Malompek paga

Wikipedia Minangkabau - Lubuak aka tapian ilimu
Tradisi malompek paga dalam adat Minangkabau, Sumatera Barat.

Pado adaik perkawinan Minangkabau ado saraik nan harus dipanuahi jo ditaati sabalun dilangsuangkannyo perkawinan. Di antaronyo adolah kaduo calon pangantin harus baragamo Islam, indak sadarah atau indak barasal dari suku nan samo kacuali pasukuan tu barasal dari nagari atau luhak nan babeda. Salanjutnyo urang tu dapek saliang maharagoi jo manghormati urang tuo dari kaduo balah pihak, kamudian calon marapulai (laki) harus alah punyo sumber panghasilan untuak dapek manjamin iduik kaluarganyo.[1]

Maminang[suntiang | suntiang sumber]

Adaik perkawinan Minang dalam maminang, jikok bujang jo gadih alah bakenalan atau urang tuo bakainginan maminang ciek gadih dalam rangka mancarian jodoh untuak anak kamanakannyo, mako panjajakan jo paminangan dilakuan dek urang tuo. Paminangan ko dilakuan dek mamak dari pihak padusi.[2] Paminangan disyariat an dalam perkawinan nan wakatu palaksanaannyo diadoan sabalun balangsuangnyo akad nikah.[3] Pado tahap paminangan dikenal tahapan maresek nan dilakuan dek pihak padusi.[4] Tahapan maresek dalam paminangan ko pihak padusi alah mambawo tando barupo cincin panando alah ditarimonyo lamaran. Salanjuiknyo tahapan parkawinan adaik nan biasonyo dilakuan salamo 2-3 hari. Sudah tu ado tahapan japuik bajangkau, makasuiknyo panjampuik an pengantin laki-laki nan dilakuan dek pihak padusi. Dari urutan-urutan acara perkawinan, ado perkawinan nan indak dibuliah dek adaik, yaitu perkawinan lompek paga.

Perkawinan Lompek Paga[suntiang | suntiang sumber]

Perkawinan lompek paga marupokan perkawinan nan dilakuan antaro ka duo calon pengantin yang tampek daerah tingganyo babeda. Alasan dibalakuannyo adaik sarupo ko supayo manjago katurunan sarato indak tacampuanyo urang awak jo urang pandatang. Kalau alah tajadi, keluarga marapulai harus manjalani hukuman barupo mambayia pitih dando. Pitih dando ko di agiah an ka mamak untuak kaparaluan balai adaik. Dando ko diukua dari jarak tampek tingga kaduo calon pengantin dan sasuai jo kesepakatan basamo. Misalnyo urang Nagari Koto nan Gadang, Kecamatan Payakumbuh akan babini ka urang di Nagari Padang Tarok, Kecamatan Baso. Dari jarak daerah tu, pihak kaluarga laki-laki harus mambayia pitih dando sabanyak 2 ameh sataro jo pitih kurang labiah Rp 3.500.000,00. Sarupo itu lah sala ciek tradisi nan ndak dibuliah an dek adaik di Minangkabau yaitu malompek paga.

Rujuakan[suntiang | suntiang sumber]

  1. Adat Minangkabau Pola dan Tujuan Hidup Orang Minang, Amir M.S. Jakarta : Citra Prima
  2. Hukum Perkawinan Adat. Hilman Hadi Kusuma. Bandung: Citra Aditya Bakti. 1990.
  3. Hukum Perkawinan Islam di Indonesia. Amir Syarifudin. Jakarta: Prenada Media. 2007.
  4. Perkawinan Adat Minangkabau. Fiony Sukma Sari. Jakarta: Kencana. 2003.