Minyak makasar

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Surang anak mudo di Herne Bay, Kent, Inggirih, sakita 1903-1914, nan rambuiknyo bakilek dek minyak makasar

Minyak makasar (Inggirih: Maccassar oil) adolah sajinih minyak ramuan nan tarutamo dipakai urang laki-laki pado maso pamarentahan Victoria dan Edward sabagai kondisioner rambuik untuak marapian jo manata gaya rambuik.[1]

Minyak ko dipopulerkan dek Alexander Rowland (1747-1823), surang tukang cukua tanamo di London. Maso tu indak jarang tukang cukua nan mambuek kondisioner rambuiknyo surang, dan pado sakita 1783 Rowland mulai manawarkan Rowland's Macassar Oil. Dalam duo dekade salanjuiknyo minyak tu jadi sabana takana, dan sacaro taruih-manaruih dipromosian basarato manfaat-manfaatnyo nan balabiahan, mambueknyo jadi produk patamo nan diiklankan sacaro nasional di sinan.

Kato-kato "Macassar Oil" didaftarkan sabagai merek dagang dek A. Rowland & Sons pado taun 1888. Anak Rowland (namonyo Alexander juo) kudian ari mangato baso surang sanak mareka nan tingga di pulau Celebes di Hindia Balando alah mambantu pangadoan bahan-bahan dasanyo.

Minyak makasar acok dibuek dari minyak karambia, minyak kalapo sawit, atau minyak kusambi,[2] dicampua jo minyak bungo kanango jo lain-lain minyak arun.[3]

Minyak makasar dinamoan co itu karano dikabarkan dibuek jo bahan-bahan nan dibali di palabuahan Makasar di Indonesia.[4] Byron, sang panyaia, manyabuiknyo "thine incomparable oil, Macassar" dalam kanto patamo puisinyo Don Juan, dan pangarang Lewis Carroll sato pulo manyabuik "Rowland's Macassar Oil" dalam puisinyo "Haddocks' Eyes" pado novelnyo Through the Looking-Glass.

Karano minyak rambuik ko acok manempel di sandaran kurisi saaik si pamakai duduak, urang pun mambuek kain ketek nan disabuik jo namo antimacassar. Kain ketek ko (ado nan mamakai renda, bordir, atau asia produksi masal) dilatakan di ateh pungguang tampek duduak untuak malinduangi jok atau kain palapih kurusi tu.[5]

Rujuakan[suntiang | suntiang sumber]

  1. "Men's Hair Care Lesson: How Conditioner Works". Detailsformen.com. https://www.detailsformen.com/Articles_Detail.aspx?PCID=35. Diakses pado 22 Juni 2014. 
  2. Ghosh, P; Chakraborty, P; Mandal, A; Rasul, M G; Chakraborty, Madhumita; Saha, A (Mar–Apr 2011). "Triterpenoids from Schleichera oleosa of Darjeeling Foothills and Their Antimicrobial Activity". Indian Journal of Pharmaceutical Sciences 73 (2): 231–233. doi:10.4103/0250-474x.91568. PMID 22303070. 
  3. "Ylang-ylang essential oil information". Essentialoils.co.za. 29 Mai 2014. http://www.essentialoils.co.za/essential-oils/ylang-ylang.htm. Diakses pado 22 Juni 2014. 
  4. "Macassar Oil". Abc.net.au. http://www.abc.net.au/abc3/myplace/narrowband/1798/oil.htm. Diakses pado 22 Juni 2014. 
  5. Charles Dickens, Sketches by Boz 1836: Tales: Ch 4, The Tuggses at Ramsgate

Pautan lua[suntiang | suntiang sumber]