Musajik Kapitan Keling
Musajik Kapitan Keling (bahaso Melayu nyo: Masjid Kapitan Keling, Tamil) adolah musajik nan dibangun pado abaik ka-19 dek padagang Muslim India di George Town, Penang, Malaysia. [1] [2]
Sijarah
[suntiang | suntiang sumber]Musajik iko marupoan bangunan Muslim partamo nan didirian di kota Penang, nan dibangun kiro-kiro pado taun 1800-an. [3] Cauder Mohuddeen Merican disabuik-sabuik sabagai pandiri musajik sarato jo pamimpin kaum Chulias. Pado taun 1801 Sir George Leith, nan katiko itu manjabaik sabagai Gubernur Penang, manunjuak saurang pamimpin Muslim India nan nan paliang tanamo, Cauder Mohudeen, sabagai Ketua masyarakaik “Keling” India Selatan. Gubernur ko maagia sabidang tanah kapado masyarakaik “Keling” nan di pimpin dek Cauder Mohudeen untuak mambangun musajik di subalah salatan Jalan Malabar (Jalan Chulia). Cauder Mohudeen (lahir sekitar tahun 1759) adolah saurang mandor kapa dari Porto Novo, nan dek urang Tamil disabuik Paringgipettai atau juo Muslim Mahmudbandar, salain tu urang-urang nan barado di bagianr selatan Pondicherry di India, manyabuiknyo jo gala sabagai 'Kapitan Kling'. [3]
"Keling" adolah istilah Melayu untuak urang-urang India, katiko itu diangga tapandang sabalah mato, namun prasangko streotip buruak tasabuik ilang pado katiko Musajik tasabuik dibangun. " Kapitan" adolah pawakilan dari komunitas India, sarupo jo "Kapitan Cina" untuak komunitas Cino.[3]
Latak Musajik
[suntiang | suntiang sumber]Musajik ko barado di suduik Jalan Buckingham ( Lebuh Buckingham ) jo Pitt Street ( Jalan Masjid Kapitan Keling ). Musajik ko menjadi pusek basajarah dek umaik islam, salain itu bangunan iko marupoan bagian dari Situs Warisan Dunia. Kabaradoan musajik iko tapek di tangah-tangah lingkungan masyarakaik Muslim Tamil nan mandiami kota tasabuik,[1][3]
Bangunan Musajik
[suntiang | suntiang sumber]Renovasi nan dikarajoan pado taun 1930 mambuek panampilan Masajik Kapitan Keling labiah rancak dibandiang jo desain sabalumnyo karano dianggap indak rancak. Sasuai jo tradisi, musajik iko indak dibangun ulang baliak, namun hanyo dipalaweh. Di antaro karajo nan dilakuan untuak renovasi ko yaitunyo manambah tinggi aula nyo, pabaikan sistem ventilasi atau kalua masuak udaronyo, sarato jo mambuek atau manambh jedela bia labiah banyak cahayo alami nan masuak ka dalam Musajik. Eksterior Musajik ko bawarna kuniangan lunak samintaro interiornyo mampunyoi lantai ba marmar putiah dan langik-langik nan tinggi. Tonggak-tonggak interiornyo dibantuak sarupo sarangkaian langkuangan sapatu kudo, dimahkotai jo lapisan nan banamo King Edward. Bangunan jo interiornyo dihiasi jo dekorasi geometris, karano dekorasi manyarupoi manusia jo binatang dilarang dalam Islam didalam sabuah Musajik.[4]
Rujuakan
[suntiang | suntiang sumber]- ↑ a b Masjid Kapitan Keling
- ↑ .my / portal3 / what-to-see / atraksi / kapitan-keling-mosque.html Kunjungi Penang[pranala nonaktif permanen]
- ↑ a b c d Khoo Salma Nasution, Chulia di Penang: Pelindung dan Pembuatan Tempat di Sekitar Masjid Kapitan Kling, 1786 –1957 . Penang: Areca Books, 2014. ISBN 9789675719158
- ↑ "Saving the MASJID KAPITAN KELING". webcache.googleusercontent.com. Diakses tanggal 2019-11-07.