Muhammad Isa Anshary

Dari Wikipedia baso Minang, ensiklopedia bebas
Loncat ke navigasi Loncat ke pencarian
Muhammad Isa Anshary
Muhammad Isa Anshary Konstituante Masjumi.jpg
Katua Umum Pasatuan Islam ka-4
Maso jabatan
1948–1960
Didaului jo Muhammad Natsir
Digantian dek KH.E.Abdurahman
Data paribadi
Lahia 1 Juli 1916
Bendera Balando Maninjau, Sumatera Barat, Hindia Balando
Wafaik 11 Desember 1969 (umua 53)
Bendera Indonesia Bandung, Indonesia
Kabangsaan Bendera Indonesia Indonesia
Partai politik Masyumi
Profesi Ulama
Agamo Islam

Muhammad Isa Anshary (lahia di Maninjau, Agam, Sumatera Barat, 1 Juli 1916 – maningga di Bandung, Jawa Barat, 11 Desember 1969 pado umua 53 taun) adolah pajuang kamardekaan, politisi sarato tokoh Islam Indonesia. Baliau pernah manjabat sabagai katua umum Pasatuan Islam (Persis), anggota konstituante, sarato juru bicaro Partai Masyumi pado era 1950-an. Kapiawaiannyo dalam bapidato jo mampangaruahi massa, mambuek baliau dijuluak-i sabagai "singo podium".[1]

Biografi[suntiang | suntiang sumber]

Isa Anshary adolah putra Minangkabau nan sajak ketek dididik dalam lingkuangan nan religius. Disampiang mampalajari ilimu agamo dari kaduo urang tuonyo, baliau-pun manimbo ilimu di surau. Katiko remaja baliau giat di babagai organisasi kaislaman, diantaronyo Muhammadiyah, PSII, Pasatuan Pamuda Rakyat Indonesia, sarato Indonesia Baparlemen.[2]

Pado umua 16 taun, sasudah manyalasaian pandidikannyo di madrasah Islam, Isa marantau ka Banduang untuak maikuti babagai kursus ilmu pangatahuan umum. Di Banduang pulo, baliau mampalaweh cakrawala kaislamannyo dalam Jam'iyyah Persis sampai manjadi katua umum Persis. Tampilnyo Isa Anshary sabagai pucuak pimpinan Persis dimulai pado 1940, katiko baliau manjadi anggota hoofbestuur (Pimpinan Pusek) Persis. Taun 1948, baliau malakuan reorganisasi Persis nan mangalami kevakuman sajak maso pandudukan Japang jo Parang Kamardekaan. Taun 1953 hinggo 1960, baliau tapiliah manjadi katua umum Pusekt Pimpinan Persis.

Salain sabagai mubaligh, Isa Anshary dikana pulo sabagai panulih nan tajam. Baliau tamasuak salah surang parancang Qanun Asasi Persis nan alah ditarimo sacaro bulek dek Muktamar V Persis (1953) lalu disamparonoan pado Muktamar VIII Persis (1967). Dalam sikap jihadnyo, Isa Anshary maanggap pajuangan Persis sungguah vital sarato kompleks, karano manyangkuik babagai bidang kahidupan umaik. Dalam bidang pambinaan kader, Isa Anshary manakanan pantiangnyo sabuah madrasah, tampek mambina kader-kader mudo Persis. Sumangaiknyo dalam hal pambinaan kader indak pernah padam maskipun baliau mandakam dalam tahanan Orde Lamo di Madiun. Kapado Yahya Wardi nan manjabat katua umum Pimpinan Pusek Pamuda Persis pariode 1956-1962, Isa Anshary mangiriman naskah "Ranuangan 40 Taun Pasatuan Islam" nan baliau susun dalam tahanan untuak disebaan kapado pasarato muktamar dalam rangko maningkek-an kasadaran jamaah Persis. Malalui tulisannyo, Isa Anshary mancubo mahiduik-an sumangaik para kadernyo dalam usaho mangambangan sarato manyebaan agamo Islam sarato pajuangan organisasi Persis. Dalam mampajuangan tagaknyo syariat Islam di Indonesia, Isa mamiliah bajuang malalui parlemen. Malalui Partai Masyumi, baliau konsisten mampajuangan syariat Islam manjadi dasar-dasar negara.

Karya[suntiang | suntiang sumber]

  • Islam dan Demokrasi (1938)
  • Tuntunan Puasa (1940)
  • Islam dan Kolektivisme (1941)
  • Pegangan Melawan Fasisme Jepang (1942)
  • Barat dan Timur (1948)
  • Falsafah Perjuangan Islam (1949)
  • Sebuah Manifesto (1952)
  • Islam Menghadapi Pemilihan Umum (1953)
  • Umat Islam Menghadapi Pemilihan Umum (1953)
  • Inilah Partai Masyumi (1954)
  • Islam dan Nasionalisme (1955)
  • Partai Komunis Indonesia (PKI), Pembela Negara Asing (1955)
  • Bahaya Merah Indonesia (1956)
  • Islam Menentang Komunisme (1956)
  • Manives Perjungan Persatuan Islam (1958)
  • Bukan Komunisto Fobi, tapi Keyakinan Islam (1960)
  • Ke Depan Dengan Wajah Baru (1960)
  • Pesan Perjuangan (1961)
  • Umat Islam Menentukan Nasibnya (1961)
  • Mujahid Dakwah (1966)
  • Tugas dan Peranan Generasi Muda Islam dalam Pembinaan Orde Baru (1966)

Catatan kaki[suntiang | suntiang sumber]

  1. Republika.co.id Semar Ikut Pemilu 1955
  2. Herry Mohammad, Tokoh-tokoh Islam yang Berpengaruh Abad 20, Gema Insani Press, 2006