Musajik Rayo Pincuran Tujuah

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Masjid Rayo Pincuran Tujuah pado Februari 2020

Musajik Rayo Pincuran Tujuah talatak di Jl. Syekh Burhanuddin, Nagari Pakandangan, Pakandangan, Enam Lingkung, Kabupaten Padang Pariaman, Sumatera Barat. Musajik ko dibanguan pado taun 1865 dek Labai Taluak, salah surang ulama Pakandangan. Disabuik Pincuran Tujuah karano tampek wudunyo nan tardiri dari 7 buah pincuran dan talatak di tapian Batang Ulakan. Katiko Jumaik rami jamaah nan mangunjuginyo, apo lai katiko ado Ari Maulid Nabi Muhammad.

Sijarah[suntiang | suntiang sumber]

Musajik iko dibangun pado taun 1865 (patangahan abaik ka-19 M) dek Labai Taluak, salah surang ulama Pakandangan.[1] Sacaro sususunan, Musajik Rayo Pincuran Tujuah, Pakandangan iko samo jo musajik-musajik kuno nan lain di Minangkabau. Di antaro ciri arsitektur Minangkabau nan ado yaitu ruang utamo babantuak bujua sangka (persegi panjang) jo atok babantuak tumpang.

Musajik iko talatak di ateh lahan salaweh ± 900 m2 (30 m x 30 m) dan dapek masuak lewat pintu nan ado di sisi timur (surambi). Bangunan utamo musajik baukuran 18 m x 18 m, sadangkan ruang utamonyo baukuran 14 m x 14 m jo 1 buah tiang utamo (maco) nan talatak di tangah-tangah ruangan dan 8 buah tiang pandampiang nan talatak sacaro konsentris di sakitar tiang utamo. Di sisi barat ruang utamo ado mihrab badenah persegi panjang baukuran 4 m x 2 m. Samantaro itu, di sisi timur ruang utamo ado surambi badenah persegi panjang baukuran 7 m x 7 m. Di ruang surambi iko ado tabuah musajik. Di sabalah timur surambi ado tampek wudhu. Sacaro umum, musajik iko tabuek dari mortar (campuran bata, batu jo plesteran), salain dari atok nan tabuek dari seng.

Rujuakan[suntiang | suntiang sumber]

  1. "Masjid Raya Pincuran Tujuah Pakandangan". 2018-02-28. Diakses tanggal 2018-08-12.