Konferensi Parubahan Iklim PBB 2007

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Konferensi Parubahan Iklim Pasarikatan Banso-banso 2007
2007 United Nations Climate Change Conference
Bali conference inside.jpg
Suasano pasidangan
Begins 03 Desember 2007 (2007-12-03)
Ends 15 Desember 2007 (2007-12-15)
Frequency Tahunan
Venue Bali International Conference Centre, Nusa Dua
Location(s) Nusa Dua, Badung, Bali
Country Indonesia
Previous event 2006
Next event 2008
Participants Nagara-nagara anggota PBB
Organised by Pasarikatan Banso-banso
Website Laman rasmi

Konferensi Parubahan Iklim Pasarikatan Banso-banso 2007 (bahaso Inggirih: 2007 United Nations Climate Change Conference) diadoan di Bali International Conference Centre, Nusa Dua, Bali, Indonesia antaro 3 inggo 15 Desember 2007.

Struktur[suntiang | suntiang sumber]

Konferensi ko tadiri ateh babarapo patamuan nan saliang takaik, antaro lain:[1]

  1. Patamuan ka-13 Nagara-nagara Anggota (Conference of the Parties) Pajanjian Karangko Karajo Parubahan Iklim;[2]
  2. Patamuan ka-3 Nagara-nagara Anggota (Conference of the Parties) Protokol Kyoto;[3]
  3. Sesi ka-27 Badan Palaksana jo Badan Panasihat Sains jo Teknologi Pajanjian Karangko Karajo Parubahan Iklim;[4][5]
  4. Sesi ka-4 Kalompok Karajo Ad hoc untuak Komitmen Lanjuik Nagara-nagara Anggota taadok Lampiran I Protokol Kyoto.[6]

Pasiapan acara[suntiang | suntiang sumber]

Subagai tuan rumah, Indonesia manunjuak Menteri Lingkuangan Iduik Rahmat Witoelar subagai katua umum panitia palaksanaan jo Agus Purnomo sabagai katua harian. Delegasi Indonesia nan baranggotakan 78 urang diketuai dek Emil Salim.[7]

Indonesia manangguang ampia saluruah biaya konferensi; Kamantarian Kauangan mampasiapan labiah kurang Rp 15 miliar.[7] Pangamanan disadioan dek Kapolisian Republik Indonesia basamo unit kaamanan PBB, Tentara Nasional Indonesia, jo satuan pangamanan tradisional pecalang.[8]

Pambukaan[suntiang | suntiang sumber]

Sekretaris CoP Yvo de Boer pado pambukaan konferensi.

Konferensi dibukak pado 3 Desember 2007 di Plenary Room, Bali International Convention Center, dek Presiden Indonesia Susilo Bambang Yudhoyono jo Presiden Conference of Parties UNFCCC David Mwiraria dari Kenya. Acaro kudian dilanjuikan jo pidato panel dari Sekretaris CoP Yvo de Boer.[9]

Jalan acara[suntiang | suntiang sumber]

Konferensi ko didominasi jo pasiapan nagara-nagara anggota PBB untuak mananggulangi parubahan iklim malalui negosiasi pambaharuan Protokol Kyoto. Proposal awal nan diajuan dek Uni Eropa manyatoan baso emisi global akan mamuncak dalam waktu 10 inggo 15 tahun. Proposal ko manyaruan agar nagara-nagara maju untuak dapek mencapai target emisi 20-40% di bawah level tahun 1990 pado tahun 2020. Proposal ko ditulak kareh dek Amerika Sarikat nan didukuang jo Japang, Kanada, Australia, jo Rusia. Pado akhianyo, hasil konferensi ko mamandatkan "panurunan nan drastis pado tingkek emisi global".[10]

Hasil[suntiang | suntiang sumber]

Komunike Bali[suntiang | suntiang sumber]

Pado tanggal 30 November 2007, sakitar 150 pamimpin parusahaan dunia manandatangani sabuah Komunike Bali nan baisi seruan agar adonyo sabuah pajanjian antarobanso komprehensif dan maikek sacaro hukum untuak mananggulangi parubahan iklim, managehan paran ilmu pangatauan untuak mangurangi kadar emisi dunia, manyaruan nagara-nagara industrial untuak ado di barisan muko untuak mausaoan pancagahan parubahan iklim, sarato manyaruan pamimpin dunia untuak manyapakati satu karangko karajo untuak sabuah pajanjian antarobanso nan baru untuak manggantian Protokol Kyoto. Komunike ko diusaoan dek UK and EU Corporate Leaders Groups on Climate Change nan dipimpin dek Charles, Pangeran Wales.[11][12] Antaro parusaoan nan manandatangan komunike ko adolah Nokia, Tesco, Lloyds TSB, jo Nike.[13]

