Koncek

Dari Wikipedia baso Minang, ensiklopedia bebas
Lompek ka: navigasi, cari
Baragam jinih koncek

Koncek adolah kalompok gadang baragam hewan amfibi karnivora nan batubuah pendek dan indak baikua, nan tamasuak dalam ordo Anura (Yunani Kuno: an-, indak punyo + oura, ikua). Fosil tatuo "proto-koncek" ditamuan pado maso Trias Awa di Madagaskar, namun panantuan jam molekuler mampakiroan baso asa-usua mareka labiah jauah lai inggo ka maso Perm, yaitu 265 juta taun nan silam.

Koncek taseba sacaro laweh di mano-mano, mulai dari wilayah tropika inggo subartik; walau baitu konsentrasi tagadang kaanekaragaman spesiesnyo tadapek di rimbo-rimbo ujan tropika. Tacatat ado sakita 4.800 spesies koncek, nan marupoan labiah dari 85% dari spesies amfibi nan masih iduik. Koncek adolah salah satu dari limo ordo vertebrata nan palaing baragam.

Labiah dari sapertigo spesies nan ado kini ko dianggok dalam kondisi taancam punah, dan labiah dari saratuih duo puluah spesies dipakiroan lah sabana punah sajak taun 1980-an.[1]

Catatan kaki[suntiang | suntiang sumber]

  1. ^ Stuart, S. N.; Chanson, J. S.; Cox, N. A.; Young, B. E.; Rodrigues, A. S. L.; Fischman, D. L.; Waller, R. W. (2004). "Status and trends of amphibian declines and extinctions worldwide". Science 306 (5702): 1783–1786. doi:10.1126/science.1103538. PMID 15486254. 

Bahan bacoan[suntiang | suntiang sumber]