Muhammad Tahir Jalaluddin Al-Azhari

Tahir Jalaluddin adolah salah satu tokoh ulama nan tanamo sabagai pakar astronomi jo ilmu falak.Tahir Jalaluddin Al-Azhari mampunyoi namo panjang Syeikh Muhammad Tahir bin Muhammad bin Jalaluddin Ahmad bin Abdullah al-Minangkabawi al-Azhari.Beliau lahia di Cangking,Agam,Sumatera Barat pado Selasa,4 Ramadan 1286 H atau 8 Desember 1869 M-sabagian catatan lain beliau lahia pado 7 November 1869.

Syekh Tahir tanamo sabagai pelopor Kaum Mudo nan mangusuang pambaharuan.Inyo hadir di zaman pergerakan nan bajuang mambao parubahan dan maniupkan aspirasi Islam nan kental.Pado 1879 di umua nan masih sangaik mudo,10 tahun baliau barhijrah ka tanah Haram di Makkah Al Mukarramah untuak manuntuik ilmu agama.Di Makkah,Tahir kamudian mangaji Alquran kapada Syeikh Abdul Haq di madrasah Asy-Syaikh Rahmatullah sarato baraja kitab kapado Syeikh Umar Syatha, Syeikh Muhammad al-Khaiyath dan sepupunyo sendiri Syeikh Ahmad Khatib Al-Minangkabawi.Baliau baraja salamo kurang labiah 12 tahun di Makkah.Tahir Jalaluddin berguru pulo kapado Syeikh Ahmad al-Fathani dalam ilmu falak,nan kamudian manginspirasinyo untuak manimbo ilmu di Al-Azhar Mesir di umua 28 tahun.Syekh Tahir marupokan satu diantaro pamudo asa malayu era awal nan baraja di Al-Azhar.Tahir Jalaluddin dikirim jo direkomendasikan langsuang samo Syeikh Ahmad al-Fathani.Di Al Azhar ikolah Syekh Tahir mandalami ilmu falak jo astronomi salamo tigo tahun sampai umuanyo 30 tahun.

Syaikh Tahir mandirikan media massa

Sebagai seorang nan alah mamiliki ilmu yang cukup kuaik, Syekh Tahir barupayo pamikirannyo dapaik dirasoan jo sado urang sakaligus manjadi penyambung pamikiran pambaharuan Islam Rasyid Ridha jo Muhammad Abduh nan di Mesir. Baliau mandirikan majalah nan bernafaskan islam banamo "Al-Imam". Majalah itu didirikan pado tanggal 29 Juli 1996. Salamo mandirikan majalah itu, Syaikh Tahir bakarajo samo jo sahabatnyo nan merupakan seorang saudagar keturunan arab banamo Syeih Muhammad Al-Khadiyah.Namun Syaikh Muhammad maninggal pado tahun 1946 di Lho Seumawe Yahin. Isi jo caro panyampaian dalam majalah itu terkesan sangaik tegas, hal tersebut nampak ppada penerbitan perdananya. Namun dalam percetakannya, majalah itu mengalami babarapo kendala, tarutamodalam masalah pambiyayaan cetak jo penerbitannyo. Pado tahun 1909 majalah "Al-imam" indak bisa diterbitkan dek kakurangan modal.