Kitab Undang-undang Hukum Acara Pidana

Undang-Undang Republik Indonesia Nomor 8 Tahun 1981 tentang Hukum Acara Pidana (umum disabuik Kitab Undang-undang Hukum Acara Pidana, disingkek KUH Acara Pidana atau KUHAP) adolah undang-undang Indonesia nan mangatur palaksanaan formil dari hukum pidana.

KUHAP adolah dasar hukum untuak aparat panagak hukum cando kapolisian, kajaksaan, jo pangadilan untuak malaksanakan wewenangnyo. Kitab ko mangatur urusan panyidikan, panyalidikan, panahanan, panangkapan, jo hal-hal lain nan manjadi prosedur dari palaksanaan pidana nan alah diatur dek Kitab Undang-undang Hukum Pidana (KUHP).

Sabalun balakunyo UU No. 8 Tahun 1981, hukum acara pidana di Indonesia diatur dek Het Herziene Inlandsh Reglement (HIR), produk hukum warisan pamarintah kolonial Hindia Balando nan balaku lewat Staatsblad No. 44 Tahun 1941. HIR tetap balaku sampai tigo puluah tahun partamo kamerdekaan Republik Indonesia sabalun Majelis Permusyawaratan Rakyat mangaluaan Tap MPR RI No. IV/MPR/1978 Bab IV Bidang Hukum nan mangamanatkan mengamanatkan kodifikasi jo unifikasi di bidang hukum, salah satunyo pado bidang hukum pidana.

Salapeh Reformasi jo munculnyo institusi Mahkamah Konstitusi, KUHAP manjadi salah satu undang-undang nan paliang banyak dimohonkan Permohonan Pengujian Perundang-undangan (PPU); dari 63 kali pamohonan, sabanyak 12 pamohonan dikabulkan atau dikabulkan sabagian dek MK. KUHAP pado masa Reformasi juo alah dilengkapi palaksanaannyo dek undang-undang lain, cando UU No. 4 Tahun 2004 tentang Kekuasaan Kehakiman. Dek karano itu, ado pihak-pihak nan alah mandasak supayo KUHAP ko diubah.

Pautan lua

• KUH Acara Pidana Archived 2019-12-23 di Wayback Machine. pado laman rasmi Komisi Pemberantasan Korupsi