Mohammad Eunos Abdullah
Mohammad Eunos Abdullah | |
|---|---|
| Lahia | 1876 |
| Maningga | 1933 (umua 57) Singapura (masa panjajahan Inggeris) |
| Kabangsaan |  Singapura |
| Karojo | Wartawan, politisi |
| Dikana dek | Pajuang Malayu Singapura |
Mohammad Eunos Abdullah (laia di Singapura taun 1876 - meninggal dunia di Singapura tahun 1933 pada umur 57 tahun) adalah seorang pejuang Melayu Singapura, wartawan, sarato politisi nan mandirian Kasatuan Malayu Singapura.
Kahidupan
[suntiang | suntiang sumber]Eunos adolah anak surang padagang Minangkabau dari Sumatera Barat. Baliau baraja di Raffles Institution pado taun 1893. Pado taun 1907 baliau manjadi editor koran babahaso Malayu "Utusan Melayu."[1] Baliau adolah salah surang Malayu partamo nan manjadi Hakim Padamaian pado taun 1922.
Pado taun 1924 baliau tapiliah sabagai wakil kaum Malayu dalam dewan legislatif Straits Settlements.[2] Duo taun kudian baliau mandirian "Kasatuan Malayu Singapura" (Singapura Melayu Union), sabuah organisasi politik nan mambela hak-hak kaum Malayu Singapura.[3] Tujuan utamo dari Kasatuan Malayu Singapura adolah untuak mampromosian kamajuan Malayu, sarato maningkek-an pandidikan jo minat dalam politik. Bisa dikatoan baso Kasatuan Malayu Singapura marupoan palopor organisasi Nasionalis Malayu di Singapura.
Pado taun 1927 baliau mamintak kapado pamarentah sabidang tanah untuak mambangun sabuah Kampuang Malayu.[4] Pamarentah manyatujui rancana tu lalu maagiahan pitih sajumlah $ 700.000 kapado Eunos nan digunoannyo untuak mambali tanah salaweh 600 hektar. Untuak manganang jaso-jasonyo, kampuang ko akhianyo diagiah namo Kampuang Eunos, nan di dakeknyo ado Stasiun MRT Eunos.
Rujuak-an
[suntiang | suntiang sumber]- ↑ Dru C. Gladney, Making Majorities, Stanford University Press, 1998
- ↑ Edwin Lee, Singapore: The Unexpected Nation, ISEAS Publishing, 2008
- ↑ Anthony Milner, The Malays, Wiley-Blackwell
- ↑ Joel S. Kahn, Other Malays: Nationalism and Cosmopolitanism in the Modern Malay World, Singapore University Press, 2006