Museum Puri Lukisan

Museum Puri Lukisan marupoan museum seni tatuo di Bali nan khusus barisi lukisan-lukisan tradisional Bali jo ukiran kayu. Museum ko talatak di Desa Ubud, Kabupaten Gianyar, Bali. Lukisan nan ado di museum ko mulai dari lukisan parang sabalun kamardekaan (1930-1945) hinggo sasudah kamardekaan sampai kini ko. Karya-karya nan ado dalam museum ko marupoan hasil karya dari Ida Bagus Nyana, Ida Bagus Gelgel, I Gusti Nyoman Lempad, Anak Agung Gde Sobrat, I Gusti Made Deblog, jo lain sabagainyo.

Museum Puri Lukisan di Ubud, Bali

Plakat informasi di bagian muko Museum Puri Lukisan

Sijarah

Mulonyo pandirian museum ko barawal dari kakhawatiran tajadnyo pamiskinan budaya di Bali. Budaya nan dimukasuikan tamasuak karya-karya palukih asa Pulau Dewata. Palukih-palukih di Bali ko alah ado nan mandapekan pangakuan internasional sajak abaik ka-20. Karya-karya palukih itu pun alah manyeba ka baragam daerah hinggo negara sabagai cedera mata turis. Hal itu lah nan mambuek ciri khas karya lukih Bali ko dikhawatiran akan hilang jo sulik ditamuan di maso mandatang.

Dari pamikiran tu muncua inisiatif dari sajumlah tokoh untuak mandirian pakumpulan seniman nan diagiah namo Pitamaha pado taun 1936. Pandiri pakumpulan saniman ko adolah Tjokorda Gde Agung Sukawati (Rajo Ubud), Walter Spies (palukih asa Jerman, 1895-1942), jo Rudolf Bonnet (palukih asa Balando, 1895-1978). Pakumpulan ko punyo misi nan diusuang, yaitu malestarian jo mangambangan seni Bali baik tradisional atau modern. Pado awal kabaradoannyo, aktivitas pakumpulan ko mulai dari mambuek pameran untuak mangenalan karya anggotanyo nan mancapai 125 saniman ka ranah internasional.

Sairiang pajalanan wakatu, pakumulan ko mangalami pasang suruik. Maso kritis nan dialami dek pakumpulan ko tajadi akibaik pangaruah Parang Dunia II. Katiko itu saniman ko maraso paralu adonyo sabuah museum. Dibueklah wadah baru nan banamo Yayasan Ratna Wartha. Pado hakikaiknyo, yayasan ko manaruihan gagasan nan alah dicatuihan dek Pitamaha. Liwaik yayasan ko, diwujuikan gagasan untuak mandirian museum seni Bali nan dimulai jo parancangan Museum Puri Lukisan.

Pado tanggal 31 Januari 1954 dilakuan palatakan batu patamo di museum ko nan dilakuan dek Perdana Menteri Ali Sastroamidjojo. Sasudah itu museum ko diresmian dek Menteri Pandidikan jo Kabudayoan, Mohammad Yamin, pado 31 Januari 1956. Katiko itu Tjokorda Gde Agung Sukawati manjadi direktur museum, sadangkan Rudolf Bonnet sabagai kurator. Koleksi-koleksi nan ado di museum tu wakatu itu marupoan sumbangan dari seniman nan lain. Salain itu ado pulo koleksi nan dibali dari dana donasi.

Taun	Kajadian basijarah
1936	Pakumpulan Pitamaha didirian dek Tjokorda Gde Agung Sukawati (Rajo Ubud) jo Tjokorda Gde Raka Sukawati (sanak Rajo) basamo jo duo saniman barat nan bakarajo di Bali wakatu itu: dengan dua seniman barat nan bekerja di Bali pada saat itu:Walter Spies jo Rudolf Bonnet. Misinyo yaitu untuak malestarian jo mangambangan seni tradisional Bali.
1953	Yayasan Ratna Wartha didirian untuak manjalanan cito-cito jo misi Pitamaha. Lahianyo rancangan mambangun Museum Puri Lukisan lahir.
1954	Perdana Menteri Indonesia, Ali Sastroamidjojo, malatakan batu patamo nan mamulai pambangunan Museum pado tanggal 31 Januari 1954.
1956	Menteri Pandidikan jo Kabudayaon Republik Indonesia, Mohammad Yamin maresmian Museum Puri Lukisan.
1972	Duo sayok baru ditambahan ka Museum, tamasuak ruang pameran samantaro.
1978	Tjokorda Gde Agung Sukawati, I Gusti Nyoman Lempad jo Rudolf Bonnet maningga. Diadoan upacara kremasi karajaan untuak manghormati baliau.
2008	Parayoan HUT ka-50 Museum sarato duo pameran utamo:Parintih Lukisan Bali dari koleksi Rudolf Bonnet (Museum Universitas Leiden) jo perdana menteri dunia dari koleksi Ida Bagus Made Estate.
2011	Sayok baru (Galeri Selatan), ruang patamuan tabukak jo kafe museum ditambahan.

