M. Joesfik Helmy

M. Joesfik Helmy

Biografi
Kalompok etnis	Urang Minangkabau

M. Joesfik Helmy iolah saurang Wartawan, Seniman & Budayawan. Lahia di Payakumbuh tanggal 10 Agustus 1934. Baliau maningga di Padang tanggal 28 Juli 1995, pado umua 61 taun. Joesfik manamaikan pandidikannyo sampai tingkek SMA di kampuang nyo di Kota Padang. Karano taimbau darah seniman yang kuek mangalia di tubuhnyo, taun 50-an iny marantau ka Jakarta siap tu langsuang bagabuang jo komunitas seniman di Taman Ismail Marzuki. Bamulo sabagai pambaco puisi jo bamain teater, inyo mulai mangiriman puisi jo cerpen-cerpen nyo yang siap tu ditabik an di babarapo koran jo majalah yang tabik di ibukota antaronyo prestisius yang di tabik an majalah Horison. Manjalang taun 60-an Joesfik baliak pulang ka kampuang siap tu manjadi redaktur budayo pado edisi minggu harian haluan jo tacatat sampai taun 1969 sabagai awak redaksi harian tasabuik yang katiko itu dipimpin dek H. Koesoema. Karirnyo sabagai wartawan labiah maningkaik bana katiko bagabuang jo Harian Singgalang pado taun 1975 sampai inyo manjabaik Wakil Pamimpin Parusahaan di surek kaba tasabuik. Salain sabagai wartawan Joesfik Helmy yang acok dipanggia Uda Jimmy dek wartawan-wartawan mudo di Sumatera Barat ko, inyo tanamo juo sabagai tokoh seniman jo budayawan. Dalam barundiang manganai kebudayaan kesenian di Sumbar, khususnyo di kota Padang.