Mini Tikuih

Dari Wikipedia baso Minang, ensiklopedia bebas
Loncat ke navigasi Loncat ke pencarian

Mini Tikuih (bahaso Indonesia: Mini Tikus, bahaso Inggirih: Minnie Mouse) adolah salah satu tokoh pilem kartun jo komik Disney nan babantuak tikuih batino. Namo langkoknyo dalam bahaso Inggirih adolah Minerva Mouse, nan patamo kali disabuikan dek Merrill De Maris jo Floyd Gottfredson dalam strip komik The Gleam nan ditabikan antaro 19 Januari-2 Mei 1942. Mini Tikuih adolah pasangan nan acok tampil dalam komik jo pilem kartum basamo jo Miki Tikuih, salah satu tokoh karakter Disney nan tamusaua.

Ayah Mini Tikuih, yaitu Marcus Tikuih nan adolah surang patani, sarato mandenyo nan indak disabuik namonyo, tampil dalam strip komik Mr. Slicker and the Egg Robbers, tabik antaro 22 September-26 Desember 1930. Pada carito tu pulo disabuikan inyiak jo niniaknyo Mini, yaitu Marshall Tikuih jo Matilda Tikuih. Di antaro sanaknyo sudaronyo, Mini Tikuih arek ubuangannyo jo pak eteknyo, Mortimer Tikuih, sarato kaduo sepupunyo Millie Tikuih jo Melody Tikuih. Dalam banyak carito, Mini bakonco sangaik arek pulo jo Desi Itiak jo Klarabela.[1]

Referensi[suntiang | suntiang sumber]