Caliak sumber untuak Mahyuddin Datuak Sutan Marajo

'''Mahyuddin Datuk Sutan Maharadja''' (lahir di [[Sulik Aia, X Koto Diatas, Solok|Sulit Air, Solok]], [[Sumatera Barat|Sumatra Barat]] taun 1858 - wafat di [[Kota Padang|Padang]] taun 1921) adolah wartawan [[Indonesia]] jo perintis pers Melayu. Inyo marupoan tokoh adaik [[Urang Minang|Minangkabau]] nan tanamo.<ref>Suryadi, Perempuan Minang: Matriarchs nan Berlayar di Arus Deras, Padang Ekspres, 25 November 2008</ref>

== Jariah ==
Mahyuddin marupoan salah satu Perintis Pers Indonesia nan banyak malahian jo manerbitkan surek kaba babaso Indonesia. Pado akhia abaik ka-19, inyo mamimpin duo surek kaba babaso Indonesia, iyolah ''Pelita Ketjil'' (didirian pado 1 Februari 1886) jo ''Tjahaya Soematra'' (1897). Pado taun 1901, Mahyuddin manerbitkan jo mamimpin surek kaba ''Warta Berita.'' Surek kaba iko marupoan salah satu surek kaba patamo di Indonesia nan manggunoan [[Bahaso Indonesia|Baso Indonesia]], dipimpin, dan dicetak dek urang Indonesia. Sudah itu, inyo manjadi pamimpin redaksi ''Oetoesan Melajoe'' di [[Kota Padang|Padang]]. Dalam surek kaba tasabuik tertera: "Achbar ini ditjitak pada pertjitakan orang Minangkabau."  Malalui kalimat iko, Mahyuddin nio manunjuakan kamampuan kaum Minangkabau dalam menguasoi usaho surek kabar jo percetakan, nan sangkek itu banyak dijalankan dek urang-urang [[Balando]]. Pado taun 1911, basamo [[Rohana Kudus]], inyo manerbitkan koran padusi ''[[Sunting Melayu|Soenting Melajoe]].''<ref>Poesponegoro, M.D. (1992). Sejarah nasional Indonesia: Jaman Kebangkitan nasional dan masa akhir Hindia Belanda. Jakarta: PT Balai Pustaka. ISBN 979-407-411-X.</ref>

Mahyuddin marupoan tokoh nan peduli jo kamajuan jo parasaian bangsonyo. Dek inisiatifnyo, pado taun 1888 lahia organisasi sosial ''Medan Keramean.'' Pado taun 1911, inyo managakan organisasi ''Perserikatan Orang Alam Minangkerbau,'' nan acok manyokong kemajuan adaik Minang.  Sabagai tokoh adaik tanamo, Mahyuddin acok batikai jo tokoh-tokoh puritan takah [[Ahmad Khatib Al-Minangkabawi]], [[Abdullah Ahmad]], jo [[Abdul Karim Amrullah]]. Pado akha taun 1911, Mahyuddin managakkan percetakan surek kabar ''Snelpersdrukkerij Orang Alam Minangkabau'' nan banyak mencetak koran-koran babaso Indonesia.<ref>Suryadi, Syair Sunur: Teks dan Konteks "Autobiografi" Seorang Ulama Minangkabau Abad ke-19, Citra Budaya & PPIM, Padang, 2004</ref>

Mahyuddin bajaso pulo dalam parjuangan pandidikan padusi di Minangkabau. Pada 1909, inyo managakan sakolah menenun patamo di Padang. Inggo 1912, ado sakitar 12 sakolah sarupo itu di Padang. Programnyo badasarkan pado gagasan bahwa kamajuan jo kasajahteraan padusi dapek dicapai jo caro maiduikan baliak pusako Minangkabau.<ref>{{Cite book|title=Sekolah & Politik : pergerakan kaum muda di Sumatra Barat, 1927-1933|url=https://www.worldcat.org/oclc/1090622661|location=Yogyakarta|isbn=9786026268099|oclc=1090622661|last=Abdullah, Taufik}}</ref>

== Rujuakan ==
{{Reflist}}

[[Kategori:Tokoh dari Solok]]
[[Kategori:Tokoh Minangkabau]]