Makkah Ketek

Makkah ketek Tampek wisata nan ciek ko talatak di Lubuak Minturun, kacamatan Koto Tangah, Kota Padang, Sumatera Barat.  Jiko sanak nio ka tampek iko lewat dari jalur bypass manuju ka Lubuk Minturun itu kiro – kiro sakitar  1/2 jam dari pusat kota.

Sasuai jo namonyo mekah mini ko ampiang samo jo yang ado di Makkah, cuman yang di Padang ko ukuran tampeknyo ketek tu biasonyo tampek ko di gunoan untuk urang yang manasik haji jo tampek wisata, soalnyo iko dibukak untuk umum.

Dari mungko paga masuak ka dalam lokasi tu ado tugu Alqur’an raksasa yang samo kayak di Makkah, cuman yang iko ukurannyo lebih ketek. Siap tu di muko nyo ado lo prasasti yang batulisan namo pandiri tampek wisata iko. Dari sabalah kiri tampek iko ado lo masajik yang namonyo tu masajik Nurzikrillah dan di dalam masajik tu ado lo ka’bah ketek. Dan masajik iko di buka pas urang ka sholat se nyo. Tu di mungko masajik tu ado lo jembatan nan rancak, jembatannyo tu bawarna putiah.

Salain ado masajik jo ka’bah tu, adopulo disinan Rumah putih, rumah putih tu sadolahnyo emang bawarna putiah tamasuak warna dindiang, pintu, jendela jo keramiknyo pun bawarna putih, rumah ko rancak bana untuk di jadian tampek foto untuk sanak nan suko bakodak.

Dan di tampek wisata ko ado pulo miniatur bukik Safa jo bukik Marwah yang marupoan tampek yang di kunjungi katiko awal malakuan rangkaian haji. Sasudah tu ado kolam lauak yang ukuran lauknyo tu samo gadang jo ukuran manusia. lokasi kolamnyo ko talatak di ateh jembatan putiah nan tadi. Biasonyo lauak ko muncul ka permukaan kalau ado pangunjuang mam bae an lauak ketek atau dagiang ka dalam kolam tu. warna lauaknyo tu bawarna kuniang ameh nan indak ka bosan  jiko sanak mamandangnyo.

Di Makkah mini ko tampeknyo sajuak tu  pamandangan alamnyo rancak, soal nyo tampek nyo ko masih hijau tu banyak batang kayu di sakitar tampek wisata ko. Biaya masuak ka tampek wisata ko murahnyo yaitu sakitar tigo ribu sampai ampek ribu rupiah se. sadangkan bukaknyo tu dari jam 05.00 sampai jam 18.00 WIB.