Manortor

Wikipedia Minangkabau - Lubuak aka tapian ilimu
Babarapo urang sadang manari tor-tor di halaman rumah adaik batak.

Manortor marupoan salah satu bantuak kabudayaan Batak. Manortor barasa dari kato tortor, nan aratinyo manari tortor. Manari tortor marupoan tarian traditional daerah Batak, nan digunoan untuak alek adaik (horja godang) jo alek pakawinan. Panggunoan tari tortor ko mampunyoi pabedaan sasuai kagunoannyo, untuak panikahan adaik atau nan digunoan dukun untuak maubek panyakiak urang Tapanuli.

Ado anam macam tari tortor nan digunoan untuak maubek panyakik, nan patamo Tortor Pangurason (tari pambarasiahan), nan kaduo Tortor Sipitu Cawan (tari tujuah cawan), nan katigo Tortor Tunggal Panalua, nan kaampek Tortor Sigale-gale jo Tortor Souan. Adopun jinis tortor nan umum digonoan dalam pakawinan adak Batak adolah, nan patamo gondang mula-mula jo tortor mula-mula, nan kaduo Gondang Somba-somba jo Tortor Somba-somba, nan katigo Gondang Mangaliat jo Tortor manggaliat, nan tarakhia Gondang Hasahatan jo Tortor hasahatan.[1]

Makasud tortor Dalam Adaik Upacara Parnikahan[suntiang | suntiang sumber]

tortor dalam upacara adaik parkawinan marupoan tarian Batak nan mampunyoi

Pakaian[suntiang | suntiang sumber]

Adopun untuak manari tortor ko busana nan digunoan panari (panortor) adolah mamakai pakaian kebaya jo ulos nan disandangkan di sabalah suok bahu untuak padusi, sadangkan untuak laki-laki mamakai kemeja atau jas sarato ulos nan disandangkan di sabalah suok bahu laki-laki.

Musik[suntiang | suntiang sumber]

Musik pangiriang tarian tortor dalam alek pakawinan disabuik gondang (gandang). Adopun pakakeh nan digunoan dalam mairiangi musik tortor ko adolah alaik musik ogung (aguang), oloan, sarune (sarunai), gordang, ihuton, panggora, doal, hesek, dan taganing.

Rekor MURI[suntiang | suntiang sumber]

Puncak parayoan ulang taun ka-73 Kabupaten Tapanuli Utara ditutuik jo pamacahan rekor MURI untuak panari tortor tabanyak. Museum Rekor Indonesia (MURI) mancataik, tarian khas urang Batak nan dibaokan jo kolosal ko, malibaikan limo puak nan tadiri dari puak Pakpak, puak Simalungun, puak Karo, puak Tapanuli Utara, jo puak Tapanuli Selatan. Adopun total panari mancapai 3.291 panari (panortor) nan talibaik dalam pamacahan rekor ko, nan tadiri dari pelajar Sikolah Manangah Patamo (SMP) dari 5 kecamatan jo 16 sikolah nan ado di Tapanuli Utara. Pamacahan rekor dilakuan di Lapangan Serbaguna, Tarutuang.[2]

Rujuakan[suntiang | suntiang sumber]

  1. Tati, Diana. "MAKNA TARI TORTOR DALAM UPACARA ADAT PERKAWINAN SUKU BATAK TOBA DESA TANGGA BATU KECAMATAN TAMPAHAN KABUPATEN TOBA SAMOSIR PROVINSI SUMATERA UTAR" (PDF). 
  2. Faizi, Cholis (08 Oktober 2018). "GenPi.co". Tari Tor-tor Tembus Rekor MURI. Diakses tanggal 31 Agustus 2019.