Museum Kota Samarinda
| Museum Kota Samarinda | |
|---|---|
 Gedung Museum Kota Samarinda | |
| Didirian | 2017 |
| Lokasi | Jl. Bhayangkara No.1, Bugis, Kec. Samarinda Kota, Kota Samarinda, Kalimantan Timur 75121 |
| Jinih | Museum |
| Kurator | Theo Nugraha |
| Situs web | https://www.instagram.com/museumkotasamarinda/ |
Museum Kota Samarinda atau tanamo juo sabagai Museum Samarendah adolah museum nan lokasinyo di Jalan Bhayangkara, Kelurahan Bugis, Kecamatan Samarinda Kota, Kota Samarinda, Kalimantan Timur. Museum iko marupaon museum patamo di Kota Samarinda dan kini ko, museum iko dikelola dek Dinas Pendidikan dan Kebudayaan Kota Samarinda.
Sijarah[suntiang | suntiang sumber]
Museum Kota Samarinda dibangun di lahan nan dulunyo marupoan sakolah SMP jo SMA 1 Samarinda.[1] Paletakan batu patamo dilakuan dek Walikota Samarinda, Syaharie Jaang pado 4 Mei 2017. Anggaran pambangunan museum sabanyak Rp12miliar didapek dari APBD Kota Samarinda.[2] Pambangunan museum sempat manuai pro jo kontra dari alumni SMP 1 jo SMA 1 Samarinda nan protes dek diubahnyo gedung sekolah basijarah nan alah ado sajak 1953.[3]
Pengerjaan museum iko diserahan ka Dinas Perumahan dan Permukiman Samarinda, kudian diserahterimakan ka Dinas Kebudayaan pado akhir 2018. Museum Samarinda awalnyo dirancanoan dibukak untuak umum pado 25 Januari 2019, tapi dibatalkan. Hal iko dek minimnyo barang koleksi nan ka dipajang.[4]
Museum Kota Samarinda dibangun pado tahun 2019 dan diresmikan pada 4 Maret 2020.[5] Paresmian Museum Kota Samarinda dilakukan dek Gubernur Kalimantan Timur, Dr H Awang Faroek Ishak sekaligus maresmikan Taman Samarendah jo Samarinda Tourism Information Center pado 8 Februari 2018.[6]
Namun, dek pandemi covid-19, museum iko pun tutuik samantaro. Museum iko buka baliak untuak umum pado 5 Oktober 2021.[7]
Bangunan[suntiang | suntiang sumber]
Museum Samarinda punyo konsep arsitektur bangunan kotak mamanjang sederhana nan terinspirasi dari Rumah Lamin khas Kalimantan dengan desain modern[5] dan sentuhan pola curtain wall (frame kaca) Sarung Sedjati Samarinda. Atok palanonyo dibangun dengan cara dipotong diagonal sabagai inspirasi dari sabuah perisai atau tameng Suku Dayak nan bafungsi sabagai palinduang.[7]
Koleksi[suntiang | suntiang sumber]
Museum Samarinda mamperkenalkan sijarah singkaik Kota Samarinda malalui 200 labih koleksi foto barupo dokumentasi foto Walikota Samarinda dari maso ka maso, koleksi foto Kota Samarinda tempo dulu, dokumentasi pakambangan Musajik Shiratal Mustaqiem, Musajik Raya Darussalam Samarinda, Kantor Penerbitan Nasional, hinggo sijarah SMA Negeri 1 Samarinda. Salain itu, juo ado babagai keramik nan umuanyo 50 tahun, babagai replika artefak, alaik pambuek kain sarung Samarinda, karajinan tangan suku Dayak takah kopiah, alaik musik khas Kaltim, dan sabagainyo.[5]
Koleksi museum nan diunggulkan iolah kain saruang Samarinda motif balang Hatta, saparangkek alaik panginangan, jo bening dayak nan marupoan alaik tradisional untuak manggendong bayi bagi suku Dayak Kenyah jo Dayak Bahau.[7]
Koleksi lainnyo adolah koleksi sanjato parang takah Mandau Dayak Kenyah, Sapeq Karaang nan marupoan alaik musik tradisional suku Dayak Bahau jo replika prasasti yupa Muara Kaman.[8]
Akses jo lokasi[suntiang | suntiang sumber]
Museum Samarinda dapek dikunjungi gratis dari hari Salasa sampai Minggu pukua 08.30-12.00 WITA dan tutuik satiok hari Sanayan.[7]
Rujuakan[suntiang | suntiang sumber]
- ↑ Gisham, Audzan (2022-03-09). "Kaya Akan Sejarah, Museum Kota Samarinda Terus Gali Potensi Cagar Budaya". RRI. Diakses tanggal 2024-05-30.
- ↑ Syaian, Rahmadi (2017-05-06). "Pembangunan Museum Samarinda Dikebut". Klik Kaltim (dalam bahasa Indonesia). Diakses tanggal 2024-05-30.
- ↑ Maulana, Sapri (2021-03-30). "Museum Samarinda yang Selalu Sepi, Sempat Dikira Sebuah Toko". Suarakaltim.id (dalam bahasa Indonesia). Diakses tanggal 2024-05-30.
- ↑ Rahmi, Ika (2019-01-24). "Tarik Ulur Museum Samarinda". kaltimkece.id (dalam bahasa Inggris). Diakses tanggal 2024-05-30.
- ↑ a b c Woro, Ratna (2023-10-14). "Mengenal Sejarah dan Budaya Kota Tepian di Museum Samarinda". Kaltim Faktual (dalam bahasa Indonesia). Diakses tanggal 2024-05-30.
- ↑ Humas Prov. Kaltim (2018-02-08). "Gubernur Resmikan Museum Samarinda, Harus Dilengkapi Sejarah Samarinda dan Kaltim". Kaltimprov.go.id. Diakses tanggal 2024-05-30.
- ↑ a b c d Disya (2021-10-07). "Museum Kota Samarinda, Destinasi yang 'Terlupakan'". Samarinda Smart City. Diakses tanggal 2024-05-30.
- ↑ Zainuddin, Maruly (2023-10-20). "Mengunjungi Museum Kota Samarinda di Akhir Pekan, Pengunjung Bisa Wisata Edukasi Sambil Bernostalgia". Koran Kaltim. Diakses tanggal 2024-05-30.