Bali Road Map[suntiang | suntiang sumber]

Bali Road Map adolah sarangkaian rencana nan disapakati dek patamuan CoP UNFCCC untuak mawadahi langkah komprehensif pananggulangan parubahan iklim. Di dalamnyo tamasuak sabuah Bali Action Plan nan ditarapan sapanjang duo tahun dan salasai dibahas pado Konferensi Parubahan Iklim PBB 2009 di Copenhagen, Denmark.[1][14]

Bali Declaration by Climate Scientists[suntiang | suntiang sumber]

Bali Declaration by Climate Scientists adolah sabuah deklarasi nan ditandotangani labiah dari 200 pakar kajian parubahan iklim nan manyaruan target spesifik pado pangurangan emisi dunia. Deklarasi ko dipasiapan dek Climate Change Research Centre di Universitas New South Wales, Australia.[15][16]

Rujuakan[suntiang | suntiang sumber]

  1. a b ___ (14 Desember 2007). "Bali Climate Change Conference - December 2007". unfcc.int (United Nations Framework Convention on Climate Change). Diakses 12 Mai 2020.
  2. ___ (3-14 Desember 2007). "Thirteenth session of the Conference of the Parties (COP 13), December 2007". unfcc.int (United Nations Framework Convention on Climate Change). Diakses 12 Mai 2020.
  3. ___ (3-14 Desember 2007). "Third session of the Conference of the Parties serving as the meeting of the Parties to the Kyoto Protocol (CMP 3), December 2007". unfcc.int (United Nations Framework Convention on Climate Change). Diakses 12 Mai 2020.
  4. ___ (3-11 Desember 2007). "Twenty-seventh session of the Subsidiary Body for Implementation (SBI), December 2007". unfcc.int (United Nations Framework Convention on Climate Change). Diakses 12 Mai 2020.
  5. ___ (3-11 Desember 2007). "Twenty-seventh session of the Subsidiary Body for Scientific and Technological Advice (SBSTA), December 2007".unfcc.int (United Nations Framework Convention on Climate Change). Diakses 12 Mai 2020.
  6. ___ (3-11 Desember 2007). Resumed fourth session of the Ad Hoc Working Group on Further Commitments for Annex I Parties under the Kyoto Protocol (AWG-KP), December 2007. unfcc.int (United Nations Framework Convention on Climate Change). Diakses 12 Mai 2020.
  7. a b Zaki Amrullah (30 November 2007). "Tuntas Sudah Persiapan KTT Iklim Bali". dw.com (DW Indonesia). Diakses 12 Mai 2020.
  8. ___ (16 November 2007). " Polisi PBB Amankan Konferensi Perubahan Iklim di Bali". detik.com. Diakses 12 Mai 2020.
  9. ___ (3 Desember 2007). "Key climate summit opens in Bali". BBC News. Diakses 12 Mai 2020.
  10. "Environment leaders say U.N. summit should set timeline for post-Kyoto agreement". International Herald Tribune. 2007-06-14. Diarsipkan dari versi asli tanggal June 12, 2008. Diakses tanggal 1 Juni 2020. 
  11. ___ (November 2007). "The Bali Communiqué". Cambridge Institute for Sustainability Leadership. Diakses 12 Mai 2020.
  12. Marcheilla Ariesta Putri Hanggoro (27 Oktober 2016). "Bali Communique dan Gender Declaration jadi hasil IORA tahun ini". merdeka.com. Diakses 12 Mai 2020.
  13. ___ (30 November 2007). "Business call for plan on climate". BBC News. Diakses 12 Mai 2020.
  14. ___ (Desember 2007). "Decisions - Bali Climate Change Conference - December 2007". unfcc.int (United Nations Framework Convention on Climate Change). Diakses 12 Mai 2020.
  15. ___ (1 September 2007). " 2007 Bali Climate Declaration by Scientists". Climate Change Research Centre at the University of New South Wales. Diakses 12 Mai 2020.
  16. Narelle Towie (6 Desember 2007). "Scientists issue declaration at Bali". Nature. Diakses 12 Mai 2020. doi:10.1038/news.2007.361.