Meifrizal

Meifrizal laia 12 Mai 1972 di Lubuaksikapiang, Pasaman, Sumatra Barat, dari ayah Sofyan dan ibu Asnizar. Inyo menyukoi dunia sastra, tarutamo puisi, sajak duduak di bangku sakola dasar.[1] Tapi, kapandaian manulih puisi ko baru diasahnyo katiko duduak SMP. Katiko, puisi-puisinyo ditabikan di laman puisi Koran Masuak Sakola (KMS) nan marupoan tabitan rutin mingguan Koran Singgalang, sabuah koran lokal Sumatra Barat. Inyo basungguah-sungguah manggalui puisi ko katiko awal basakola di SMA, taun 1989. Hasilnyo adolah puisi-puisinyo ditabikan di halaman Budaya Minggu, Koran Haluan nan diasuah panyair Ruzli Marzuki Saria. Sajak masuak fakultas Sastra, Jurusan Bahaso Indonesia, Universitas Andalas, inyo samakin banyak manulih. Iko ditandoi katiko inyo mamanangan lomba mambuek puisi tingkek mahasiswa sa-Sumatra Barat, taun 1993. Di taun nan samo, inyo tapiliah manjadi nominasi lomba cipta puisi sa-Sumatera Barat nan diadoan dek Yayasan Taraju Padang. Taun 1994, inyo melanjuikan kapanyairannyo jo manjadi 10 tabaiak lomba Cipta Puisi sa-Indonesia nan diadoan baliak dek Yayasan Taraju Padang.[2]

Bulan Desember 1997, salain manjadi paserta, Meifrizal sato langsuang dalam kagiatan Patamuan Sastrawan Nusantara IX dan Patamuan Sastrawan Indonesia 1997 di INS Kayutanam, Sumatra Barat. Basamo jo kagiatan tu, sastrawan tanamo A.A. Navis mancatat namo Meifrizal manjadi panyair Sumatra Barat dalam buku Geo Sastra dan Seni Minang Kabau, nan barisi kaba tantang sastrawan dan seniman, sarato tokoh-tokoh nasional lainnyo dari Sumatra Barat. Taun 1999, inyo tamasuak surang panyair nan diundang untuak sato dalam Patamuan Sastrawan Melayu Sarumpun nan diadoan di Pulau Daik Lingga, Kapulauan Riau. Salain manulih puisi di banyak madia massa, puisi-puisi Meifrizal taimpun pulo dalam antalogi puisi basamo, diantaronyo:

   Rumpun (Kumpulan Puisi Panyair Sumatra Barat—Taman Budaya dan Dewan Kesenian Sumatera Barat, 1992)
   Taraju (Kumpulan Pamanang Lomba Cipta Puisi sa-Sumatera Barat—Yayasan Taraju Padang, 1993)
   Sahayun (Kumpulan Pamanang Lomba Cipta Puisi sa-Indonesia,1994)
   Hawa 29 Penyair (Kumpulan Puisi Panyair Sumatera Barat, 1996)
   Slonding (Kumpulan Pamenang Lomba Cipta Puisi sa-Indonesia—Yayasan Selakunda Bali, 1998)
   Makam (Kumpulan Puisi Indonesia- Pusek Pangajian  Bahaso jo Kabudayaan Malayu Universitas Riau, Pekanbaru, 1999)
   Puisi Sumatra  Barat 1999 (Kumpulan Puisi Pnyair Sumatera Barat—Dewan Kesenian Sumatera Barat, 1999
   Memo Anti Terorisme 250 Panyair Indonesia (Forum Sastra Surakarta, 2016)
   Memo Antikekerasan Terhadap Anak Komunitas Memo Penyair (Forum Sastra Surakarta, 2016)
   Kumpulan Puisi Kopi 1.550 mdpl (Kumpulan Puisi Kopi Panyair Dunia, 2016)
   Puisi Manulak Korupsi 6 (2017).
   Kumpulan puisi surang nan alah tabik diantaronyo:
   Sihir Waktu (Rumah kayu Pustaka Utama, 2016)
   Kisah  Sabalun Tidur (LeutikaPrio, 2016), dan
    Buruang nan Lepas dari Sangkar  Saroman Angan nan Tamasya ka Bintang-Bintang (Ganding Pustaka, 2017). 

Kini ko, di sampiang acok manulih puisi, inyo aktif pulo di dunia pandidikan sabagai guru di SMP Nagari 1 Lubuaksikapiang, Kabupaten Pasaman, Sumatra Barat.[3]

rujuakan

   ^ 2. Puteri Asmrini, dkk. 2003. Sepanjang Abad Sastrawan Sumatra Barat. Jakarta:  Pusek Bahasa.
   ^ 1. Wawancara jo  Meifrizal, 13 oktober 2017.
   ^ 1. Wawancara jo  Meifrizal, 13 oktober 2017.