Marco Polo

Marco Polo

Namo dalam bahaso usali	(it) Marco Polo
Biografi
Lahia	15 September 1254 Venesia (id)
Kamatian	8 Januari 1324 (69 tahun (id) ) Venesia (id)
Tampek dimakamkan	San Lorenzo, Venice (en) 45.4373°N 12.3455°E / 45.4373; 12.3455
Kagiatan
Bidang karajo	Perjalanan (id) , perdagangan (id) , diplomasi (id) , travel book (en) jo memoir literature (en)
Karajo	Manggaleh, explorer (en) , diplomat (id) , duta besar (id) , world traveler (en) , pangarang, pengelana (id) , pengusaha (id) jo ahli kitab (id)
Creative work
Karya nan tanamo (1903) The book of Ser Marco Polo the Venetian concerning the kingdoms and marvels of the East (en)
Kaluarga
Kaluarga	Polo (en)
Pasangan hiduik	Donata Badoer (en) (1300 (Kalender Masehi Gregorius)–1324)
Anak	Fantina Polo (en) Agnese (en)
Abak	Niccolò Polo (en)
Kerabat (id)	Maffeo Polo (en) (paman (id) )

Marco Polo (lahia 15 September 1254 – maningga 8 Januari 1324 pado umua 69 taun) adolah surang padagang jo panjalajah Italia nan panah manyusuri jalan sutera. Liau pai ka Cino samaso bakuasonyo Dinasti Mongol. Liau baraja tantang padagangan sangkek ayah jo pak eteknyo, Niccolo jo Maffeo, malakukan pajalanan malalui Asia dan tampaknyo basuo Kubilai Khan. Pado 1269, kaduonyo barulang ka Venesia jo basobok Marco untuak partamo kalinyo. Inyo batigo mamuloi sabuah pajalanan epik ka Asia, dan baliak sasudah 24 tahun, manamukan Venisia baparang jo Genoa. Marco dipinjarokan, dan bakaba kapado kawan saselnyo. Liau dibebaskan taun 1299, manjadi rang kayo, manikah jo mampunyoi tigo anak.

Liau tanamo dek kaba-kabanyo nan amaik dituju dan aneh dek bangso Eropa. Pado maso itu, bangso Barat indak mangatahui dunia Timur. Sabagian cadiak pandai bapandapaik baso Marco Polo memang pai ka Cino, tapi indak mangunjuangi sadoalah tampek nan dikabaan dalam bukunyo (misanyo Xanadu).

Salah satu kaba Marco Polo nan katuju dek bangso Indonesia adolah carito tantang unicorn atau kuda batanduak ciek nan manuruiknyo dijumpoi di pulau Sumatra. Tapi, ilimu pangatahuan mambuktikan baso nan ditamui Marco Polo itu bukanlah unicorn malainkan badak Sumatra. Liau maningga pado 1324, dan dimakaman di San Lorenzo.

Marco Polo jo Indonesia

Di antaro namo tampek di Indonesia nan disabuikan dalam buku pajalanan Marco Polo, yaitu:

• Pulau Jawa Gadang (pulau Jawa); dipakirokan amaik laweh dek pantai selatannyo indak taleso dikunjuangi dek Marco Polo. Dicaritoan pulo tantang ekspedisi panyarangan Kubilai Khan ka Jawa jo kagagalannyo.
• Pulau-pulau Sondur jo Condur (alun jaleh); dipakirokan marupokan pulau-pulau ketek di Lauik Cino Selatan nan panah digunoan sabagai patokan palayaran.
• Pulau Pentam (pulau Bintan); disabuikan tantang latak pulau ko dari selat Singapura
• Kota Malaiur (Malayu, atau Palembang?); dicaritoan pulo tantang rajo-rajo Malayu, diantaronyo adolah Paramasura.
• Pulau Jawa Ketek (pulau Sumatra?); dipakirokan sabuikan untuak Sumatra, dek ciri-ciri komoditas jo binatang (gajah, badak, alang itam) nan disabuikannyo.
• Karajaan-karajaan Ferlec (Perlak) jo Basman (Peusangan -di daerah Bireuen sekarang-); dicaritoan tantang karajaan-karajaan sakuliliang jo adonyo suku Battas (Batak) di padalaman.
• Karajaan-karajaan Samara (Samudra) jo Dagroian (Pidie .); disabuikan tantang pohon karambia (palem Melayu) jo legenda kanibalisme famili nan maningga.
• Karajaan-karajaan Lambri (Lamuri) jo Fansur (Barus); disabuikan tantang legenda manusia babulu jo babuntuik (orangutan?), kapua barus, jo sagu karambia.

Pautan lua

• (Inggirih) Marco Polo Travels
• (Inggirih) "Did Marco Polo Go To China?" Archived 2010-03-30 di Wayback Machine.
• (Inggirih) Karya-karya Marco Polo di Proyek Gutenberg