Maya Skolastika Boleng

Dari Wikipedia baso Minang, ensiklopedia bebas
Jump to navigation Jump to search

Maya Skolastika Boleng adolah aktivis padusi untuak patani mudo. Maya lahia di Flores 11 Juni 1985. Maya tamaik dari Sastra Inggris Universitas Negri Surabaya pado tahun 2010. Maya mamiliah manjadi patani dan manggarikkan anak mudo untuak batani. Maya mulai suko jo dunia partanian katiko duduak di bangku kuliah. Maya manyeo tanah masyarakaik di Pacet, Mojokerto Jawa Timur salueh 3.000 m2.[1]

Maya maaja anak mudo mulai dari anak-anak tamaik SD, SMP, SMA sampai sarjana. Kini alah bagabuang 10 urang anak mudo yang samangaik mangarajoan partanian organik basamo Maya.

Harian Kompas edisi 21 Mei 2018 di halaman 16 jo judul "Maya Skolastika Boleng, Mencetak Petani Muda". Kompas menulihkan ba a proses Maya baraja ilmu partanian organik sacaro otodidak lewat internet.

Tahun 2008 Maya babagi ilmu partanian organik yang alah dirintisnyo ka 200 urang anak mudo di Kota Kupang. Tahun 2009, Maya jo kelompok tani mudonyo alah mamproduksi sayua mayua, buah, jo bumbu organik bakualitas. hasil partanian organik tu dijua ka supermarket di Surabaya. indak cukuik dana jo modal, akhirnyo usaha iko indak bajalan lai.

Tahun 2012, Maya sempat bakarajo di perusahaan biro perjalanan dan wisata. Sasudah anam bulan bakarajo, Maya mamutuihkan untuak baliak ka Mojokerto dan malanjuikkan partanian organik yang alah dirintis dulu basamo kawan-kawan mudonyo. Tahun 2013 Mayamanjuahasil pertanian mereka ka hotel-hotel jo pasa rumah tanggo.

Kini Maya jo kawan-kawan bisa manjua bamacam hasil partanian organik ka 1.200 rumah tanggo yang manjadi langganan tetap mereka.

Referensi[suntiang | suntiang sumber]

  1. Ama, Kornelis Kewa, "maya skolastika mencetak petani muda ", 21 Mei 2018.