Musajik Al-Imam

Musajik Al-Imam adolah musajik yang talatak di Nagari Kambang, Kabupaten Pesisir Selatan, Provinsi Sumatera Barat, Indonesia. Manuruik informasi yang didapek dari urang satampek, musajik Al-imam dibuek pado tahun 1924 bertepatan jo kalahiran dan pakambangan Kanagarian Kambang. Denah bangunan musajik babantuk buju sangka. Ruang utamo di bagian tangah indak tadapek dinding pambateh, sahinggo marupoan ruang yang tabukak. Di sabalah barat tadapek mihrab, sadangkan di sabalah suok dan kida bangunan tadapek ruangan samping yang babantuk selasar. Selasar iko seolah-olah manjadi lorong karano tatutuik jo bangunan tambahan yang berupo bangunan tampek wudhu.

Arsitektur jo komponen bangunan musajik Al-imam ko banyak mangandung nilai-nilai falsafah dan lambang masyarakaik Nagari Kambang. Tiang utamo pado ruang utamo yang bajumlah 9 tiang malambangkan jumlah Koto yang pado saat itu ado di Nagari Kambang. Tiang yang baliriak di dapan dakek mihrab yang bajumlah 14 tiang malambangkan jumlah penghulu yang bajumlah 14 urang dan barasa dari 4 suku, yaitu suku Kampai Tangah, suku Panai, suku Tigolareh, dan suku Malayu. Jumlah tiang yang ado di sabalah lua timur, utara, dan selatan bajumlah 50 tiang yang malambangkan jumlah gelar ninik mamak yang ado di Nagari Kambang saat itu. Atap seng tumpang limo malambangkan bahwasanyo Nagari Kambang mamiliki limo musajik adat.

Lantai ruangan utamo dibuek manggunoan karamik Belanda dengan tigo motif yang berbeda. Pado bagian tangah umumnyo manggunoan karamik barwarna biru, bagian balakang bawarna hitam, dan bagian balakang dakek mihrab manggunoan karamik bawarna coklat. Dindiang musajik Al-Imam masih asli. dindiang dibuek dari batu lepa berukuran 30 cm dan di cat jo warna putiah. Hanyo Pintu dan jendela musajik yang agaknyo masih asli dan alun mangalami pergantian. Jendela di sabalah kanan dan kiri bagian mihrab masih asli dan dibuek dengan daun jendela berbentuk jalusi dari kayu.