Megachile pluto
| Megachile pluto | |
|---|---|
| |
| Conservation status | |
| Klasifikasi ilmiah | |
| Genus: | Megachile |
| Species: | pluto |
| Sinonim | |
| |
Megachile pluto atau Chalicodoma pluto, kadang disabuik juo Labah raksasa Wallace atau namo satampek o ofungu ma koana ("rajo labah")[2] adolah sabuah spesies labah baukuran gadang dari Indonesia nan tamasuak dalam famili Megachilidae (labah resin). Saaik kini labah iko marupoan spesies labah tagadang nan dikatahui manusia. Spesies iko sempat dianggap punah, namun babarapo spesimen ditamuan pado 1981. Satalah itu, spesies iko indak pernah dicaliak lai hinggo pado 2018 duo spesimen dijua di situs lelang online eBay. Pado 2019, saikua labah batino ditamuan dalam kaadaan hiduik di Maluku Utara, dan difilman untuak partamo kalinyo.
Deskripsi
[suntiang | suntiang sumber]Megachile pluto adolah labah resin (Megachilidae) hitam jo rahang nan gadang. Labah iko mamiliki dimorfisme seksual (pabedaan tampak lua antaro jantan jo batino): labah batino dapek tumbuah hinggo panjang 38 mm jo rantang sayok 63,5 mm, tatapi jantannyo hanyo tumbuah hinggo 23 mm. Hanyo batinonyo mamiliki rahang gadang.[3] M. pluto adolah spesies labah tagadang nan pernah dideskripsian jo masih hiduik.[4] Salain ukuran tubuah jo rahangnyo nan gadang, spesies iko dapek juo dibedaan dari labah-labah lainnyo malalui adonyo pita putiah di abdomen.[5]
Habitat
[suntiang | suntiang sumber]Labah iko baru pernah dilaporan ditamuan di tigo pulau Maluku Utara, Indonesia, iyolah Pulau Bacan, Halmahera, jo Tidore. Indak banyak nan dikatahui tantang distribusi geografinyo maupun syaraik-syaraik habitatnyo, tatapi labah iko dipacayo hanyo hiduik di hutan primer dataran randah. Katigo pulau iko kini alah dipanuahi pakeaunan kalapa sawit nan manggantian habitat alami nan sabalunnyo ado. Karena iko Uni Internasional untuak Konservasi Alam mangklasifiksian spesies iko sabagai spesies rentan.[1]
Sijarah
[suntiang | suntiang sumber]Spesies iko partamo kali tacatat dek Alfred Russel Wallace, nan mangumpuaannyo pado taun 1858, jo katiko itu diagiah namo "Lebah raksasa Wallace". Satalah itu spesies iko indak ditamuan lain jo dianggap punah hinggo pado 1981 Adam C. Messer, saurang entomologis Amerika Sarikat, manamuan anam sarang Megachile pluto di Pulau Bacan jo sakitarnyo.[5] Spesies iko tamasuak dalam 25 spesies "hilang jo paliang dicari" dalam program "Search for Lost Species" ("Pancarian Spesies Hilang") dek Global Wildlife Conservation.[6] Satalah 1981, spesies iko indak pernah diamati dalam kondisi alamiahnyo salamo 37 tahun. Duo spesimen diparoleh di Indonesia pado 2018, ciek di Pulau Bacan pado Februari jo kaduo di Halmahera pado September. Kaduo spesimen iko dijua di situs lelang eBay jo manimbulkan kakhawatiran akan kurangnyo palinduangan tahadap spesies langka iko.[7] Spesimen partamo tajua saharago $9.100 dolar AS (sekitar 125 juta rupiah) jo nan kaduo tajua juo babarapo ribu dolar.[8] Saikua M. pluto batino ditamuan hiduik dalam sabuah sarang rayap pado 2019 dek sabuah tim nan salah satu anggotanyo adolah fotografer Clay Bolt. Saaik itu, spesies iko difoto jo difilmkan dalam kaadaan hiduik untuak partamo kalinyo, sabalun dilapehan baliak.[8][9]
Ekologi
[suntiang | suntiang sumber]M. pluto mamiliki sarang nan ditinggali bakalompok di dalam sarang-sarang rayap Microcerotermes amboinensis nan hiduik di papohonan. Karano sarangnyo nan tasuruak iko, kabaradaan labah iko acok indak disadari bahkan dek panduduak satampek. Lebah iko manggunaon resin (gatah) pohon untuak mambangun "ruangan-ruangan" di dalam sarang rayap. Labah-labah batininyo banyak maninggaan sarangnyo untuak mancari getah, nan acok didapek dari tanaman Anisoptera thurifera. Rahangnyo nan gadang mambantu hewan iko mangumpuan gatah, nan dek M. pluto batino dibantuak sabagai bola-bola gadang nan disapik dek rahang. Katagantuangan labah iko tahadap rayap dapek jadi marupaon hubuangan simbiosis obligat.[1][5]
Caliak pulo
[suntiang | suntiang sumber]Rujuakan
[suntiang | suntiang sumber]- ↑ a b c Kuhlmann, M. (2014). "Megachile pluto". IUCN Red List of Threatened Species. 2014: e.T4410A21426160. doi:10.2305/IUCN.UK.2014-1.RLTS.T4410A21426160.en.
- ↑ ,"Sembunyi Hampir 40 Tahun, Lebah Terbesar di Dunia Ditemukan di Maluku". Kompas.
- ↑ Simon, Matt (2019-02-21). "The Triumphant Rediscovery of the Biggest Bee on Earth". Wired. ISSN 1059-1028. Diakses tanggal 2019-02-21.
- ↑ Quenqua, Douglas (2019-02-21). "The World's Largest Bee Is Not Extinct". The New York Times (dalam bahasa Inggris). ISSN 0362-4331. Diakses tanggal 2019-02-21.
- ↑ a b c Messer, A. C. (1984). "Chalicodoma pluto: The World's Largest Bee Rediscovered Living Communally in Termite Nests (Hymenoptera: Megachilidae)". Journal of the Kansas Entomological Society. 57 (1): 165–168. JSTOR 25084498.
- ↑ "The Search for Lost Species". Global Wildlife Conservation (dalam bahasa Inggris). Diakses tanggal 2017-06-02.
- ↑ Vereecken, Nicolas (2018). "Wallace's Giant Bee for sale: implications for trade regulation and conservation". Journal of Insect Conservation. 22 (5-6): 807–811. doi:10.1007/s10841-018-0108-2.
- ↑ a b Main, Douglas (21 February 2019). "World's largest bee, once presumed extinct, filmed alive in the wild". National Geographic.
- ↑ Bolt, Clay. "Wallace's Giant $9,000 Bee". National Geographic. National Geographic. Diarsipkan dari versi asli tanggal 2018-11-07. Diakses tanggal 2019-02-24.