Leukimia mieloid akut
Leukemia Mieloid Akut (LMA) merupokan sabuah panyakik ganas dari sistim hematopoeitik nan ditandoi jo transformasi neoplastik dari sel progenitor mieloid barupo proliferasi nan eksesif jo gangguan diferensiasi nan manimbuakan hambatan maturasi dari seri mieloid. Karano proses tasabuik fungsi lain dari sel darah normal ikuik taganggu hinggo manimbuakan gejala klinis dari leukemia. Kalau indak diubekan, panyakik nyo akan manyababkan kamatian sacaro capek dalam waktu bara minggu sampai bulan sasudah diagnosis.[1]
Leukemia Mieloid Akut (LMA) marupokan panyakik ganas darah nan sangaik heterogen badasarkan karakteristik biologis jo klinisnyo. Diagnosis LMA ditagakan badasarkan manifestasi klinis, morfologi sel darah tapi jo sum-sum tulang, sitokimia, immunophenotyping, sitogenetik jo molekuler. LMA ditandoi jo ekspansi klonal sel mieloblast di sumsum tulang, darah atau jaringan, ditandoi ≥20% mieloblast di sumsum tulang.[1]
Leukemia mieloblastik akut ditandoi jo tingginyo jumlah myeloblast, nan marupokan cikal bakal dari sel darah putiah seri mieloid nan alun masak. Kanker ko dikenal pulo jo namo lain leukemia mieloid akut atau leukemia mielogenus akut.[1]
Panyabab Leukemia Mieloblastik Akut[suntiang | suntiang sumber]
Leukemia mieloblastik akut disababkan dek mutasi atau parubahan DNA nan tajadi di sel puncak atau induak darah di dalam sumsum tulang. Kondisi iko manyababkan taganggunyo fungsi sumsum tulang dalam mamproduksi sel darah sehat. Sabagai gantinyo, sumsum tulang mamproduksi sel darah indak sehat sarato alun masak. Sel darah nan alun masak bakambang sacara capek, sahinggo mandasak jo manggantikan sel darah siehat di sumsum tulang. Hal iko manyababkan urang nan sakik rentan tahadok babagai jinih infeksi.[1]
faktor Panyabab Leukemia Mieloblastik Akut[suntiang | suntiang sumber]
- Baumua di ateh 65 tahun atau labiah.
- Bajinih kalamin jantan.
- Parokok aktif atau pasif.
- Sistem kakebalan tubuh malamah, misalnyo sasudah transplantasi organ.
- Kalainan darah, sarupo sindrom mielodisplasia jo trombositosis.
- Mangalami kalainan genetik, misalnyo sindrom Down.
- Pernah manjalani kemoterapi jo radioterapi sabalumnyo.[2]
Gejala Leukemia Mieloblastik Akut[suntiang | suntiang sumber]
- Nyeri sendi jo tulang.
- Pancaliakan kabua.
- Gangguan kaseimbangan.
- Mudah luko atau muncua ruam di kulik.
- Kajang.
- Mimisan.
- Mambangkak atau pandarahan di gusi.
- Mambangkak kelenjar getah bening di lihia, pangka paho atau, katiak[2]
Ciri-ciri Leukemia Mieloblastik Akut[suntiang | suntiang sumber]
Nyeri Tulang
Marasokan sakik di bagian tulang jo sendi manjadi sabuah gejala AML nan acok tajadi. Salain itu, nyeri iko dapek manimbuakan area bawarna kabiruan pado kulik.[2]
Kulik Pucek
Seseorang yang menderita penyakit AML akan terlihat pucat dan mudah kelelahan. Gejala ini dapat dengan mudah dikenali karena tampak secara jelas. Bahkan, pasien dengan mudah mengalami sesak napas yang disebabkan kekurangan sel darah merah. Penderita akan merasa napasnya berat hingga kehabisan napas pada akhirnya.[2]
Luko di bagian tatantu
Pandarito AML biasonyo mangalami luko nan muncua sacara tibo-tibo. Hal tasabuik tajadi karano saketeknyo jumlah trombosit nan ado dalam badan. Randahnyo kadar trombosit dapek manyababkan pandarahan nan indak biaso, sarupo gusi badarah jo mimisan sacara taruih manaruih.
Damam[3]
Pasien AML kamungkinan gadang mangalami damam tinggi sarato banyak mangaluakan karingek pado malam hari. Damam tasabuik manyababkan pasientaruih maraso indak lamak badan, sarato kondisi badan nan samakin manurun. Gejala damam disaratoi pulo jo sakik tenggorokan atau muluik.[2]
Metode Pangubekan Leukemia Mieloid Akut[suntiang | suntiang sumber]
Kemoterapi adolah caro partamo nan paralu dilakuan untuak maubekan Leukemia Myeloid Akut. Metode iko manggunokan bahan kimia untuak mambunuah sel kanker dalam badan. Ubek kemoterapi bafungsi mahancuakan sel-sel darah normal dalam proses maabihan sel-sel leukemia. Kemoterapi dilakuan sakali atau labiah dari duo kali untuak mamastian apokah sel-sel leukemia batua-batua ilang.[3]
Transplantasi marupokan metode nan digunoan jo transplantasi sel induk. Proses iko mambangun baliak sel-sel induak nan sihaik jo mangganti sumsum tulang nan indak sihat jo sel nan bebas dari sel induak leukemia.[3]
Terapi Biologi Metode ini dikenal pulo immunotherapy, yaitu terapi nan manggunokan zat nan mampakuek respon sistem kakebalan tahadok kanker.[3]
Terapi Ubek Terapi ubek manjadi metode nan umum dilakuan dek para pasien AML. tadapek babarapo ubek anti kanker nan dapek digunokan surang atau dalam kaadaan sadang manjalani kemoterapi.[3]
Rujuakan[suntiang | suntiang sumber]
- ↑ a b c d "Leukemia Mieloblastik Akut". Alodokter. 2019-01-18. Diakses tanggal 2020-02-03.
- ↑ a b c d e JawaPos.com (2019-06-03). "Mengenal Leukemia Myeloid Akut dan Harapan Hidup Pasien". JawaPos.com (dalam bahasa Indonesia). Diakses tanggal 2020-02-03.
- ↑ a b c d e "archive copy". Diarsipkan dari versi asli tanggal 2020-01-29. Diakses tanggal 2020-02-07.