Kuro-kuro sungai

Tuntong sungai atau disabuik juo jo kura-kura sungai

Kuro-kuro sungai (Batagur affinis) adolah sajenis kuro-kuro aia payau anggota suku Geoemydidae. Reptil yang biaso disobokan di sakitar estuaria iko manyebar di Kamboja, Malaysia, dan Indonesia. Namun populasinyo alah demikian langka, sahinggo IUCN mamasuakkannyo ka dalam Daftar Merah yang ditabikkannyo jo status Kritis.

Panganalan

Kura-kura babadan sadang, panjang karapas hinggo 700 mm. Lubang iduang talatak di ujuang moncong yang agak mancuang ka ateh. Rahang ateh bagerigi. Kulik di balakang kapalo basisiak ketek-ketek. Kaki jo ampek cakar, jo selaput panuah di antaro jari-jari.

Perisai pungguangnyo licin indak balunas (pado hewan mudo, keping vertebralnya balunas), indak tinggi bana, dan manurun di bagian balakang hinggo hampia pipiah. Keping vertebral kaduo hinggo kaampek hampia samo gadang, dan hampia samo leba jo keping kostal di tangah parisai. Urutan panjang keping vertebral: 2 > < 3 > 4 > 5 > 1; keping vertebral 1 malebar di bagian muko, dan keping vertebral 5 maleba di bagian balakang. Urutan panjang hubuangan di antaro keping parisai paruik: abdominal > pektoral > femoral > humeral > anal > gular.

Pungguang bawarna abu-abu mudo atau cokelat mudo kahijau-hijauan sampai hitam. Hewan jantan yang dalam maso birahi, parisai pungguangnyo bawarna hitam; juga kepalo dan kaki mukonya. Perisai paruik polos indak babacak atau bagarih.