Mentok rimbo

Mentok Rimba
Conservation status
Endangered
Klasifikasi ilmiah
Kingdom:	Animalia
Phylum:	Chordata
Class:	Aves
Order:	Anseriformes
Family:	Anatidae
Genus:	Cairina
Species:	C. scutulata
Namo binomial
Cairina scutulata Müller, 1842

Mentok rimbo (Cairina Scutulata) marupokan jenis buruang dari sanak bebek atau dari suku Anatidae. Unggeh iko biso dikatoan jenis bebek nan alah langka karano di saluruah dunio hanyo tasiso sakita 1000 ikua. Sekita 150 ikua tadapek di Taman Nasional Way Kambas, Lampuang, salah ciek habitat Mentok Hutan nan tasiso di Indonesia. Oleh sabab itu, Mentok Rimbo dilinduangi pemerintah di dalam Kaputusan Menteri Pertanian No. 327/kpts/um/7/1972) nan kamudian dikukuhkan jo Undang-Undang No.05/ 1990 tantang Konservasi Sumber Daya Alam dan Ekosistemnyo. Populasi Mentok Rimbo masuak juo ka dalam katagori Endangeres (EN / Genting) nan bararti tarancam dari kapunahan. Salah satu sabab nan mangancam buruang iko dari kapunahan karano hilangnyo habitat inyo di utan-utan Indonesia nan manjadi tampek tingganyo.

Mentok nan bawarno galok iko dikenal jo babarapo sabuikan namo, mode Mentok Utan, Serati, Bebek Utan atau Angsa Utan dan dalam baso Inggrih dikenal sabagai White-winged Wood Duck.

Deskripsi

Jikok diukua dari paruh hinggo ujuang ikua, Mentok Rimbo mamiliki panjang badan sakita 66–81 cm. Warno badannyo galok atau kahitaman jo sisi bawa sayok bawarno putiah.

Di Sumatera, Mentok Rimbo nan jantan mamiliki kapalo dan lihia labiah putiah dibandiang jenis serupo di daratan Asia. Pado  Mentok Rimbo di Asia, nan jantan mamiliki barcak-barcak itam pado kapalo dan lihianyo, samantaro pado mentok batino barcak itam labiah rapek. (3). Mentok jantan mamiliki bobot antaro 2,9 kg dan 3,9 kg, sedangkan nan batino babobot antaro 1,95 kg hinggo 3,05 kg.

Paruh jo kaki bawarno kakuniangan atau jingga kusam. Indak mode mentok peliharaan, Mentok Rimbo indak ado lingkaran sirah di sakaliliang matonyo.

Tampek Iduik

Mentok Rimbo tingga di lahan basah nan badakek-an dengan rawa-rawa. Unggeh iko suko bana basambunyi di siang ari. Pado malam ari di tampek mereka iduik, mereka aktif mancari makan, bapasangan, maupun bakalompok 6-8 ikua .  Karano iduiknyo di lahan basah (aia), mako pambangunan listrik tanago aia dan polusi manusia manjadi ancaman gadang bagi mereka. Selain itu, panurunan populasinyo disababkan juo oleh karusakan, degradasi, dan gangguan habitatnyo tamasuak kahilangan koridor utan di tapi sungai. Populasinyo nan tingga saketek iko sangaik barisiko tahadok kapunahan.

Makanan

Mentok Rimbo marupokan hewan omnivora atau pamakan sagalonyo. Mereka mamangso banyak macam tumbuahan aia mode hydrilla, mamangso sipuik, ikan ketek, caciang, saranggo, laba-laba aia, dan hewan aia lainnyo nan baukuran ketek.

Panyebaran

Pado maso lalu, Mentok Rimbo hiduik taseba laweh mulai dari India Timur Lauik, Bangladesh, Asia Tenggara, Sumatera hinggo Jao. Pado taun 2002, populasinyo di saluruah dunio tingga 800 ikua, sakita 200 ikua manyeba di Laos, Thailand, Vietnam, dan Kamboja. Sakita 2000 ikua di Sumatera, tarutamo di Taman Nasional Way Kambas dan 450 ikua di India, Bangladesh dan Myanmar. Namun  kini, habitat Mentok Rimbo di saluruah dunio indak mancapai 1000 ikua. Di Indonesia surang, samulo Mentok Rimbo dapek dijumpai di Jao dan Sumatera, kini spesies iko telah punah di Jao.

Di Sumatera dan daratan Asia wilayah sabarannyo kini terfragmentasi karano makin bakurangnyo lahan basah nan dakek utan dataran randah. Habitat nan terfragmentasi ikolah mambuek buruang nan biaso basarang di lubang pohon iko rentan tahadok kepunahan. Salain itu, panyabab kapunahan lainnyo yaitu maraknyo pamburuan talua dan anakan Mentok Rimbo sacaro lia untuak dijadikan makanan maupun paliharoan. Makonyo kini habitat Mentok Rimbo di Indonesia tasiso sakita 150 ikua di Taman Nasional Way Kambas, Lampuang.

Pangambangbiakan

Unggeh iko acok basarang di lubang-lubang di papohonan dan batalua di tampek nan samo. Mentok batino bisa batalua hingga 16 butia pado sarang nan inyo bangun di lubang atau pacabangan pohon, biasonyo pado katinggian 3 sampai 12 meter di ateh pamukoan tanah. Talua Mentok Rimbo akan manateh siap masa panatehan (inkubasi) salamo  33 ari. Talua akan manateh sairiang jo datangnyo musim ujan. Anak Mentok Rimbo manjadi dewasa sakita 14 minggu.