Mansa Musa

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Musa Keita I (lahia sakitar tahun 1280 - maningga tahun 1337) adolah mansa kasapuluah Kekaisaran Mali (nan dapek ditajamahkan manjadi "sultan", "panakluk", atau kaisar[1][2][3]). Inyo bakuaso salamo 25 tahun dari tahun 1312 sampai tahun 1337. Katiko Mansa Musa naiak tahta, wilayah Kakaisaran Mali mancakup bekas wilayah Kakaisaran Ghana di Mauritania selatan jo di Melle (Mali) sarato wilayah-wilayah sakitarnyo. Musa mamiliki banyak gelar, saparti "Amir Melle", Panguaso Tambang-Tambang Wangara", jo "Panakluk Ghanata". Mansa Musa konon alah manaklukkan 24 kota.[4]

Pado masonyo, nagara Mali marupoan pahasil ameh paliang gadang di dunia, dan Mansa Musa marupoan salah satu urang takayo dalam sijarah. Konon jumlah kakayoannyo dek gadang bana sahinggo indak dapek dipakiroan sicaro pasti.[5] Salah satu kisahnyo nan paliang dikana adolah katiko inyo pai untuak manunaikan ibadah haji di Mekkah. Dalam pajalanannyo, inyo sangaik dermawan dan mambagi-bagi amehnyo, tatapi tindakannyo iko konon malah marusak ekonomi di Kairo, Medina, Mekkah jo kota-kota lain nan dilintasinyo, karano nilai ameh lansuang jatuah dan harago-harago pun naiak. Untuak mampelokan kaadaan iko, dalam pajalanan pulangnyo, inyo mancubo maminjam sadoalah ameh nan dapek inyo baok dari paminjam pitih di Kairo jo bunga nan tinggi, tatapi upaya iko kurang bahasil. Iko marupokan satu-satunyp peristiwa dalam sijarah katiko ciek urang mampu mangandalikan harago ameh sicara langsuang di kawasan Laut Tengah.

  1. Knoblock, Kathleen, "An Interview with Ibn Battuta", Primary Source Fluency Activities: World Cultures (In Sub-Saharan Africa), Shell Education, 2007. ISBN 978-1-4258-0102-1.
  2. Travels in Asia and Africa, 1325-1354, by Ibn Battuta, London 2005, hlm. 324, ISBN 0-415-34473-5.
  3. Berkin, Carol, Christopher Miller, Robert Cherny, James Gormly & Douglas Egerton, Making America – A History of the United States, 5th edition, Boston, 2011, hlm. 13. ISBN 978-0-618-47139-3.
  4. C. Conrad, David (1 January 2009). Empires of Medieval West Africa: Ghana, Mali, and Songhay. Infobase Publishing. p. 36-36. ISBN 1438103190. https://books.google.com/books?id=hgrmT5wT0R4C. Diakses pado 1 Nopember 2015. 
  5. Jacob Davidson. "The 10 Richest People of All Time". CNNMoney. .