Lubuak Tampuruang
Lubuak Tampuruang (Indonesia: Lubuk tempurung) adolah sarasah di Kota Padang, tapeknyo di daerah Kampuang Guo, Balimbiang. Lubuak tampuruang kini alah manjadi tampek raun nan cukuik tanamo di tangah masyarakaik Padang umumnyo, indak jauah dari Parumahan Balimbiang. Talatak sakitar 12 km sabalah timur dari pusaik Kota Padang sarato lingkuangan nan masih alami jo udaro nan sajuak amaik suai untuak nan taragak manikmati kaindahan alam.[1]
Bukik-bukik Kuranji ikolah nan manjadi sasaran untuak mancari karingek katiko libur. Bukik-bukik iko lo nan manjadi pintu masuak Lubuak Tampuruang. Aia tajun ketek ko masih mampunyoi aia nan janiah. Lubuak Tampuruang barasa dari kato "lubuak" nan aratinyo batang aia dalam nan manyarupoi tabek nan saketek babatu-batu, sadang "tampuruang" nan aratinyo sayak karambia. Namo ko diambiak dek bantuak aia tajun nan ketek jo batang aianyo ampia mambantuak satangah lingkaran bak cando tampuruang karambia.[2]
