Museum Kereta Api Sawahlunto

Dari Wikipedia baso Minang, ensiklopedia bebas
Loncat ke navigasi Loncat ke pencarian
Stasiun di Museum Kereta Api Sawahlunto

Museum Kareta Api Sawahlunto barado di dalam stasiun kareta api nan di bangun pado 1912 dan baoperasi sampai 2003.[1] Museum Kareta Api Sawah Lunto diresmikan pado 17 Desember 2005 nan marupokan museum kareta api kaduo sasudah Museum Kereta Api Ambarawa. Ruangan museum nan baitu elegan nan mamapakan benda- benda dan foto- foto basejarah tentang dunia kareta api di Sawah Lunto sakaligus manjadi bukti sejarah nan haruih dijago dan dilestarikan.

Koleksi meseum iko kasadonyo bajumlah 106 buah nan barupo paralatan semboyan dan palengkapan dalam dunia kareta api. Bagian nan mamikek di museum iko adolah Loko Uap wisata Mak Itam seri E 1060 nan loko asli barado di bengkel stasiun dan manariknyo loko iko baoperasi kumbali pado 21 fembruari 2009 dengan sewa 3,5 juta Rupiah untuak umum dan 1,5 juta Rupiah untuk palajar.[2] Loko Mak Itam dibuat di Jerman tahun 1965 baoperasi sajak 1966 nan pado tahun 1996 sempat dibawo ka Museum Kereta Api Ambarawa dan dikumbaliakan pado 2008 untuak Museum Kareta Api Sawah Lunto.

Sijarah[suntiang | suntiang sumber]

Kareta api di Minangkabau atau di Sumatra barat barawa pado maso panjajahan Bulando (Belanda). Pambangunan kareta api iko batujuan untuak mampamudah transportasi dan untuak mangangkuik barang atau bahan-bahan salah satunyo yaitu bahan-bahan rempah biji kopi.[3] Paresmian jalur kareta api partamo pado 6 Juli 1887 yaitu jalur pulau aia ke padang panjang salanjutnyo ditaruihkan ka Bukit Tinggi nan sadonyo mamiliki panjang 90 km dan mulai di operasikan pado November 1891.

Di Sawah Lunto pambangunan rel kareta api barawa dari saurang geolog bulando  nan manamukan batu baro di Sawah Lunto nan kamudian dibangunlah patambangan batu baro. Patambangan batu baro itu surang nan maagiah paluang untuak dibangunnyo rel kareta api di Sawah Lunto. Puncak kajayaan pakeretaan api Sumatera Barat tamasuak Sawah Luto dimulai pado abad ka-19 hinggo patangahan abad ka- 20.[4] Maso kajayaan dunia pakareta apian di Sumatera Barat khususnyo di Sawah Lunto indak balangsung lamo. Pado 2003 penoperasian kareta api di Sawah Lunto dibahantikan dikarenokan produksi batu bara PT Bukit Asam Ombilin nan bakurang dan alaik transportasi kareta api kalah saiang jo transportasi lain.

Dengan dihantikannyo operasi kareta api di Sawah Lunto marupokan awa dari rancana dan diadokannyo museum kareta api Sawah Lunto. Museum nan dulunyo marupokan sabuah stasiun kareta api nan tamasuak ka dalam Devisi Regional II Sumatera Barat. Museum iko dikalola oleh Unit Pusat Pelestarian dan Disain Arsitekstur PT Kereta Api Indonesia. Secaro taperinci lokasi museum iko barado di Jalan Jendral Ahmad Yani, Kel. Pasar, Kec. Lembah Segar, kota Sawah Lunto, Provinsi Sumatera Barat. Museum iko di buka kambali pado tahun 2005 sabagai museum.

Rujuakan [suntiang | suntiang sumber]

  1. "museum kereta api sawah lunto". https://www.aroengbinang.com/2018/02museum-kereta-api-sawahlunto.html?=1. Diakses pado 25 September 2018. 
  2. "museum kereta api sawahlunto". https://www.aroengbinang.com/2018/02museum-kereta-api-sawahlunto.html?=1. Diakses pado 24 September 2018. 
  3. informasi direktorat jenderal perkeretaapian. jakarta: informasi derektorat jenderal perkeretaapian, kementrian perhubungan indonesia. 2 Agustus 2014. 
  4. "sejarah kereta api sumbar". http://sumbar.antaranews.com/berita?197709?sejarah-kereta-api-sumbar-dan-mimpi-shinkansen. Diakses pado 24 September 2018.