Lacak Jambi

Lacak marupoan salah satu ikon Jambi nan dikana sasudah batik, songket, jo tenunan. Lacak barupo ikek kapalo nan dipakai dek bujang melayu Jambi. Dahulunyo lacak digunoan sebagai pelengkap baju adaik Jambi, yaitu sebagai mahkota untuak marapulai. Dek karano lacak merupoan kewibawaan jo kebijaksanaan untuak nan mamakainyo manuruik kepacayoan nan bakambang di Jambi. Tapi kini ko lacak digunoan sebagai salah satu pelengkap baju sehari-hari, dengan bangga anak-anak mudo Jambi mamakai lacak sebagai hiasan kalapo urang tu dalam menjalankan kegiatan sahari-hari. Selain tu lacak juo digunoan pado babagai acara bantuak baralek untuak marapulai maupun keluarga jo tamu undangan, acara aqiqahan, acara sunnatan, ulang tahun Jambi, juo pado hari-hari gadang nasional.

Proses Pembuatan

Lacak dibuek dari kain nan bagian dalamnyo diagiah karateh taba supayo kareh jo mampu tagak. Proses mambuek lacak yaitu kain beludru nan bawarno merah ditenun mamakai benang sasudah tu dibantuak menjadi persegi jo puncak lacak paliang tinggi dilatakan di muko agak manganyampiang ka kanan jo menggunoan kain sebagai motif dari lacak tersebut. Kain nan digunoan untuak mambuek lacak ado beragam, mulai dari kain batik sampai kain songket, tagantung dari motif nan dinio. Salanjuiknyo dipasang bungo runic di sabalah kiri.