, fasiltas nan labiah lengkap untuak mandukuang kagiatan edukasi jo wisata sijarah. Salain itu, museum iko dilengkapi jo babagai koleksi barang pribadi Bung Karno sarato tampek dimano lahianyo gagasan nilai-nilai pancasila, sahinggo pado 13 Oktober 2014, museum iko ditetapkan manjadi bangunan cagar budaya baparingkek Nasional.[6]
Koleksi[suntiang | suntiang sumber]
Museum Situs Bung Karno di Ende mampunyoi babagai koleksi nan manggambarkan kahidupan jo aktivitas Soekarno salamo maso pangasiangannyo disinan. Barikuik adolah babarapo koleksi utamo nan ado di museum ini:[2][7][8]
- Ranjang basi: Tampek lalok nan digunoan Soekarno salamo tingga di rumah pangasiangan tasabuik.
- Lamari pakaian: Lamari tampek Soekarno manyimpan pakaian jo barang-barang pribadinyo.
- Biola: Alaik musik nan dimainkan Soekarno, manunjuakkan minatnyo pado seni jo musik.
- Paralatan rumah tangga: Tamasuak setrika, ketel, lampu minyak, jo piriang hias nan digunoan sahari-hari dek Soekarno jo kaluarganyo salamo di pangasiangan.
- Meja marmer jo kursi rotan: Parabotan nan digunoan Soekarno untuak manarimo tamu jo malakuan aktivitas sahari-hari.
- Buku-buku jo karya lukis: Koleksi buku-buku nan dibaco dek Soekarno sarato babarapo karya lukis nan ado di rumah tasabuik salah satunyo Lukisan Pura Bali.
- Foto-foto basijarah: Dokumentasi foto-foto nan manunjuakkan aktivitas Soekarno salamo maso pangasiangan, tamasuak foto basamo kaluarganyo.
- Patuang Soekarno: Patuang nan manggambarkan Soekarno duduak di bawah pohon sukun, tampek baliau acok maranuang jo mamikiakan konsep-konsep gadang sarupo Pancasila.
- Pakaian jo barang pribadi: babarapo pakaian jo barang pribadi lainnyo nan digunoan Soekarno salamo tingga di Ende
- Sumua nan digunoan dek Soekarno untuak cuci, mandi, jo minum, sarato wudhu nan punyo kadalaman 12 m
Caliak pulo[suntiang | suntiang sumber]
Rujuakan[suntiang | suntiang sumber]
- ↑ a b Media, Kompas Cyber (2023-05-24). "Tempat Lahir Pancasila, Ketahui 5 Fakta Rumah Pengasingan Bung Karno". KOMPAS.com (dalam bahasa Indonesia). Diakses tanggal 2024-05-28.
- ↑ a b Artanegara. "Situs Rumah Pengasingan Bung Karno". Kebudayaan Kemendikbud.
- ↑ Dewi, Salma Permata (2023-05-06). "Ini Wisata Sejarah Rumah Pengasingan Bung Karno di Ende, Flores". Bisnis.com (dalam bahasa Indonesia). Diakses tanggal 2024-05-28.
- ↑ Media, Kompas Cyber (2010-10-07). "Wapres Pugar Situs Bung Karno di Ende". KOMPAS.com (dalam bahasa Indonesia). Diakses tanggal 2024-05-28.
- ↑ Agency, ANTARA News. "Wapres Resmikan Situs Bung Karno di Ende". ANTARA News Bali. Diakses tanggal 2024-05-28.
- ↑ Direktorat Perlindungan Kebudayaan (29 Maret 2019). "Rumah Pengasingan Ir. Soekarno di Ende: Sejarah Bung Karno dan Pohon Sukun". Kebudayaan Kemendikbud.
- ↑ "Napak Tilas 'Jejak Bung Karno' saat Diasingkan di Ende". Indonesia Kaya. Diakses tanggal 2024-05-28.
- ↑ Padji, Albertus Agung Moa (2022-10-31). "Berwisata ke Ende, Jangan Lupa Kunjungi Rumah Pengasingan Bung Karno". Bisnis.com (dalam bahasa Indonesia). Diakses tanggal 2024-05-28.