Malam bainai
Malam bainai[1] adolah malam tarakhia bagi calon anak daro, nan marupoan pengantin padusi di Minangkabau, marasoan kabebasan sabagai padusi lajang. Sacaro kabahasaan, bainai bararti maagiah inai atau mamakai inai, iyolah malakek-an daun pacar kuku (Lawsonia inermis) nan dalam istilah Sumatera Barat disabuik daun inai nan alah ditumbuak sampai aluih ka kuku-kuku jari calon pengantin padusi. Daun inai nan lah ditumbuak aluih tu bilo dibiaan lakek samalaman akan maninggaan bakeh warna sirah cemerlang di kuku.[2] Warna sirah di kuku maagiah tando bawosanyo rang padusi tu alah manikah.[3] Indak kasado kuku jari tangan diagiah inai, malainkan hanyo sambilan jari. Maknanyo adolah sapuluah bararti samparono, sadangkan kasempurnaan hanyo milik Tuhan.[4]
Malam bainai marupoan bagian dari rangkaian ritual adaik nan dimulai sajak babarapo ari sabalum hinggo sasudah parnikahan. Sabalumnyo, calon pangantin padusi nan dalam bahaso Minang disabuik anak daro, malakuan ritual mandi-mandi. Di ari tu anak daro mamakai tokah (yaitu samacam salendang nan dibaluik-an manyilang di dado sainggo bagian-bagian bau dan langan tampak tabukak).
Rujuakan[suntiang | suntiang sumber]
- ↑ Yusuf, hlm. 2.
- ↑ "Malam Bainai". Diakses tanggal 27 November 2017.
- ↑ "Malam Bainai (Malam Melekatkan Inai Pada Kuku Jari Pengantin Wanita)". Diakses tanggal 27 November 2017.
- ↑ "Malam Bainai, Malam Terakhir Sang Gadis Minang". Diakses tanggal 27 November 2017.