Mohamed Salah

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Mohamed Salah Ghaly (bahaso Arab: محمد صلاح غالي‎ , pangucapan bahaso Arab Masia: [mæˈħam.mæd sˤɑˈlɑːħ ˈɣæːli]; lahia 15 Juni 1992) adolah pamain sipak bola profesional Mesir nan bamain sabagai panyarang untuak klub Inggrih Liverpool dan timnas Mesir.

Salah mamulai karier seniornyo di klub tampek lahianyo, El Mokawloon di Liga Premier Mesir tahun 2010, langsuang bagabuang jo Basel untuak hargo dirahasiokan. Di Swiss, inyo manjadi bintang katiko inyo mamenangkan titel liga di musim debutnyo, mamanangkan <i>SAFP Golden Player Award</i> dalam proses. Paforma Salah kamudian manarik minat klub Premier League Chelsea, dan inyo bagabuang jo harago £11 juta pado tahun 2014. Namun, inyo jarang digunokan di musim debutnyo dan diizinkan pai sabagai pinjaman ka klub Serie A Fiorentina dan Roma, jo nan terakhia, mambalinyo sacaro pamanen sahargo €15 juta.

Manyusul performanyo nan konsisten di Roma mambaok mereka ka tampek kaduo dan rekor poin total tahun 2017, Salah kambali ka Premier League untuak bagabuang jo Liverpool untuak rekor klub katiko tu, saharago £36.9 juta. Katiko maso kaduonyo di Inggrih, Salah mangadaptasi pamainannyo dari sayok murni manjadi panyarang komplit dan jo capek manjadi titiak fokus tim. Inyo kamudian mamecahkan rekor klub dalam musim debutnyo, manarimo <i>Premier League Golden Boot</i> satalah mancetak 32 gol dari 36 patandingan. Inyo juo manjadi pamain patamo nan mamanangkan 3 <i>Premier League Player of the Month</i> dalam musim nan samo. Paformanyo nan lua biaso maagiahnyo banyak panghargaan pado akhia musim 2017–18, tamasuak PFA Players' Player of the Year, Football Writers' Player of the Year dan <i>PFA Fans' Player of the Year</i>. Salah maraih tampek katigo untuak <i>the 2018 Best FIFA Men's Player</i>.

Karier Klub[suntiang | suntiang sumber]

Salah bamain jo El Mokawloon katiko mudo. Inyo mambuek debut tim seniornyo dalam <i>Egyptian Premier League</i> sabagai pangganti katiko 3 Mei 2010 dalam hasil imbang 1–1 malawan El Mansoura. Katiko musim 2010–11 Salah taruih mandapek minik bamain di lapangan, kamudian manjadi reguler di tim. Inyo mancetak gol patamanyo untuak mereka katiko 25 December 2010 dalam hasil imbang 1–1 malawan Al Ahly.[1] Inyo manjadi reguler untuak El Mokawloon, bamain satiok patandingan pado musim. Manyusua <i>ricuh Port Said Stadium</i> tanggal 1 February 2012, Liga Premier Mesir dihantikan, dan pado 10 Maret 2012, Asosiasi Sipak Bola Mesir mamutuihkan untuak mambatalkan siso patandingan musim itu.

Basel[suntiang | suntiang sumber]

Klub Swiss Super League Basel alah mangawasi Salah untuak babarapo wakatu, dan manyusua tahantinyo Liga Premier Mesir, klub mangatua laga pasahabatan jo <i>tim Mesir U-23</i>.[2] Patandingan itu dijadwalkan tanggal 16 Maret di <i>Stadion Rankhof</i> di <i>Basel</i>, dan meski bamain di babak kaduo, Salah mancetak 2 kali, mambantu Mesir manang 4-3.[3] Basel kamudian mangundang Salah untuak tetap di kota untuak palatihan salamo saminggu. 10 April 2012, diumumkan bahwa Salah bagabuang jo Basel salamo 4 tahun mulai 15 Juni 2012.[4][5][6]

Rujuakan[suntiang | suntiang sumber]