Mohammad Djamil Djaho
 | Artikel ko mambutuahan labiah banyak catatan kaki untuak pamastian. Silakan bantu mampaeloki artikel ko jo manambahan catatan kaki dari sumber nan tapicayo. |
Mohammad Djamil Djaho lahia di Jaho, Padang panjang pado taun 1875 M. Mohammad Djamil Djaho marupoan tokoh Kaum Tuo. Inyo mampu manjadi panangah polemik antaro Kaum Tuo dan Kaum Mudo. Bahkan Inyo marupoan tampek batanyo Kaum Adat, tarutamo dalam persoalan harato pusako tinggi. Salain marupoan Kaum Tuo, Mohammad Djamil Djaho marupoan panulih untuak majalah Al-Mizan, nan alah terbit sajak taun 1920. Pado taun 1924, inyo mandirian madrasah di Jaho nan kamudian baganti namo manjadi Madrasah Tarbiyah Islamiyah pado 1928.[1]
Lata balakang[suntiang | suntiang sumber]
Mohammad Djamil Djaho lahia dari pasangan Tanam gelar Tuanku Kadhi Tambangan Bandaro dan Umbuik. Ayahnyo saurang tokoh agamo di Jaho. Mohammad Djamil Djaho mamiliki isteri sabanyak sapuluah urang, dan 13 urang anak. inyo maningga dunia pado hari Jum'at tanggal 2 November 1945/27 Zulhijjah 1364 di Jaho Nagari Batipuh X Koto, Padang Panjang.[1]
Pandidiakan jo pagaulan[suntiang | suntiang sumber]
Mohammad Djamil Djaho patamo kali manampuah pandidiakan pado umua 13 taun (1888) di halawah surau Gunuang Rajo di bawah bimbiangan Syekh Al-Jufri. Limo taun kamudian (1893) inyo pindah ka halawah surau Tanjung Bungo (Padang Ganting) di bawah pimpinan Syekh Ayub. Enam taun kamudian (1899), inyo bersamo jo Sulaiman Ar-Rasuli sahabaik karibnyo pindah ka surau Koto Tuo Biaro IV Angkat Candung (Bukittinggi). Pado taun barikuiknyo inyo pindah ka surau halaqah Syekh Abdullah di Halaban (Payakumbuh), saurang ulama nan ahli dalam ilmu hadis jo tafsir. Dengan kamampuan nan dimilikinyo katiko baraja di surau Syekh Abdullah Halaban, Mohammad Djamil Djaho diangkek sabagai guru bantu sarato acok dibao jo Syekh Abdullah Halaban untuak badakwah di daerah Payakumbuh.[1]
Pado usia 33 taun (1908), Mohammad Djamil Djaho barangkek ka Makkah untuak malanjuikan pandidiakannyo. Sasudah 10 taun baraja di Makkah, inyo pulang ka tanah aia pado taun 1918 dan mangaja di Jaho dan babarapo daerah lainnya, saroman surau Ganting di Gunuang dan Thawalib Padang Panjang. Taun 1921 inyo diangkek sabagai salah saurang dewan redaksi majalah Al-Mizan nan alah terbit sajak taun 1920.
Organisasi[suntiang | suntiang sumber]
- Organisasi Itthadul Ulaman, 1928
- Organisasi Persatuan Tarbiyah Islamiyah (PERTI), 1928
Pangharagoan[suntiang | suntiang sumber]
Pado tangga 17 Agustus 1977, Mohammad Djamil Djaho diberikan penghormatan sabagai Pahlawan Pendidikan dek Pamarentah Hindia (1936) maupun Pamarentah Tingkat I Sumatera Barat.