Lubang pantek

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Lubang pantek (bahaso Inggirih: vagina) adolah anggota tubuah kamaluan pado tubuah padusi.

Sacaro biologis, anggota tubuah ko adolah sabuah saluran babantuak tabuang nan maubuangan uterus ka bagian lua tubuah pado mamalia jo marsupilia batino, atau ka kloaka pado buruang batino, monotrem, dan babarapo jinih reptil. Saranggo jo babarapo jinih binatang nan indak batulang balakang ado pulo punyo anggota tubuah ko, talatak sabagi bagian akia dari oviduct. Lubang pantek marupoan alaik reproduksi pado mamalia batino, sarupo halnyo jo penis pado mamalia jantan.

Istilah

Bahaso Minang punyo bamacam istilah nan marujuak pado anggota tubuah ko. Kamus Dictionnaire Minangkabau-Indonesien-Francais nan disusun dek Gerard Moussay mancatat saindaknyo limo macam kato lain nan manganduang definisi kurang labiah samo, iyolah subagai parties genitales de la femme: "ambuik", "ampuik", "cakai", "pantak", jo "pantuang".[1]

Rujuakan

  1. Moussay, Gerard (1995). Dictionnaire Minangkabau-Indonesian-Francais. Paris: L'Harmattan. ISBN 978-2-7384-3126-4.