Bangunan

Bangunan Museum Puri Lukisan tabagi manjadi ampek bagian. Bagian patamo di sabalah utara (Galeri Pitamaha) marupoan rumah lukisan tradisional modern Bali sabalun parang kamardekaan (1930-1945) jo koleksi I Gusti Nyoman Lempad. Bagian kaduo di sabalah barat (Galeri Ida Bagus Made) marupuan tampek kumpulan lukisan karya Ida Bagus Made. Bagian katigo di sabalah timur (Galeri Wayang) marupoan tampek koleksi wayang nan ado di museum. Bagian tarakhia di sabalah selatan (Galeri Pandiri) marupoan bagian nan mamuek sijarah museum sarato pandirinyo.

Koleksi

Lukisan Ida Bagus Gelgel : Dharmaswami

Ida Bagus Nyana (1912–1985)

Ida Bagus Nyana adolah saurang pamahat kayu jo panari berbakat. Baliau dikana jo kamampuannyo maiduikan kayu nan mati sarato maubahnyo manjadi bantuak jo dimensi nan pas. Karya baliau nan paliang dikana adolah patuang Dewi Pertiwi.

Ida Bagus Gelgel (1900–1937)

Ida Bagus Gelgel tumbuah di Kamasan nan jauah dari pangaruah barat, tapi karya-karyanyo bakambang malamapaui konvensi tradisi Wayang. Pado taun 1937, lukisan baliau nan banamo Priest Dharmaswami mamanangan medali perak di Pameran Seni Kolonial Internasional di Paris. Lukisan tu dilukih pado taun 1935 manggunoan pawarna alami di ateh karateh. Lukisan tu manjadi karya gadang di Museum Puri Lukisan. Ida Bagus Gelgel tumbuh di Kamasan, jauh dari pengaruh Barat langsung, tetapi karya-karyanya berkembang melampaui konvensi tradisi Wayang. Lukisan tu bacarito tantang Dharmaswami nan manyalamatan baruak, ula, jo harimau dari sabuah sumua. Katiko Dharmaswami ditangkok jo dituduah jo tuduahan palsu, hewan-hewan tu tibo manyalamatannyo. Lukisan tu manunjuakan hewan-hewan nan batarimo kasih ka Dharmaswami.

Lukisan karya I Gusti Made Deblog: Kalahiran Hanuman (1936)

I Gusti Nyoman Lempad (~ 1862–1978)

I Gusti Nyoman Lempad marupoan saniman nan mamounyoi bakat seni lukih, pahat, jo arsitektur. Lempad marupoan tokoh dalam komunitas Bali nan masuak pulo ka lingkaran artistik lua nagari. Baliau marancang sajumlaj istano jo kuil di sakitar Ubud, tamsuak bagian dalam Museum Puri Lukisan. Mural pintu masuak museum di subalah utara marupoan karya nan dibuek jo Lempad. Karya lainnyo dari lukisan Lempad nan dipameran di museum ko adolah Mimpi Dharmawangsa.

Anak Agung Gde Sobrat (1919–1992)

Anak Agung Gde Sobrat marupoan anak dari kaluarga bangsawan. Sobrat baraja malukih di bawah pangawasan Walter Spies jo Bonnet. Salain itu kakeknyo nan marupoan saurang dalang wayang turuik maajaannyo maukia boneka kulik mantah sarato mambiasaoannyo jo epos Hindu: Ramayana jo Mahabrata. Dari tahun 1957 hinggo 1959, Sobrat maaja di Akademi Seni Murni di Yogyakarta, tempat baliau mangambangan gaya akademiknyo. Lukisan baliau tantang Pasa Bali pernah dipameran di Museum Puri Lukisan pado pambuaan museum tu sarato manjadi karya agungnyo.

I Gusti Made Deblog (1910–1978)

I Gusti Made Deblog mamulai karirnyo sabagai pamagang di studio fotografer Cino, Yap Sin Tin. Gambarnyo pernah dipameran di Museum Puri Lukisan nan banamo Kelahiran Hanuman (1936). Karya baliau tu manggambaran hutan nan rimbun jo bidadari ajaib pauni hutan nan mambaok pasambahan ka Hanuman.

Galeri

• 
  Bagian dalam Museum Puri Lukisan
• 
  Lukisan nan tadapek di Museum Puri Lukisan
• 
  Relief nan ado di Museum Puri Lukisan
• 
  Patuang nan ado di Museum Puri Lukisan