Lontong sayua
Lontong adolah makanan Indonesia nan bakambang di masyarakaik Jawa, tabuek dari bareh nan dibungkuih dalam daun pisang dan di kukuih di ateh aia mandidih salamo babarapo jam dan jiko aia hampia habih tambah aia nyo sampai babarapo kali. Lontong umumnyo disajikan jo sate, rujak, gulai kambiang, sayua. Caro varian lontong nan terkenal adolah katupek. Katupek tamasuak kadalam olahan bareh dimasuakkan kadalam anyaman daun karambia nan mudonyo nan acok dibuek pas hari rayo. Karano dibungkuih dalam daun pisang, lontong ko bawarna hijau di lua nyo, samantaro bawarna putiah di dalamnyo. Lontong banyak ditamui di barbagai daerah di Indonesia sabagai makanan alternatif pangganti nasi. Walaupun tabuek dari bareh, lontong mampunyoi aroma nan khas.
Lontong sayua misalnyo, lontong sayua ko acok dipiliah sabagai menu untuak sarapan. Rasonyo gurih kalua dari kuah gulainyo nan mamakai rempah-rempah nan pas. Alum lai, lontong ko mambari sensasi kanyang sahinggo lontong sayua manjadi salah satu makanan nan dipiliah untuak sarapan pagi hari. Adopun resep mambuek lontong sayua ko iyolah: lontong nan alah masak, 600 gram labu siam, 300 gram buncih, 300 gram nangka mudo, 9 batang sarai, 6 lembar daun salam, 6 cm langkueh, 6 sdm minyak goreng, 5.100 ml santan, 7 ½ sdt garam, ½ sdm gulo. Bumbu giliangnyo: 6 buah lado sirah gadang, 18 buah bawang sirah , 6 siung bawang putiah, 9 buah kamiri sangrai. Bahan semur tahu jo talua: 15 butir talua ayam, 30 buah bawang sirah , 3 buah tomat, 3 cm kayu manih, 3 buah cengkeh, ½ sdm pala bubuak, 15 sdm kecap manih, 1 sdm garam, ½ sdm marica bubuak, 2.100 ml aia, 6 sdm bawang goreng, 150 gram karupuak kanji.
Caro mambueknyo: sayua, tumis bumbu giliangnyo, daun salam, langkueh, jo sarai hinggo harum. Masuakan nangka mudo, labu siam, jo buncih. Dimasak sampai layu, masuakan santan, garam, jo gulo, dimasak sampai bumbu maresap. Semur, tumis bawang sirah sampai harum. Masuakan tomat, kayu manih, masuakan aia sampai mandidih, tambahan garam, jo marica bubuak, masak sampai kental. Sajian sayua basamo jo semur tambahkan lontong jo karupuak kanji, ditaburkan bawang sirah diatehnyo.