Museum Karo Lingga
Museum Karo Lingga adolah museum yang talatak 5 km di sabalah barat Kabanjahe, sakitar 1 km sabalun lokasi Pakampuangan tradisional Lingga, Kacamatan Simpang Ampek, Kabupaten Karo, Sumatera Utara. Museum ko didirian dek prakasra G.H. Mantik, Pangkowilham Kodam II Bukit Barisan pado tahun 1977. Pado tanggal 6 Juni 1989 museum ko resmi dibukak jo dikalola dek Yayasan Museum Karo Lingga.[1]
Sijarah[suntiang | suntiang sumber]
Museum Karo Lingga talatak di desa Budaya Lingga yang disabuik pulo sabagai lokasi Immemoria Nirwana Graha Aidilla. Aidilla marupoan suatu kaadaan jo pamandangan yang rancak dalam kahidupan di desa, aktivitas kagiatan sahari-hari ataupun kagiatan seni tradisi jo budayo didukuang dek ornamen-ornamen yang ado sabagai hiasan desanyo. Di Desa Lingga tadapek banyak paninggalan-paninggalan budayo Karo yang ampia punah sabalum Museum Karo Lingga didirian, contohnyo rumah adaik Karo yang dipakiroan baumua 250 tahun. Bantuak arsitektur museum ko adolah bantuak arsitektur tradisional Karo (rumah adaik karo). Bahan bangunannyo alah modern, atoknyo tabuek dari seng, jo di bagian teras (ture) manunjuakan ciri khas suku Suku Karo.[2]
Pada tahun 1979, G.H. Mantik mangadoan kunjungan karajo di desa Lingga, baliau sanang mancaliak tradisi niniak moyang karo yang tetap tapaliharo. Dalam pajalanannyo bakaliliang desa Lingga, baliau tagalincia nan dianggok dek masyarakaik Karo marupoan hal yang tabu. Katiko tagalincia, ragonyo dianggok lengah dek raso takajuik sarato harus diadoan suatu upacara ritual untuk ambaliakannyo. Dtidirian lah sabuah rumah adaik di desa yang disabuik rumah Tersek dek karano mufakaik musyawarah jo tatuo adaik. Namun dek kasibukan baliau, rumah tu indak dimanfaatan sarupo samestinyo. Pado tahun 1989 saurang tokoh adaik di desa Lingga, Acih Ginting mamprakarsai jo mamintak pasatujuan G.H. Mantik supayo rumah adaik Tersek tu direnovasi untuak dijadian sabuah Museum. Museum tu digunoan untuak manyimpan benda-benda seni karajinan jo barang-barang paninggalan suku Karo yang salamo ko tadaoek di dalam rumah adaik di desa Lingga. Hal itu dilakuan untuak manghindari kapunahan, dek karano banyak benda-benda karajinan tradisional Karo hilang basamon jo runtuahnyo rumah adaik dek dimakan usia.[2]
Ornamen[suntiang | suntiang sumber]
Bangunan museum ini manyarupoi bangunan rumah adaik tradisional masyarakaik Karo. Ornamen rumah tradisionalnyo bahubuangan jo lambang-lambang yang takaik adat-istiadat yang diciptaan dek nenek moyang suku Karo. Manuruik panalitian yang alah dilakuan dek panaliti di Desa Lingga, tadapek sajumlah ornamen yang mangieh bagian Museum Karo Lingga tu. Ornamen-ornamen tu sarupo pengeret-ret, tapak rajo Sulaiman, ambun sikawiten, pakau-pakau, ambun merkabun-kabun, mata-mata lembu, bindu matoguh,jo ampik-ampik alas.
Koleksi[suntiang | suntiang sumber]
Total koleksi Museum Karo Lingga bajumlah 206 buah nan tadiri dari kain tenun, topeng, mata uang, paralatan dapua, paralatan pertanian, paralatan musik, paralatan baburu, paralatan upacara adaik, jo paralatan pangobatan. Koleksi-koleksi tu manggambaran palengkapan iduik yang dulu acok dipakai urang Karo dalam kahidupan sahari-hari. Benda-benda koleksi tu didapek dari lingungan sakitar desa Lingga, sarupo dibali dari warga, disumbangan, jo bahkan dititipan dek warga ka pangalola Museum Karo Lingga.[3]
Referensi[suntiang | suntiang sumber]
- ↑ "Museum Karo Lingga Sumatera Utara". Informasi Situs Budaya Indonesia (dalam bahasa Indonesia). 2018-02-06. Diakses tanggal 2019-10-25.[pranala nonaktif permanen]
- ↑ a b Sari, Ika Purnama (2017-01-01). "PERKEMBANGAN MUSEUM KARO LINGGA DI DESA LINGGA KABUPATEN KARO". Puteri Hijau : Jurnal Pendidikan Sejarah (dalam bahasa Indonesia). 2 (1): 1–17. doi:10.24114/ph.v2i1.9082. ISSN 2684-9607.
- ↑ Direktori Museum Indonesia. Jakarta: Sekretariat Direktorat Jenderal Kebudayaan. 13 April 2012.