Lari balok
Lari Balok adolah salah satu olahraga tradisional di Indonesia nan dilakuan jo caro balari di ateh balok-balok nan disusun mambantuak satu jalur lintasan. Olahraga iko mambutuahan alaik nan sederhana yaitunyo hanyo mambutuahan balok.
Olahraga iko alah mampunyoi paraturan nan diakui sacaro Nasional dan dilombaan dari tingkek provinsi hinggo nasional. Salain dilombakan dalam parayoan paringatan Hari Kemerdekaan Indonesia atau Agustusan, olahraga iko dilombakan pulo katiko Pekan Kebudayaan Nasional 2019 nan disalanggaroan dek Kementerian Pendidikan dan Kebudayaan (Kemendikbud) RI pado 7-13 Oktober 2019 di Istora Senayan, Jakarta. Adapun palombaan Lari Balok dilangsuangkan pado 9-10 Oktober 2019.[1]
Olahraga iko alah mampunyoi paraturan nan diakui sacaro Nasional dan dilombakan dari tingkek provinsi hinggo nasional. Salain dilombakan dalam parayoan paringatan Hari Kemerdekaan Indonesia atau Agustusan, olahraga iko dilombaan pulo katiko Pekan Kebudayaan Nasional 2019 nan disalanggaroan dek Kementerian Pendidikan dan Kebudayaan (Kemendikbud) RI pado 7-13 Oktober 2019 di Istora Senayan, Jakarta. Adopun palombaan Lari Balok dilangsuangkan pado 9-10 Oktober 2019.[2]
Caro Pamainan[suntiang | suntiang sumber]
Caro mamainkan olahraga iko cukuik sederhana. Pamain hanyo paralu balari di ateh balok sasuai lintasan nan alah ditantuan. Satiok malangkah, pamain harus mamindahkan balok di balakangnyo untuak manjadi tumpuan langkah barikuiknyo. Balok digunoan sabagai tumpuan kaki jo tangan. Kagiatan iko taruih dilakuan hinggo malewati garis akhia. Balok nan diparaluan dapek barupo kayu panjang baukuran 25 x 9 x 4 cm sabanyak 4 atau 6 buah disasuaian jo jumlah pamain satiok tim. Olahraga iko dapek dilakukan di lapangan luweh nan mamungkinkan untuak mambuek lintasan antar tim.[3]
Sabelum palombaan dimulai, para pemain manunggu di balakang garis start dan duduak jongkok di ateh duo balok dengan kaduo tangan manyantuah balok nan talatak di balakang duo balok nan diinjak. Aba-aba palombaan lari balok adolah: “Bersedia! - Siap! - Ya!”. Salanjuiknyo adolah peserta lari sampai garis finish. Para peserta dinyatoan gugur apabilo salah satu kaki atau kadua kaki manginjak tanah, salah satu atau kaduo tangan manyantuah tanah, dengan sangajo manggangu peserta lain, sarato kalua dari lintasan.[4]
Manfaat[suntiang | suntiang sumber]
Olahraga tradisional iko adolah pamainan nan manyanangkan sakaligus mandidik. Hal iko dikaranoan pamain manggunoan kasado badannyo untuak bagarak dan sahinggo mambutuahan kalincahan, kekuatan, jo katepatan bapikia dalam mambuek strategi. Kalincahan diparaluan untuak mamindahan balok dengan capek dari balakang ka mungko pamain untuak langkah salanjuiknyo. Olahraga iko dapek pulo dimainkan parorangan atau dalam regu, baiak dimainkan dek padusi atau laki-laki saro dapek pulo untuak sagalo umua.
Rujuakan[suntiang | suntiang sumber]
- ↑ Sadariyahariningrum (20 September 2019). "Lari Balok, Permainan Tradisional yang Unik dan Menyenangkan!". kebudayaan.kemdikbud.go.id (dalam bahasa Indonesia). Diarsipkan dari versi asli tanggal 21 December 2022. Diakses tanggal 11 February 2022.
- ↑ Sadariyahariningrum (20 September 2019). "Lari Balok, Permainan Tradisional yang Unik dan Menyenangkan!". kebudayaan.kemdikbud.go.id (dalam bahasa Indonesia). Diarsipkan dari versi asli tanggal 21 December 2022. Diakses tanggal 11 February 2022.
- ↑ Wijayanto, Aulia Rizky (4 Agustus 2019). "Permainan Olahraga Tradisional Lari Balok Populer di 17an". Pingpoint.co.id (dalam bahasa Indonesia). Diarsipkan dari versi asli tanggal 14 February 2022. Diakses tanggal 11 February 2022.
- ↑ Safari, Indra (2010). ANALISI UNSUR FISIK DOMINAN PADA OLAHRAGA TRADISIONAL. Bandung: Jurnal Kependidikan. https://media.neliti.com/media/publications/132617-ID-analisis-unsur-fisik-dominan-pada-olahra.pdf.
 |
Ado kategori tantang Lari balok di Wikimedia Commons |