Musajik Jamiak Pontianak
| مسجد بونتياناك الكبير Musajik Jamiak Pontianak | |
Musajik Jamiak Pontianak | |
| Latak | Pontianak, Kalimantan Barat, Indonesia |
| Afiliasi agamo | Islam |
| Deskripsi arsitektur | |
|---|---|
| Jinih arsitektur | Musajik |
| Spesifikasi | |
| Kapasitas | 1.500 Jamaah |
Musajik Jamiak Pontianak atau labiah dikenal jo namo Masjid Sultan Syarif Abdurrahman adalah musajik paliang tuo jo paliang gadang di Kota Pontianak, Provinsi Kalimantan Barat, Indonesia.[1] Musajik ko adolah satu dari duo bangunan nan manjadi panando badirinyo Kota Pontianak pado 1771 Masehi, salain Istano Kadriyah.[2][3]
Sijarah
[suntiang | suntiang sumber]Pendiri musajik ko sekaligus pendiri Kota Pontianak adolah Syarif Abdurrahman Alkadrie. Inyo urang katurunan Arab, anak Al Habib Husein, seorang penyebar agamo Islam dari Jawa. Al Habib Husein datang ka Kerajaan Matan pado 1733 Masehi. Al Habib Husein manikah jo putri Rajo Matan (kini Kabupaten Ketapang) Sultan Kamaludin, bernamo Nyai Tua. Dari pernikahan itu lahialah Syarif Abdurrahman Alkadrie, nan manaruihan jajak ayahnyo manyiarkan agamo Islam.
Syarif Abdurrahman bajalan dari Mempawah dengan manyusuri sungai Kapuas. Ikuik dalam rombongannyo sajumlah urang nan manumpang 14 parahu. Rombongan Abdurrahman sampai di muaro pasimpangan Sungai Kapuas dan Sungai Landak pado 23 Oktober 1771. Kamudian mereka mambuka dan menabang hutan di dakek muaro itu untuk dijadikan daerah permukiman baru. Abdurrahman mandirikan aebuah kerajaan baru Pontianak. Inyo pun mambangun musajik dan istano untuk sultan.
Musajik nan dibangun aslinyo beratok rumbio dan bangunannyo tabuek dari kayu. Syarif Abdurrahman maningga pado 1808 Masehi. Inyo mamiliki putera banamo Syarif Usman. Katiko ayahnyo maninggal, Syarif Usman masih berumua anak-anak, sahinggp alun bisa manaruikan pemerintahan almarhum ayahnyo. Maka pamerintahan saamantaro dipacik anak nan lain dari Syarif Abdurrahman, banamo Syarif Kasim. Sasudah Syarif Usman gadang, inyo manjadi Sultan Pontianak, pado 1822 sampai jo 1855 Masehi. Pambangunan musajik kamudian dilanjuikan Syarif Usman, dan dinamokan sebagai Musajik Abdurrahman, sabagai panghormatan dan untuk menganang jaso-jaso ayahnyo.
Babarapo ulama terkenal pernah mangajarkan agamo Islam di musajik Jamiak Sultan Abdurrahman. Diantaranyo Muhammad al-Kadri, Habib Abdullah Zawawi, Syekh Zawawi, Syekh Madani, H. Ismail Jabbar, dan H. Ismail Kelantan.
Musajik Jamiak Pontianak dapat menampung sakitar 1.500 jamaah salat. Musajik akan panuah tarisi jamaah salat katiko waktu salat Jumat dan tarawih Ramadhan. Pado sisi kiri pintu masuak musajik, ado pasa ikan tradisional. Di belakangnyo marupoan pamukiman padaik panduduak Kampuang Beting, Kelurahan Dalam Bugis dan di bagian depan masjid, yang juga menghadap ke barat, terbentang Sungai Kapuas.[4]
Arsitektur
[suntiang | suntiang sumber]
Ado Anam pilar dari kayu belian badiameter satangah meter di dalam musajik. Duo paluakan tangan urang gadang indak bisa mancapai lingkaran pilar. Salain pilar bulek, juo ado anam tiang panyangga lainnya nan menjulang ka langik-langik musajik, babantuak sagi ampek. Pilar sagi ampek ko barukuran kayu belian untuk tiang rumah dewasa ini. Namun ukurannya di ateh rato-rato. Jiko kini ado ukuran 6x6, 7x7, 8x8, dan 10x10 mako tiangnyo labiah gadang dari itu.
Musajik ko kini punyo mimbar tampek khotbah yang sarupo jo galadak kapal. Pado sisi kiri jo kanan mimbar tadapek kaligrafi nan ditulih pado kayu plafon.Hampia 90 persen bangunan musajik tabuek dari kayu belian. Atoknyo nan samulo dari rumbio, kini manggunokan sirap, potongan belian nan barukuran tipih. Atoknyo batingkek ampek. Pado tingkek kaduo, tadapek jendela-jendela kaco barukuran ketek. Samantaro di bagian paliang ateh, atoknyo sarupo kuncup bungo atau stupa. Jendelanyo yang bajejeran jo pintu masuak, berukuran gadang, juo dari kaco tambuih pandang. Ada pulo kaco nan barwarna merah jo kuniang.
Jarak antaro lantai musajik jo tanah, sekiro 50 centimeter. Namun menuruik pemuda satampek, tinggi antaro lantai musajik jo tanah sakitar duo meter. Kini kolong musajik alah dicor jo semen, supayo lantainyo indak samakin turun. Struktur tanah nan labil jo sebagian gadang bagambut, manjadikan bangunan-bangunan di Pontianak mudah amblas. Ironisnyo, barau nan malindungi halaman musajik dari kikisan aia Sungai Kapuas dan dibangun dalam dua tahun tarakhir, kini manjadi proyek gagal karano kesulitan keuangan. Katiko sadonyo sadang berubah jo bakambang, Musajik Jamiak Sultan syarif Abdurrahman tetap manampakkan wajah lamonya.[5][6]
Rujuakan
[suntiang | suntiang sumber]- ↑ Masjid Jami’ Sultan Abdurrahman Pontianak Archived 2010-05-14 di Wayback Machine.. www.masjidkita.org. Diakses pada 7 Juli 2012
- ↑ "Masjid Jami' Sultan Syarif Abdurrahman, Masjid Tertua di Pontianak - Borneo ID" (dalam bahasa Inggris). 2020-04-21. Diarsipkan dari versi asli tanggal 2021-04-18. Diakses tanggal 2021-03-11.
- ↑ "Sistem Informasi Masjid". simas.kemenag.go.id. Diarsipkan dari versi asli tanggal 2022-07-24. Diakses tanggal 2021-03-11.
- ↑ "Masjid Sultan Syarif Abdurrahman, Masjid Tertua di Kota Pontianak". Indonesia Kaya. Diakses tanggal 2021-03-11.
- ↑ "Masjid Jami Pontianak, Mencerminkan Keragaman Budaya". KOMPAS.tv (dalam bahasa Indonesia). Diakses tanggal 2021-03-11.
- ↑ Banjarmasin Post - Menjenguk Masjid Jami' Sultan Abdurrahman Pontianak[pranala nonaktif permanen]